E MATIU 9
9
2 Koe fakamoui e Kalaisi ae toko taha nae mahaki tete, 9 koe ui o Matiu mei he tukuhauaga, 10 oku kai ia moe kau tanaki tukuhau moe kau agahala, 14 oku ne lagomaki‘i ae taeaukai a ene kau akoga, 20 koe fakamoui oe au, 23 koe fokotuu mei he mate ae ofefine o Jailosi, 27 koe fakaa ae mata oe ogo tagata kui. 32 mo ne fakamoui ae tagata noa nae ulujino ai ae tevolo, 37 oku ofa mamahi ia ki he kakai.
1BEA nae heka vaka ia, o folau atu, o ha‘u ki hono kolo. 2Bea vakai, naa nau omi kiate ia ae tagata nae mahaki tete, oku tokoto i he mohega: bea mamata a Jisu ki he e nau tui, bea behe eia ki he mahaki tete; Foha, ke ke fiemalie; kuo fakamolemole hoo gaahi agahala. 3Bea vakai, kuo behe e he niihi oe kau tagata tohi i ho nau loto, Oku lea fie Otua ae tagata ni. 4Bea behe e Jisu, i he ene ilo e nau gaahi mahalo, Koeha oku mou mahalo kovi ai i ho mou loto? 5He oku faigofua ae fe, ke lea, Kuo fakamolemole hoo gaahi agahala; be koe lea Tuu hake o eveeva? 6Ka koeuhi ke mou ilo kuo i he Foha oe tagata ae malohi i mamani ke fakamolemole ae agahala, (bea toki behe eia ki he mahaki tete,) Tuu hake, too ho mohega, o alu ki ho fale. 7Bea tuu hake ia, o alu ki hono fale. 8Bea i he mamata ki ai ae kakai, naa nau ofo, o fakamalo ki he Otua, aia kuo ne tuku ae malohi behe ki he tagata.
9Bea i he alu atu a Jisu mei ai, naa ne mamata ki he tagata ko Matiu hono higoa, oku nofo i he tukuhauaga: bea behe eia kiate ia, Muimui iate au. Bea tuu hake ia, o muimui iate ia.
10Bea kuo nofo a Jisu i he fale ke kai, vakai, nae ha‘u ae toko lahi oe tanaki tukuhau moe agahala, o nau nonofo mo ia mo ene kau akoga. 11Bea kuo mamata ki ai ae kau Falesi, bea nau behe ki he ene kau akoga, Koeha oku kai fakataha ai ho mou Eiki moe kau tanaki tukuhau moe agahala? 12Bea kuo fanogo ki ai a Jisu, bea behe eia kiate kinautolu, Oku ikia aoga ae faitoo kiate kinautolu oku mālōlō, ka ki he mahaki. 13Ka mou alu o kumi ki hono uhiga be lea ni, Oku ou loto ki he agaofa, kae ikai ki he feilaulau: he nae ikai teu ha‘u ke ui ae maonioni, ka koe agahala ki he fakatomala.
14Bea toki ha‘u kiate ia ae kau akoga a Jone o nau behe, Koeha oku mau faa aukai ai moe kau Falesi, ka oku ikai aukai a hoo kau akoga? 15Bea beheage e Jisu kiate kinautolu, E faa tagi ae kaiga oe tagata taane, oku kei iate kinautolu ae tagata taane? ka e hoko ae gaahi aho, e ave ai ae tagata taane iate kinautolu, bea te nau toki aukai ai. 16Oku ikai ha taha te ne ai ha koga mea foou ki he kofu motua, he koia oku ai ke oboji aki oku mafaufau ai ae kofu, bea ajili ai hono mahaehae. 17Oku ikai foki utu e he kakai ae uaine foou ki he gaahi hina motua: ka behe, e mahaehae ae hina, bea tafe kitua ae uaine, bea maumau ae gaahi hina: ka oku nau utu ae uaine foou ki he gaahi hina foou, bea tologa ai be fakatouoji.
18Bea lolotoga ene lea aki ae gaahi mea ni kiate kinautolu, vakai, nae ha‘u ae bule e taha, o hu kiate ia, o behe, Ko hoku ofefine kuo mate ni: ka ke ha‘u o hilifaki ho nima kiate ia, bea e moui ia. 19Bea tuu hake a Jisu, bea mo ene kau akoga o muimui iate ia.
20Bea vakai, koe fefine nae mahaki i he ta‘u e hogofulu ma ua i he au ae toto, nae ha‘u o muimui iate ia, bea ala ki he kaba o hono kofu: 21He nae behe eia i hono loto, Kabau teu faa ala ki hono kofu be, teu moui ai. 22Bea tafoki ki mui a Jisu, o ne mamata kiate ia, bea ne behe, Ofefine, ke ke fiemalie; kuo fakamoui koe e hoo tui. Bea fakamoui ae fefine talu mei he feituu‐laa koia. 23Bea kuo hu a Jisu ki he fale oe bule, o mamata ki he kau ifi fagufagu, moe kakai oku tagilāulāu, 24Bea ne behe kiate kinautolu, Mou tutuku: he oku ikai mate ae taahine, ka oku mohe. Bea naa nau kata manuki‘i ia. 25Bea kuo tuku atu ae kakai, bea hu age ia, bea buke eia hono nima, bea tuu hake ae taahine. 26Bea mafola atu hono ogoogo ki he fonua kotoabe koia.
27Bea i he alu a Jisu mei ai, nae muimui iate ia ae ogo tagata kui, o na tagi, o behe, Koe Alo o Tevita, aloofa mai kiate kimaua. 28Bea kuo hu ia ki he fale, bea ha‘u kiate ia ae ogo tagata kui: bea beheage e Jisu kiate kinaua, Oku mo tui oku ou mafai aeni? Bea na talaage kiate ia, Io, Eiki. 29Bea ala ia ki ho na mata, mo ne behe, Ke hoko kiate kimoua o hage ko hoo mo tui. 30Bea a ai ho na mata; bea fekau malohi e Jisu kiate kinaua, o behe, Vakai ke oua naa ilo ia e ha taha. 31Ka kuo na o, bea na ogoogoa atu ia i he fonua kotoabe koia.
32Bea i he e nau alu atu, vakai, oku nau omi kiate ia ae tagata noa oku ulujino ai ae tevolo. 33Bea kuo kabuji atu ae tevolo, bea lea ai ae noa: bea ofo ae kakai, o nau behe, Talu mei mua nae ikai aubito mamata i Isileli ha mea behe. 34Ka nae behe e he kau Falesi, Oku kabuji eia ae kau tevolo i he eiki oe kau tevolo. 35Bea nae fonoga fano a Jisu ki he gaahi kolo kotoabe moe botu kakai, o akonaki i ho nau gaahi fale lotu, o malaga aki ae ogoogolelei oe buleaga, bea fakamoui ae mahaki kotoabe moe hagatamaki kotoabe oe kakai.
36Ka i he ene mamata ki he kakai, nae ofa mamahi ia kiate kinautolu, koeuhi naa nau māfajia bea tuku-haujia, o hage koe faga sibi tae ha nau tauhi. 37Bea toki behe ai eia ki he ene kau akoga, Koe mooni oku lahi ae ta‘u, ka oku toko jii ae kau gaue; 38Koia mou lotu ki he Eiki oe ta‘u, koeuhi ke ne fekau atu ae kau gaue ki he ene ta‘u.
Currently Selected:
E MATIU 9: TWB
Highlight
Share
Copy
Want to have your highlights saved across all your devices? Sign up or sign in
