E MATIU 10
10
1 Koe fekau e Kalaisi hono kau abosetolo, o ne tuku kiate kinautolu ke nau fai ae gaahi mana, 5 oku netuku kiate kinautolu e nau gaue, o ne akonaki‘i akinautolu, 16 oku ne fakafiemalie‘i akinautolu, koeuhi koe gaahi fakataga: 40 oku ne fakailo ae tabuaki kiate kinautolu te nau ma‘u akinautolu.
1BEA kuo ne ui ke ha‘u kiate ia ene kau akoga e toko hogofulu ma toko ua, naa ne tuku kiate kinautolu ae malohi, ke nau kabuji ae gaahi laumalie taemaa, bea ke nau fakamoui ae mahaki kotoabe, moe hagatamaki kotoabe. 2Bea koe higoa eni oe kau abosetolo e toko hogofulu ma toko ua; Koe uluaki, ko Saimone, oku ui ko Bita, mo Anitelu ko hono tokoua; ko Jemesi koe foha o Sebeti, mo Jone ko hono tokoua; 3Ko Filibe, mo Batolomiu; ko Tomasi, mo Matiu koe tanaki tukuhau; ko Jemesi koe foha mo Alefeusi, mo Lebiusi, nae ui ko Tatiusi; 4Ko Saimone koe Kenani, mo Jutasi Isikaliote, aia ne lavaki‘i ia. 5Koe toko hogofulu ma toko ua eni nae tuku atu e Jisu, o ne fekau‘i akinautolu, o behe, Oua naa mou alu i ha hala oe Jenitaile, bea oua naa mou hu ki ha kolo oe kakai Samelia: 6Ka mou alu mua ki he faga sibi he oe fale o Isileli. 7Bea ka mou ka alu, mou malaga, o behe, Oku ofi ae buleaga oe lagi. 8Fakamoui ae mahaki, fakamaa ae kilia, fokotuu ae mate, kabuji ae kau tevolo: kuo mou ma‘u taetotogi, bea atu taetotogi. 9Oua naa tokonaki ki ho mou noo ha koula, be ha siliva, be ha kaba. 10Be ha kato ki he fonoga, be ha kofu tua e ua, be ha tobuva‘e, be ha tokotoko: he oku tāu moe tagata gaue ke ne ma‘u eia haa ne tauhi. 11Bea koe kolo moe botu kakai kotoabe te mou hu ki ai, mou fehui be kohai i ai oku agalelei; bea mou nofo ai kae oua ke mou toki alu. 12Bea ka mou ka hu ki he fale, tabuaki‘i ia. 13Bea kabau oku lelei ae fale, e hoko ki ai hoo mou tabuaki: bea kabau oku ikai lelei, e foki mai hoo mou tabuaki kiate kimoutolu. 14Bea ko ia e ikai ma‘u akimoutolu, be fanogo ki hoo mou lea, oka mou ka alu mei he fale be koe kolo koia, mou tutui ae efu mei ho mou va‘e. 15Oku ou tala mooni kiate kimoutolu, E katakigofua ae fonua ko Sotoma mo Komola i he aho fakamāu, i he kolo koia.
