ኀበ ሰብእ ዕብራውያን 10

ምዕራፍ 10

በእንተ ኦሪት

1 # ቈላ. 2፥17። እስመ ጽላሎታ ይእቲ ኦሪት ለእንተ ትመጽእ ሠናይት እስመ ኢኮነት ለሊሃ ወበእንተ ዝንቱ አመ ያበውኡ መሥዋዕተ ዘልፈ በኵሉ ዓመት ኢይክል ለሊሁ ግሙራ ፈጽሞ ለእለ ያበውእዎ። 2ወእመ አኮሰ እምአዕረፉ እምዘይሠውዑ እስመ ይሰሪ ሎሙ ኀጢአቶሙ ለእለ ይሠውዑ ወያነጽሖሙ በምዕር። 3#ዘሌ. 16፥21፤ ኢያ. 7፥13፤ መዝ. 40፥7። አላ ዳእሙ ቦሙ ዘይገብሩ ተዝካረ ኀጢአት በበ ዓመት በውእቱ መሥዋዕት። 4እስመ ኢይክል ደመ ላሕም ወጠሊ ይኅድግ ኀጢአተ። 5#መዝ. 39፥6-8። ወበእንተዝ አመ ይመጽእ ውስተ ዓለም ይቤ «መሥዋዕተ ወቍርባነ ኢፈቀድከ አላ አልበስከኒ ሥጋ። 6#ሚክ. 6፥7። መሥዋዕተ ዘበእንተ ኀጢአት ኢሠመርከ። 7ውእተ ጊዜ እቤ ነየ መጻእኩ ውስተ ርእሰ መጽሐፍ ተጽሕፈ በእንቲኣየ ከመ እግበር ፈቃደከ መከርኩ#ቦ ዘይቤ «ሠመርኩ» አምላክየ።» 8መልዕልቶ ይቤ መሥዋዕተ ወቍርባነ ኢፈቀድኩ ዘበእንተ ኀጢአት ኢሠመርኩ#ቦ ዘኢይጽሕፍ «ኢሠመርኩ» ዘይሠውዑ በሕገ ኦሪት ብሂሎ። 9ወእምዝ ይቤ ነየ መጻእኩ ከመ እግበር ፈቃደከ አምላኪየ ወዝ ቃል ይነሥት ቀዳማየ ከመ ያቅም ደኃራየ። 10#9፥12-28፤ ቈላ. 1፥2፤ 1ጴጥ. 2፥24። ከመ ንትቀደስ በሥምረቱ በቍርባነ ሥጋሁ ለኢየሱስ ክርስቶስ ዘኮነ በምዕር። 11ወኵሉ ሊቀ ካህናት ይቀውም ኵሎ አሚረ ወይሠውዕ ኪያሃ ክመ መሥዋዕተ እንተ ለግሙራ ኢትክል አንጽሖ ኀጢአት። 12#1፥13፤ መዝ. 109፥1። ወውእቱሰ ምዕረ ሦዐ መሥዋዕተ እንተ ለዝሉፉ በእንተ ኀጢአትነ ወነበረ በየማነ እግዚአብሔር። 13ወይጸንሕ እንከ እስከ ይገብኡ ጸላእቱ ታሕተ መከየደ እገሪሁ። 14#9፥26። አሐተ መሥዋዕተ ገብረ እንተ ለግሙራ ለእለ ይትቄደሱ። 15ወሰማዕትነ መንፈስ ቅዱስ። 16#ኤር. 31፥33-34። እምድኅረ ይቤ ዛቲ ሥርዐት እንተ እሠርዕ ሎሙ እምድኅረ እማንቱ መዋዕል ይቤ እግዚአብሔር «እወዲ ሕግየ ውስተ ልቦሙ ወእጽሕፎ ውስተ ኅሊናሆሙ።» 17«ወኢይዜከር እንከ ኀጢአቶሙ ወአበሳሆሙ።» 18#ኢሳ. 43፥25። ወእምከመሰ ይትኀደግ ከመዝ አልቦ እንከ መሥዋዕት በእንተ ኀጢአት። 19#ኤፌ. 2፥18፤ 3፥12፤ 2ጴጥ. 1፥11። ብነ አኀዊነ ሞገስ ውስተ በኣትነ ቤተ መቅደስ በደሙ ለኢየሱስ ክርስቶስ። 20#9፥8፤ ዮሐ. 2፥21። እስመ ሐደሰ ለነ ፍኖተ ጽድቅ ወሕይወት ግብተ በመንጦላዕተ ሥጋሁ። 21#4፥14-15። ካህን ዐቢይ ለቤተ እግዚአብሔር። 22#4፥16፤ ዘሌ. 8፥30፤ ሕዝ. 36፥25፤ ቲቶ 3፥5። ንቅረብ እንከ በልበ ጽድቅ ወበሃይማኖት ፍጹም ምእመን እንዘ ንጹሕ ልብነ ወንጹሓን ንሕነ እምግባረ እከይ ወኅፁብ ሥጋነ በማይ ንጹሕ። 