E MATIU 26
26
1 Oku buleaki‘i a Kalaisi e he kau bule. 6 Koe tākai hono ulu e he fefine. 15 Koe fakatau ia e Jutasi. 17 Koe kai e Kalaisi ae basova: 26 mo ne fokotuu ae ohomohe maonioni: 36 oku lotu ia i he goue: 47 oku lavaki aki ia ae uma, 57 oku taki ia kia Kaiafasi, 69 bea fakafiji e Bite kiate ia.
1BEA kuo fakaoji e Jisu ae gaahi akonaki ni kotoabe, bea behe eia ki he ene kau akoga. 2Oku mou ilo ka hili ae aho e ua e hoko ae katoaga oe Lakaatu, bea e lavaki‘i ae Foha oe tagata ke tutuki ki he akau. 3Bea toki fakataha ai ae kau taulaeiki lahi, moe kau tagata tohi, moe kau mātua oe kakai, ki he fale oe taulaeiki lahi nae ui ko Kaiafasi, 4O nau fakakaukau be fefe e nau buke ia, kae tamate‘i ia? 5Ka naa nau behe, Kae ikai i he katoaga, telia naa ai ha maveuveu i he kakai.
6Bea nae i Betani a Jisu, i he fale o Saimone koe kilia, 7Mo ene ha‘u kiate ia ha fefine, nae omi ae buha alabasita oe lolo mahuiga lahi aubito, o ne liligi ia ki hono fofoga, i he ene nofo o taumafa. 8Ka i he mamata ki ai ene kau akoga, naa nau lea ita, o behe, Koeha kuo maumau‘i ai eni? 9He nae mei fakatau ae lolo ni aki ae koloa lahi, bea foaki ia ki he majiva. 10Bea kuo ilo‘i e Jisu, bea behe eia kiate kinautolu, Koeha oku mou fakamamahi ai ki he fefine? he kuo fai eia ae gaue lelei kiate au. 11He oku iate kimoutolu ma‘u ai be ae majiva; ka oku ikai te mou ma‘u mau ai be au. 12Koeuhi i he ene liligi ae lolo ni ki hoku jino, kuo ne fai ia koe teu ki hoku butu. 13Ko eku tala mooni atu kiate kimoutolu, Koe botu kotoabe o mamani e malaga aki ai ae ogoogolelei ni, e fakaha ai foki aia kuo fai e he fefine ni, ko hono fakamanatu‘i.
14Bea toki alu ki he kau taulaeiki lahi ha taha oe toko hogofulu ma toko ua, nae ui ko Jutasi Isikaliote, 15O ne behe, Koeha te mou omi kiate au, kau lavaki‘i ia kiate kimoutolu? bea nau alea mo ia ki he koga siliva e tolugofulu. 16Bea talu mei ai mo ene lamaji ia ke tuumalie a hono lavaki‘i.
17Bea nae ha‘u kia Jisu ae kau akoga i he uluaki aho oe ma tae mea fakatubu, o nau behe kiate ia, Oku ke loto ke mau teuteu ife ke ke kai ai i he Lakaatu. 18Bea behe eia, Mou o ki he tagata koia i he kolo, o tala kiate ia, Oku behe mai ae Eiki, Kuo ofi hoku aho, bea te mau kai ae Lakaatu i ho fale mo eku kau akoga. 19Bea nae fai e he kau akoga o hage koe fekau a Jisu kiate kinautolu; bea nau teu ae katoaga oe Lakaatu. 20Bea kuo hoko ae efiafi, bea nofo ia moe toko hogofulu ma toko ua. 21Bea i he e nau kai, nae behe eia, Ko eku tala mooni atu kiate kimoutolu, e lavaki‘i au e ho mou toko taha. 22Bea naa nau mamahi lahi, o nau taki taha kamata fehui kiate ia, o behe, Eiki, ko au ia? 23Bea lea ia o behe, Ko ia oku ma ai mo au ho ma nima ki he ibu kai, ko ia ia te ne lavaki‘i au. 24Oku alu ae Foha oe tagata o hage koia kuo tohi kiate ia: kae malaia ae tagata koia aia oku lavaki‘i ai ae Foha oe tagata! nae lelei ki he tagata koia oka ne ikai fanau‘i ia. 25Bea toki lea a Jutasi, aia ne lavaki‘i ia, o beheage, Eiki, ko au ia? Bea talaage eia kiate ia, Koia be.