16Vakai, oku ou fekau atu akimoutolu o hage koe faga sibi i he lotolotoga oe faga uolofi: koia ke mou boto o hage koe gata, bea agalelei o hage koe lube. 17Kae vakai ki he kakai: he te nau tukuage akimoutolu ki he kau fakamāu, bea te nau haha akimoutolu i ho nau gaahi fale lotu; 18Bea e taki akimoutolu ki he ao oe kau bule moe gaahi tu‘i koeuhi ko au, koe fakamooni kiate kinautolu moe Jenitaile. 19Bea ka nau ka tuku atu akimoutolu, oua naa mou feiga be fefe be koeha te mou lea aki: koeuhi e foaki kiate kimoutolu i he feituulaa koia, aia te mou lea aki. 20He oku ikai ko kimoutolu oku lea, ka koe Laumalie o hoo mou Tamai oku lea iate kimoutolu. 21Bea e tuku atu e he tagata hono tokoua ki he mate, moe tamai ene tamajii: bea e tuu hake ae fānau ki he matua, o bule ke mate akinautolu. 22Bea e fehianekina akimoutolu i he kakai kotoabe koeuhi ko hoku higoa: ka ko ia e kataki o a‘u ki he gataaga e moui ia. 23Bea ka nau ka fakataga akimoutolu i ha kolo, mou feholaki ki ha kolo kehe; he oku ou tala mooni atu kiate kimoutolu, E teeki ai te mou ojiki ae gaahi kolo o Isileli i hoo mou alu, ka kuo hoko mai ae Foha oe tagata. 24Oku ikai lahi hake ae akoga i he ene akonaki, be koe tamaioeiki i he ene eiki. 25Oku lahi ki he akoga ke na tatau mo ene akonaki, bea moe tamaioeiki mo ene eiki. Kabau kuo nau ui ae eiki oe fale ko Belisibube, ikai e lahi hake kiate kinautolu i hono fale? 26Koia oua naa manavahe kiate kinautolu: he oku ikai ha mea oku ufiufi e tae fakaha; bea fufu, e tae iloa. 27Koia oku ou tala kiate kimoutolu i he bouli, mou lea aki ia i he māma: bea koia oku mou ogo‘i i he teliga, mou malaga aki ia i he tua fale. 28Bea oua naa manavahe kiate kinautolu oku tamate‘i ae jino, ka oku ikai faa tamate‘i ae laumalie: kae manavahe mua kiate ia oku mafai ke fakaauha ae laumalie moe jino i heli. 29Ikai oku fakatau ae hiki‘i manu buna e ua aki ae baaga jii e taha? ka e ikai haa na taha e to ki he kelekele ka i he loto o hoo mou Tamai. 30Ka koe gaahi tuoni louulu o ho mou ulu kuo lau kotoabe. 31Koia ke oua naa mou manavahe, he oku mou mahuiga lahi i he faga hiki‘i manu lahi. 32Bea ko ia ia e fakaha au i he ao oe kakai, teu fakaha foki ia i he ao o eku Tamai oku i he lagi. 33Ka ko ia te ne liaki au i he ao oe kakai, teu liaki foki ia i he ao o eku Tamai oku i he lagi. 34Oua naa mou mahalo kuou ha‘u ke omi ae melino ki mamani: nae ikai teu ha‘u ke omi ae melino, ka koe heleta. 35He kuou ha‘u ke fakafehia ae tagata ki he ene tamai, moe taahine ki he ene fa‘e, moe taahine i he fono ki he ene fa‘e i he fono. 36Bea koe fili oe tagata akinautolu oku nofo mo ia i hono fale. 37Ko ia oku ofa lahi hake ki he tamai be koe fa‘e iate au, oku ikai tāu mo ia ke ne ma‘u au: bea ko ia oku ofa lahi hake ki hono foha be ofefine iate au, oku ikai tāu mo ia ke ne ma‘u au. 38Bea ko ia oku ikai too hake ene akau māfajia o muimui iate au, oku ikai tāu mo ia ke ne ma‘u au. 39Ko ia oku kalofaki ene moui, e mole ia iate ia: ka ko ia oku mole ene moui koeuhi ko au, e ma‘u eia ia.
40Ko ia oku ne ma‘u akimoutolu oku ne ma‘u au, bea ko ia oku ne ma‘u au oku ne ma‘u aia naa ne fekau au. 41Ko ia oku ne ma‘u ha balofita i he higoa oe balofita, e ma‘u eia ae totogi oe balofita; bea ko ia oku ne ma‘u ae tagata maonioni i he higoa oe tagata maonioni, e ma‘u eia ae totogi oe tagata maonioni. 42Bea ko ia te ne foaki ki ha taha iate kinautolu ni oku jii ha ibu vai momoko ke inu ai, i he higoa be oe akoga, ko eku tala mooni atu kiate kimoutolu, e ikai aubito mole iate ia hono totogi.
Currently Selected:
E MATIU 10: TWB
Highlight
Share
Copy
Want to have your highlights saved across all your devices? Sign up or sign in
