E MATIU 14
14
1 Koe mahalo a Helota kia Kalaisi. 3 Hono uhiga ae tutuu ae ulu o Jone koe Babitaiso. 13 Koe alu a Jisu ki ke botu lala: 15 oku ne fafaga ai ae tagata e toko nima afe aki ae foi ma e nima moe ika e ua: 22 ko ene haele i he fukahi taki ki he ene kau akoga: 34 o hifo ki uta i Kenesaleti o ne fakamoui ae mahaki i he ene tuku ke ne tuhu‘i be ae kaba o hono kofu.
1HE kuoga koia nae fanogo a Helota koe tu‘i ki he ogoogo o Jisu. 2Bea behe eia ki he ene kau tamaioeiki, Ko Jone eni koe Babitaiso: he kuo tuu hake ia mei he mate; bea koia oku ha ai iate ia ae gaahi gaue lahi.
3He nae buke mo ha‘i e Helota a Jone, o tuku ia ki he fale fakabobula, koeuhi ko Helotiasi, koe unoho o hono tokoua ko Filibe. 4He nae behe a Jone kiate ia, Oku ikai gofua hao ma‘u ia. 5Bea i he ene tokaga ke tamate‘i ia, nae manavahe ia ki he kakai, he naa nau lau ia koe balofita. 6Ka i he aho nae fakamanatu‘i ai ae faele‘i o Helota, nae mee i ho nau ao ae taahine a Helotiasi, bea malieia ai a Helota. 7Koia naa ne fuakava ai ke ne foaki kiate ia aia kotoabe te ne kole ki ai. 8Bea kuo tomua akonekina ia e he ene fa‘e, bea ne behe, Tuku mai ni kiate au ae ulu o Jone koe Babitaiso i ha ibu. 9Bea mamahi ai ae tu‘i: ka koeuhi ko ene fuakava, mo kinautolu naa nau nonofo mo ia i he kai, naa ne fekau ke age ia kiate ia. 10Bea ne fekau ai ke tutuu ae ulu o Jone i he fale fakabobula. 11Bea nae omi hono ulu i he ibu, o atu ki he taahine: bea ne omi ia ki he ene fa‘e. 12Bea nae ha‘u ene kau akoga, o ave ae jino, mo tanu, bea alu o fakaha kia Jisu. 13Bea kuo fanogo ki ai a Jisu, bea heka vaka ia, o alu mei he botu koia ki ha botu lala: bea fanogo ki ai ae kakai, bea nau hala uta, o muimui iate ia mei he gaahi kolo. 14Bea alu atu a Jisu, o ne mamata ki he kakai toko lahi, bea ofa mamahi ia kiate kinautolu, o ne fakamoui e nau gaahi mahaki.
15Bea kuo efiafi ai, bea ha‘u ene kau akoga kiate ia, o behe, Koe botu lala eni, bea kuo tei oji ae aho; fekau ke alu ae kakai ki he gaahi botu kakai, ke fakatau mea kai maa nautolu. 16Ka nae tala e Jisu kiate kinautolu, Oku ikai aoga e nau alu: mou atu haa nau kai. 17Bea nau behe kiate ia, Koe foi ma be e nima, moe ika e ua, oku tau ma‘u i heni. 18Bea behe eia, Omi ia kiate au. 19Bea fekau eia ki he kakai ke nofo ki lalo ki he mohuku, bea ne too ae foi ma e nima, moe ika e ua, o haga hake ki he lagi, o tabuaki, mo tofitofi ae gaahi foi ma, bea atu ki he ene kau akoga, bea tufaki e he kau akoga ki he kakai. 20Bea naa nau kai kotoabe, o makona: bea tanaki ae toega kai, bea bito ai ae kato e hogofulu ma ua. 21Bea ko kinautolu nae kai, koe tagata e toko nima afe nai; kaeumaa ae kau fefine moe tamaiki.
22Bea toki fekau e Jisu ki he ene kau akoga ke nau heka vaka, o muomua iate ia ki he kau vai e taha, ke ne fekau ke alu ae kakai. 23Bea kuo ne fekau ae kakai ke alu, bea alu hake toko taha be ia ki he mouga ke lotu: bea hokojia ae efiafi, oku ne kei i ai toko taha be. 24Ka kuo i he vaha ae vaka, o to mo hobo i he beau: he nae tokai ae matagi. 25Bea i hono fa oe leo i he bo nae alu atu a Jisu kiate kinautolu, e haele i he fukahi tahi. 26Bea i he mamata ae kau akoga ki he ene haele i he fukahi tahi, naa nau manavahe, o nau behe, Koe laumalie! bea nau tagi kalaga i he manavahe. 27Ka nae lea leva a Jisu kiate kinautolu, o behe, Fiemalie be; he ko au be; oua te mou manavahe. 28Bea lea a Bita, o beheage kiate ia, Eiki, kabau ko koe, fekau mai keu alu atu kiate koe i he vai. 29Bea ne behe, Ha‘u. Bea i he alu hifo a Bita mei he vaka, nae eveeva ia i he tahi, ke alu atu ki a Jisu. 30Ka i he ene mamata oku malohi ae matagi, nae manavahe ia; bea kamata galo hifo, bea tagi ia, o behe, Eiki, fakamoui au. 31Bea mafao leva ae nima o Jisu, o ne buke ia, o ne behe ki ai, Akoe oku jii hoo tui, koeha oku ke fakataetaetui ai? 32Bea i he e na hoko ki he vaka, bea malu ae matagi. 33Bea ha‘u ai akinautolu nae i he vaka, o hu kiate ia, o behe, Koe mooni koe Alo koe oe Otua.
34Bea i he e nau hoko atu, naa nau tuu ki uta ki he fonua ko Kenesaleti. 35Bea kuo ilo ia e he kakai oe botu koia, naa nau fanogonogo ki he botu kotoabe oe fonua koia, o omi kiate ia akinautolu kotoabe nae mahaki; 36O nau kole kiate ia ke nau ala be ki he kaba o hono kofu: bea nae fakamoui haohaoa akinautolu kotoabe nae ala ki ai.
Currently Selected:
E MATIU 14: TWB
Highlight
Share
Copy
Want to have your highlights saved across all your devices? Sign up or sign in