26Bea i he e nau kai, nae too e Jisu ae ma, o ne fakafetai, mo tofitofi, bea atu ki he kau akoga, o ne behe, Too, o kai; ko eni hoku jino. 27Bea ne too ae ibu inu, o fakafetai, bea atu kiate kinautolu, mo ne behe, Mou inu ai kotoabe: 28He ko hoku toto eni oe fuakava foou, aia oku liligi ke fakamolemole ai ae agahala ae toko lahi. 29Ka oku ou tala atu kiate kimoutolu, Gata heni, e ikai teu toe inu i he fua ni oe vaine, kae oua ke hokojia ae aho koia teu inu foou ia mo kimoutolu i he buleaga o eku Tamai. 30Bea kuo hili e nau hiva, bea nau alu atu ki he mouga oe Olive. 31Bea toki behe ai e Jisu kiate kinautolu, E tūkia akimoutolu kotoabe i he bo ni iate au: he kuo tohi, Teu ta‘i ae tauhi, bea e movetevete ai ae faga sibi. 32Kae hili eku toetuu, teu muomua iate kimoutolu ki Kaleli. 33Bea lea a Bita, o beheage kiate ia, Kabau e tūkia kotoabe iate koe, e ikai teu tūkia o lauikuoga. 34Bea talaage e Jisu kiate ia, Oku ou tala mooni atu kiate koe, E teeki ai uua ae moa i he bo ni, ka e liuga tolu hoo fakafiji iate au. 35Bea talaage e Bita kiate ia, Kabau teu mate ai mo koe, kae ikai teu fakafiji‘i koe. Bea lea behe be foki ae kau akoga kotoabe.
36Bea toki ha‘u ai a Jisu mo kinautolu ki he botu oku ui ko Ketesemeni, o ne behe ki he kau akoga, Mou nofo i heni, kau alu ki hena o lotu. 37Bea ne ave a Bita moe foha e toko ua o Sebeti, bea kamata mamahiia ia mo māfajia lahi. 38Bea toki behe eia kiate kinautolu, Oku mamahi lahi aubito, o hage ka mate, hoku laumalie: mou nofo be i heni, ke tau leo mo au. 39Bea alu jii atu ia, o to fakafoohifo, o behe ene lotu, A eku Tamai, kabau e faa fai, bea ave ae ibu ni iate au: kae oua naa faiteliha be au, ka ko koe be. 40Bea ha‘u ia ki he kau akoga, o ne ilo akinautolu oku mohe, bea ne behe kia Bita, He oku behe, kuo ikai te mou faa leo mo au i he feituu bo e taha? 41Leo mo lotu, telia naa lava‘i akimoutolu e he ahiahi: koe mooni oku fie fai e he laumalie, ka oku vaivai ae kakano. 42Bea toe alu atu ia ko hono liuga ua, o lotu, o behe, A eku Tamai, kabau e ikai lelei ke ave ae ibu ni iate au, kae i he eku inumia ia, ke fai be hoo faiteliha. 43Bea ha‘u ia o ne ilo oku nau toe mohe: he nae māfajia ho nau mata. 44Bea tuku ai be eia akinautolu, kae toe alu atu, o lotu ko hono liuga tolu, o ne toe fai be ae lea koia. 45Bea toki ha‘u ia ki he ene kau akoga, o ne behe kiate kinautolu, Mau be hoo mou mohe ni, bea mālōlō: vakai, kuo ofi ae feituu bo e lavaki‘i ai ae Foha oe tagata ki he nima oe kau agahala. 46Tuu hake, ke tau alu: vakai, oku i heni ia oku ne lavaki‘i au.
47Bea lolotoga ene lea, iloage, ko Jutasi, koe taha oe toko hogofulu ma toko ua, nae ha‘u ia moe kakai toko lahi, moe gaahi heleta, moe akau, mei he kau taulaeiki lahi moe kau mātua oe kakai. 48Bea ko ia naa ne lavaki‘i ia, naa ne tuku kiate kinautolu ae fakailoga, o ne behe, Ka iloga aia teu uma ki ai, ko ia ia: buke ia ke ma‘u. 49Bea ha‘u leva ia kia Jisu, o ne behe, Labai, jiotoofa: bea uma kiate ia. 50Bea behe e Jisu kiate ia, Kaiga, koeha kuo ke ha‘u ai? Bea toki ha‘u akinautolu, o ala ho nau nima kia Jisu, o buke ia. 51Bea vakai, koe taha o nautolu nae ia Jisu, nae ai hono nima ki he ene heleta o toho, o ne ta‘i aki ae tamaioeiki ae taulaeiki lahi, bea motuhi hono teliga. 52Bea toki behe e Jisu kiate ia, Toe ai hoo heleta ki hono aiaga: he ko kinautolu kotoabe oku too heleta te nau auha i he heleta. 53Oku ke mahalo e ikai teu faa lotu ni ki he eku Tamai, bea te ne tuku leva ni kiate au ae kau agelo ke lahi i he lijione e hogofulu ma ua? 54Kae fakamooni fefe ae gaahi tohi, aia oku fakaha ai e behe ni be? 55I he feituu bo koia nae lea ai a Jisu ki he kakai lahi, Oku mou ha‘u moe gaahi heleta moe akau ke buke au, o hage ko ha kaihaa? Naaku nofo mo kimoutolu o ako i he fale lotu lahi, i he aho kotoabe, bea nae ikai te mou buke au. 56Ka kuo fai ae gaahi mea ni kotoabe, ke fakamooni ae gaahi tohi ae kau balofita. Bea nae toki liaki ia e he kau akoga kotoabe, ka nau feholaki.