23#ዮሐ. 14፥1-4። ናጽንዕ እንከ አሚነ ወተስፋነ ዘኢያንቀለቅል፥#ቦ ዘኢይጽሕፍ «ዘኢያንቀለቅል» ዘእንበለ ነውር እስመ ጻድቅ ዘአሰፈወነ። 24#13፥1-21፤ ዮሐ. 13፥34። ወንትቀሐው ምስለ ቢጽነ በተፋቅሮ ወበምግባረ ሠናይ። 25#1ተሰ. 5፥2-4። ወኢንኅድግ ማኅበረነ ዘከመ ይለምዱ ካልኣን ዳእሙ ንትገሠጽ እስመ ንሬኢ ዘከመ ትቀርብ ዕለት። 26#6፥6፤ ማቴ. 26፥24፤ ዘኍ. 15፥30-31፤ ዮሐ. 15፥22-25። ወለእመ በግብር ንኤብስ እምድኅረ አእመርናሃ ለጽድቅ አልቦ እንከ መሥዋዕት በእንተ ኀጢአት። 27#9፥27፤ ዘፀ. 20፥5፤ ዘዳ. 32፥22፤ ማቴ. 25፥41፤ ዮሐ. 5፥29። አላ ጽኑሕ ግሩም ደይን ወእሳት ዘቅንአት ዘይበልዖሙ ለከሓድያን። 28#ዘኍ. 15፥30፤ ዘዳ. 17፥6፤ 19፥15። ወለእመ ቦ ዘስሕተ እምኦሪተ ሙሴ እምከመ ክልኤቱ ወእመ አኮ ሠለስቱ ሰማዕት ዘለፍዎ ይመውት ወኢይምሕርዎ። 29#2፥2፤ ዘፀ. 24፥8፤ ዮሐ. 13፥18፤ ማቴ. 26፥28፤ 1ቆሮ. 11፥25-30። እፎ እንከ ፈድፋደ ይደልዎ ይትኰነን ዘተካየዶ ለወልደ እግዚአብሔር ወአርኰሰ ደመ ሥርዐት ዘቦቱ ተቀደሰ ከመ ደመ ኵሉ ሰብእ ወዘጸአለ መንፈሰ ጸጋሁ። 30#ዘዳ. 32፥35-36፤ መዝ. 49፥4። ነአምሮ ለዘይቤ «አነ እትቤቀል ወአነ እትፈደይ ይቤ እግዚአብሔር» ወካዕበ ይቤ «እስመ ይኴንን እግዚአብሔር ሕዝቦ።» 31ወጥቀ ግሩም ወዲቅ ውስተ እደ እግዚአብሔር ሕያው። 32#ፊልጵ. 1፥29፤ 1ተሰ. 2፥14። ተዘከሩ መዋዕለ ዘቀዲሙ ዘአመ አጥመቁክሙ ዘከመ ተዐገሥክሙ ብዙኀ ሕማመ። 33ወተጽእልክሙ ወሣቀዩክሙ ወተሣለቁ ላዕሌክሙ ወቦ ዘተሳተፍክምዎሙ ምስለ እለ ከመዝ ኮኑ። 34#ማቴ. 6፥20፤ ሉቃ. 12፥33። ወኀበርክሙ ሕማመ ምስሌየ በመዋቅሕትየ ወበተበርብሮ ንዋይክሙ በትፍሥሕት ዘተወከፍክሙ እስመ ተአምሩ ከመ ብክሙ ንዋይ ዘይኄይስ ዘይነብር ለዓለም በሰማያት። 35#ማቴ. 5፥11-12። ኢትግድፉ እንከ ሞገሰክሙ እንተ ባቲ ትረክቡ ብዙኀ ዕሴተክሙ ዐቢየ። 36#ሉቃ. 21፥19። ወባሕቱ ትዕግሥተ ትፈቅዱ ከመ ገቢረክሙ ፈቃደ እግዚአብሔር ትርከቡ ተስፋክሙ። 37#ኢሳ. 26፥20፤ ዕን. 2፥3-4። እስመ ዓዲ ኅዳጥ መዋዕል ወይበጽሕ ዘይመጽእ ወኢይጐነዲ። 38#ዕን. 2፥4። ወጻድቅሰ በአሚን የሐዩ ወእመሰ ተመይጠ ኢትሠምሮ ነፍስየ። 39#ኢሳ. 28፥16፤ 1ጴጥ. 1፥9። ንሕነሰ ኢይደልወነ ንትመየጥ ድኅሬነ ለሕርትምና ዘእንበለ ለሃይማኖት እንተ ይእቲ ሕይወተ ነፍስነ።

Currently Selected:

ኀበ ሰብእ ዕብራውያን 10: ሐኪግ

Highlight

Copy