Popular Bible Verses from ኀበ ሰብእ ዕብራውያን 10

Share

ወኢንኅድግ ማኅበረነ ዘከመ ይለምዱ ካልኣን ዳእሙ ንትገሠጽ እስመ ንሬኢ ዘከመ ትቀርብ ዕለት።

ወንትቀሐው ምስለ ቢጽነ በተፋቅሮ ወበምግባረ ሠናይ።

ናጽንዕ እንከ አሚነ ወተስፋነ ዘኢያንቀለቅል፥ ዘእንበለ ነውር እስመ ጻድቅ ዘአሰፈወነ።

ወባሕቱ ትዕግሥተ ትፈቅዱ ከመ ገቢረክሙ ፈቃደ እግዚአብሔር ትርከቡ ተስፋክሙ።

ንቅረብ እንከ በልበ ጽድቅ ወበሃይማኖት ፍጹም ምእመን እንዘ ንጹሕ ልብነ ወንጹሓን ንሕነ እምግባረ እከይ ወኅፁብ ሥጋነ በማይ ንጹሕ።

ኢትግድፉ እንከ ሞገሰክሙ እንተ ባቲ ትረክቡ ብዙኀ ዕሴተክሙ ዐቢየ።

ወለእመ በግብር ንኤብስ እምድኅረ አእመርናሃ ለጽድቅ አልቦ እንከ መሥዋዕት በእንተ ኀጢአት። አላ ጽኑሕ ግሩም ደይን ወእሳት ዘቅንአት ዘይበልዖሙ ለከሓድያን።