E MATIU 13
13
3 Koe fakatātā oe tagata tutui moe tega‘i akau: 18 ko hono fakauhiga o ia. 24 Koe fakatātā ki he tega kovi, 31 moe tega‘i musita. 33 moe mea fakatubu, moe koloa kuo fakafufu, 45 moe mataitofe, 47 moe uloa kuo to i tahi. 53 moe taetokaga kia Kalaisi ae kakai o hono fonua.
1NAE alu a Jisu i he aho koia mei he fale, o nofo i he matā tahi. 2Bea katoa kiate ia ae kakai toko lahi, ka ka alu ia ki ha vaka, o nofo ai; ka nae tutuu ae kakai kotoabe ki uta. 3Bea lahi ae gaahi mea naa ne lea aki kiate kinautolu i he lea fakatātā, o behe, Vakai, nae alu atu ae tagata tutui ke tutui; 4Bea i he ene tutui, nae mokulu ae tega niihi i he vee hala, bea ha‘u ae faga manu buna o kai o oji ia. 5Bea mokulu ae niihi i he botu makamaka, nae jii ai ae kelekele; bea tubu leva ia, koeuhi nae ikai matolu ae kelekele; 6Bea i he alu hake ae laa, nae vela ia; bea koeuhi nae ikai hano aka, ne mate ia. 7Bea mokulu ae niihi i he akau talatala, bea tubu ae akau talatala, o fakakājia ia. 8Ka nae mokulu ae niihi ki he kelekele lelei, bea tubu ai ae fua, koe taki teau ae niihi, bea onogofulu ae niihi, moe tolugofulu ae niihi. 9Ko ia oku ne teliga ogo, ke ogo‘i ia. 10Bea ha‘u ae kau akoga, o nau behe kiate ia, Koeha oku ke lea ai kiate kinautolu i he gaahi fakatātā? 11Bea lea ia, o beheage kiate kinautolu, Koeuhi kuo tuku kiate kimoutolu ke ilo ae gaahi mea lilo oe buleaga oe lagi, ka oku ikai tuku kiate kinautolu. 12He ko ia oku ne ma‘u, e toe foaki kiate ia, bea te ne ma‘u o lahi; ka ko ia oku ikai ma‘u, e too meiate ia aia oku ne ma‘u. 13Koia oku ou lea ai kiate kinautolu i he gaahi fakatātā: koeuhi oku nau a, kae ikai mamata; bea oku nau fanogo, kae ikai ogo‘i, bea oku ikai te nau ilo. 14Bea kuo fakamooni iate kinautolu ae lea a Isaia, oku behe, Te mou fakaogoogo bea fanogo, kae ikai ogo‘i; bea te mou jiofia o mamata, kae ikai ilo‘i: 15He kuo fakaogonoa ae loto oe kakai ni, bea kuo tuli ho nau teliga, bea kuo nau fakamohe ho nau mata: telia naa iloage kuo mamata ho nau mata, bea ogo‘i ho nau teliga, bea ilo e ho nau loto, bea liliu ai, bea teu fakamoui akinautolu. 16Ka oku monuia ho mou mata, he oku nau mamata: mo ho mou teliga, he oku nau ogo‘i. 17He oku ou tala mooni atu kiate kimoutolu, Oku toko lahi ae balofita moe tagata maonioni, nae holi ke mamata aia oku mou mamata ai, ka nae ikai te nau mamata, bea ke fanogo aia oku mou fanogo ai, ka nae ikai te nau fanogo.
18Koia ke fanogo akimoutolu ki he fakatātā oe tagata tutui. 19Oka fanogo e ha taha ki he folofola oe buleaga, ka oku ikai tokaga ki ai, oku ha‘u ae toko taha agakovi, o faao aia nae tutui ki hono loto. Ko eni ia naa ne ma‘u ae tega i he vee hala. 20Ka ko ia naa ne ma‘u ae tega i he botu maka, ko ia oku ne fanogo ki he folofola, bea ma‘u fiefia leva ia; 21Ka oku ikai aka ia iate ia, bea oku tologa jii be ia: he oka hoko ae mamahi be ae fakataga koeuhi koe folofola, oku higa leva ia. 22Bea ko ia foki naa ne ma‘u ae tega i he akau talatala, ko ia ia oku ne fanogo ki he folofola; ka koe tokaga ki mamani, moe fakaheke e he koloa, oku ne fakakājia‘i ae folofola, bea taefua ai ia. 23Ka ko ia naa ne ma‘u ae tega i he kelekele lelei, ko ia ia oku ne fanogo ki he folofola, bea tokaga‘i; bea tubu ai hono fua, o taki teau i he niihi, bea onogofulu i he niihi, mo tolugofulu i he niihi.
24Bea fakaha atu eia kiate kinautolu ae fakatātā e taha, o behe, Oku tatau ae buleaga oe lagi moe tagata naa ne tutui ae tega lelei ki he ene goue: 25Bea lolotoga ae mohe ae kakai, nae ha‘u hono fili o ne tutui ae tega kovi i he uite, kae alu ia. 26Bea kuo tubu hake hono muka, bea kamata fua, bea toki ha ai foki ae akau kovi. 27Bea ha‘u ae kau tamaioeiki ae eiki, o nau behe kiate ia, Eiki, ikai naa ke tutui ae tega lelei ki hoo goue? bea kuo tubu meife ae akau kovi? 28Bea beheage eia kiate kinautolu, Koe fili kuo ne fai eni. Bea behe e he kau tamaioeiki kiate ia, E lelei kiate koe e mau alu o taaki ia mei ai? 29Ka nae beheage eia, E ikai; telia i hoo mou taaki ae akau kovi, e mataaki ai moe uite foki. 30Tuku ke na tubu fakataha o a‘u ki he ututa‘u: bea i he fai oe ututa‘u teu tala ki he kau tuuji, Mou tomua tanaki ae akau kovi, o noo u ke tutu ia: kae tanaki ae uite ki hoku feleoko.
