Popular Bible Verses from ኀበ ሰብእ ዕብራውያን 11

Share

ሃይማኖትሰ ጥይቅት ይእቲ ለዘይሴፈዋ ሀለዉ እለ ተአመኑ ተሰፊዎሙ ንዋየ ዘኢያስተርኢ። ዘበእንቲኣሁ ሰማዕተ ኮኑ ሊቃውንት።

ወዘእንበለ ተአምኖሰ ኢይትከሀል ያሥምርዎ ለእግዚአብሔር ወርቱዕሰ ይትአመን ይቅድም ዘይበውእ ኀበ እግዚአብሔር ወያእምር ከመ ሀሎ ዘይዔስዮሙ ለእለ የኀሥሥዎ።

በሃይማኖት ነአምር ከመ ተፈጥረ ዓለም በቃለ እግዚአብሔር ወአስተርአየ ዘኢያስተርኢ ምንትኒ ዘኮነ እምኀበ ኢሀሎ።

በተአምኖ ሰምዐ ዘተሰምየ አብርሃም ወተአዘዘ ይሑር ብሔረ ኀበ ሀለዎ ይንሣእ ርስቶ ወሖረ እንዘ ኢየአምር ኀበ ይበጽሕ። በተአምኖ ፈለሰ ወነበረ ብሔረ ዘአሰፈዎ ከመ ነኪር በሐይመታት ምስለ ይስሐቅ ወያዕቆብ እለ እሙንቱ ይወርስዋ ለተስፋሁ።

በተአምኖ አመ ነገርዎ ለኖኅ በእንተ ዘኢያስተርኢ ግብር ዘኅቡእ ፈርሀ ወገብረ ንፍቀ ታቦት በዘያድኅን ቤቶ አመ ተኰነነ ዓለም ወኮነ ወራሲሃ ለጽድቀ ሃይማኖት።

በተአምኖ ፈለሰ ሄኖክ ከመ ኢይርአዮ ለሞት ወኢተረክበ እስመ ከበቶ እግዚአብሔር ወዘእንበለ ያፍልሶ ሰማዕተ ኮኖ ከመ አሥመሮ ለእግዚአብሔር።

በተአምኖ ኀየሰ መሥዋዕተ አቤል እምዘ ቃየል ዘአብአ ለእግዚአብሔር ወበእንቲኣሁ ሰማዕተ ኮኖ ከመ ጻድቅ ውእቱ ወሰማዕቱ እግዚአብሔር በተወክፎ መሥዋዕቱ ወበእንቲኣሁ መዊቶ ዓዲ ተናገረ።

በተአምኖ ይእቲኒ ሣራ ረከበት ኀይለ ታውፅእ ዘርዐ እንዘ መካን ይእቲ በዘረስአት እስመ ተአመነቶ ከመ ጻድቅ ዘአሰፈዋ።

እስመ ኮኑ ይጸንሑ ሀገረ እንተ ባቲ መሠረት እንተ ኬንያሃ ወገባሪሃ እግዚአብሔር።

በተአምኖ ልሂቆ ሙሴ ክሕደ ከመ ኢይበልዎ ወልደ ወለተ ፈርዖን። ወአብደረ ይሕምም ምስለ ሕዝበ እግዚአብሔር እምይደለው ለሰዓት ወይኩኖ ኀጢአተ። እስመ አእመረ ከመ የዐቢ ትዕይርተ መስቀሉ ለክርስቶስ እምኵሉ መዛግብቲሆሙ ለግብፅ። በተአምኖ ኀደረ ብሔረ ግብፅ ኢፈሪሆ መዓተ ንጉሥ እስመ አብደረ ይፍርሆ ለዘኢያስተርኢ እምዘይሬኢ ጸኒሖ ዕሴቶ።

በተአምኖ ወሰዶ አብርሃም ለይስሐቅ ወልዱ ከመ ይሡዖ አመ አመከሮ።

በተአምኖ ረአብኒ ዘማ ኢተኀጕለት ምስለ ዐላውያን እስመ ተወክፈቶሙ ለሰብአ ዐይን ወኀብአቶሙ በሰላም።

በተአምኖ ዐደውዋ ለባሕረ ኤርትራ ከመ ዘውስተ ምድር ይቡስ ወኮነቶሙ መከራ ለግብፅ ተሠጢሞሙ።

በተአምኖ ወድቀ አረፋቲሃ ለኢያሪኮ አመ የዐውድዋ ሰቡዐ ዕለተ።

በተአምኖ ገብረ ፍሥሐ ወነዝኀ ደመ ከመ ኢያጥፍእ ሎሙ በኵሮሙ ብድብድ።

በተአምኖ አመ ይመውት ዮሴፍ ተዘከረ በእንተ ፀአቶሙ ለደቂቀ እስራኤል እምድረ ግብፅ ወአዘዘ በእንተ አዕጽምቲሁ።

በተአምኖ አመ ይመውት ያዕቆብ ባረኮሙ ለደቂቀ ዮሴፍ ለለ አሐዱ ወሰገደ ውስተ ከተማ በትሩ።

በተአምኖ በዘይከውን ባረኮሙ ይስሐቅ ለያዕቆብ ወለዔሳው በእንተ ዘሀለዎሙ ይርከቡ።