57Bea ko kinautolu nae buke a Jisu naa nau tataki ia kia Kaiafasi koe taulaeiki lahi, bea katoa ai ae kau tagata tohi moe kau mātua. 58Ka nae muimui mamao atu kiate ia a Bita, ki he fale oe taulaeiki lahi, bea hu ki ai, o nau nonofo moe kau tamaioeiki, ke mamata ki hono ikuaga. 59Bea kumi e he kau taulaeiki lahi, moe mātua, moe kau fakamāu kotoabe, ae fakamooni loi kia Jisu, kae tama-te‘i ia; 60Ka nae ikai ilo ha taha: nae ha‘u ae fakamooni loi toko lahi, ka nae ikai te nau ma‘u ha taha. Bea toki omi fakamui ae ogo fakamooni loi e toko ua, 61O na behe, Nae behe eia, Oku ou faa fai ke veteki ae fale lotu lahi oe Otua, mo toe laga ia i he aho e tolu. 62Bea tuu hake ae taulaeiki lahi, o ne behe kiate ia, Oku ikai hao lea ki ai? koeha ia oku nau fakailo ni kiate koe? 63Ka nae logobe a Jisu. Bea lea ae taulaeiki lahi, o beheage kiate ia, Oku ou fekau malohi kiate koe i he Otua moui, ke ke fakaha mai kiate kimautolu, be koe Kalaisi akoe, koe Alo oe Otua. 64Bea talaage e Jisu kiate ia, Koia be: ka oku ou tala atu kiate kimoutolu, Te mou mamata a mui ki he Foha oe tagata oku nofo ki he nima toomatau oe mafimafi, bea mo ene ha‘u i he gaahi ao oe lagi. 65Bea toki haehae e he taulaeiki lahi hono kofu, o ne behe, Kuo lea fie Otua ia; koeumaa kiate kitautolu ha toe fakamooni? vakai, kuo mou fanogo ni ki he ene lea fie Otua. 66Koeha ho mou loto? Bea nau lea, o beheage, Oku totonu ke ne mate. 67Bea naa nau toki aanu ki hono mata, o tuki‘i ia; bea jibi‘i ia e he niihi aki ho nau aofi nima, 68O beheage, Akoe, Kalaisi, mate mai kiate kimautolu, kohai ia naa ne jibi‘i koe?
69Bea nae nofo itua a Bita i he loto a; bea ha‘u ae fefine kaunaga kiate ia, o ne behe, Ko koe foki naa ke ia Jisu o Kaleli. 70Ka nae fakafiji leva ia i he ao o kinautolu kotoabe, mo ne behe, Oku ikai teu ilo hoo lea. 71Bea alu atu ia ki he botu e taha oe fale, bea mamata kiate ia ae kaunaga e taha, o ne behe kiate kinautolu nae i ai, Nae ia Jisu o Nasaleti ae tagata ni foki. 72Bea toe fakafiji ia mo fuakava, Oku ikai teu iloa ae tagata. 73Bea fuoloa jii bea ha‘u kiate ia akinautolu nae tutuu ai, o nau behe kia Bita, Koe mooni koe toko taha koe o kinautolu; he oku fakailo koe e hoo lea. 74Bea toki kamata kabe ia mo fuakava, o behe, Oku ikai teu iloa ae tagata. Bea nae uua leva ae moa. 75Bea manatu ai e Bita ki he lea a Jisu, aia nae behe kiate ia, E heeki ai uua ae moa, kae tuo tolu hao fakafiji‘i au. Bea alu kituaa ia, o tagi mamahi.
Currently Selected:
E MATIU 26: TWB
Highlight
Share
Copy
Want to have your highlights saved across all your devices? Sign up or sign in