31Bea fakaha atu eia kiate kinautolu ae fakatātā e taha, o behe, Oku tatau ae buleaga oe lagi moe foi tega‘i musita, aia nae to e ha tagata i he ene goue. 32Aia oku jii hifo i he tega‘i akau kotoabe: ka oka tubu ia, oku lahi taha be i he faahiga akau iki, bea hoko ia koe fuu akau, ke tuu ae faga manu oe atā i hono gaahi vaa.
33Bea lea aki eia kiate kinautolu ae fakatātā e taha; Oku tatau ae buleaga oe lagi moe mea fakatubu, nae too e ha fefine, o ai ki he fua mahoaa e tolu, ke oua ke fakatubu kotoabe ia. 34Nae lea aki e Jisu ae gaahi mea ni kotoabe ki he kakai i he fakatātā; bea nae ikai lea ia kiate kinautolu ka i he fakatātā be: 35Koeuhi ke fakamooni aia nae lea aki e he balofita, o behe, Teu faai hoku gutu i he gaahi fakatātā; teu fakaha atu ae gaahi mea nae fufu talu mei he tubu o mamani. 36Bea toki fekau e Jisu ke alu ae kakai, bea hu ia ki he fale: bea ha‘u kiate ia ene kau akoga, o nau behe, Fakamatala kiate kimautolu ae fakatātā oe tega kovi i he goue. 37Bea lea ia, o beheage kiate kinautolu, Ko ia naa ne tutui ae tega lelei, koe Foha ia oe tagata; 38Koe goue, ko mamani ia; koe tega lelei, koe fānau ia oe buleaga; ka koe tega kovi, koe fānau ia ae toko taha agakovi; 39Koe fili naa ne tutui ia, koe tevolo ia; koe ututa‘u, koe ikuaga o mamani; bea koe kau tuuji, koe kau agelo 40Koia o hage oku tanaki ae akau kovi o tutu i he afi; e behe foki i he ikuaga oe mamani. 41E fekau atu e he Foha oe tagata ene kau agelo, bea te nau tanaki mei hono buleaga ae mea kotoabe oku fakakovi, mo kinautolu oku fai agahala; 42Bea e laku akinautolu ki he bubua afi: bea e i ai ae tagi moe fegaiitaki oe nifo. 43Bea e toki ulo atu ae maonioni o hage koe laa i he buleaga oe nau Tamai. Ko ia oku ne teliga ogo, ke ogo‘i ia.
44Koe taha, oku tatau ae buleaga oe lagi moe koloa kuo fufu i ha goue; aia ka ilo e ha tagata, oku ne fufu ia, bea alu fiefia ai, o ne fakatau ene mea kotoabe, ke fakatau aki ae goue koia.
45Koe taha, oku tatau ae buleaga oe lagi moe tagata fakatau, oku kumi mataitofe lelei: 46Aia, i he ene ilo ae mataitofe mahuiga lahi, oku alu ia, o ne fakatau ene mea kotoabe, ke fakatau aki ia.
47Koe taha, oku tatau ae buleaga oe lagi moe kubega, nae aau i tahi, bea tau ai ae gaahi ika kehekehe: 48Bea kuo fonu ia, bea nau taki ki uta, bea nofo o tanaki ae lelei ki he gaahi kato, kae liaki ae kovi. 49E behe foki i he ikuaga o mamani: e ha‘u ae kau agelo, o vahe‘i ae agahala mei he agatonu, 50O laku akinautolu ki he bubua afi; bea e i ai ae tagi moe fegaiitaki oe nifo. 51Bea behe ai e Jisu kiate kinautolu, Oku mou ilo ae gaahi mea ni kotoabe? Bea nau talaage kiate ia, Io, Eiki. 52Bea beheage eia kiate kinautolu, Koia koe akonaki kotoabe kuo akonekina ki he buleaga oe lagi, oku tatau ia moe tagata koe eiki oe fale, aia oku omi mei he ene koloa ae gaahi mea foou moe mea motua.
53Bea i he fakaoji e Jisu ae gaahi fakatātā ni, bea alu ia mei ai. 54Bea kuo ha‘u ia ki hono fonua, naa ne akonaki akinautolu i ho nau fale lotu: koia ne nau ofo lahi ai, o nau behe, Oku meife ae boto moe gaahi gaue lahi ae tagata ni? 55Ikai koe foha eni oe tufuga? ikai oku ui ene fa‘e ko Mele? mo hono gaahi kaiga, ko Jemesi, mo Jose, mo Saimone, mo Jutasi? 56Mo hono gaahi tuofefine kotoabe, ikai oku nau iate kitautolu? Bea kuo ma‘u meife eia ae gaahi mea ni? 57Bea nau tūkia iate ia. Ka nae behe e Jisu kiate kinautolu, Oku ikai majiva fakaabaaba ha balofita, ka i hono fonua be, mo hono fale oona. 58Bea nae ikai fai ai eia ha mana lahi koe mea i he e nau taetui.
Currently Selected:
E MATIU 13: TWB
Highlight
Share
Copy
Want to have your highlights saved across all your devices? Sign up or sign in
