Oduu Nagayaa Ka Maatewoosii 24

Yesuus Waan Diiggamuu Mana Woyyu'uu Dubbate

(Mar. 13:1-2; Luq. 21:5-6)

1Yesuus mana woyyu'uutii bayee uduu deema'aaru, darasoonni isaa ijaarsa mana woyyu'uu isatti mudhisu'uuf gara isaa dhufan. 2#Luq. 19:44 Achiin maayessa inni, «Isin waan kana maraa hin argitanii mii? isaaniin jedhe, Ani dhugaa isinitti hima, dhakaan tokkochi wol irratti hin hafu; martinuu hin diiggama» isaaniin jedhe.

Rakkinnaa Fi Miidhaa Dhufa Goofta'aatiin Dura Ta'u

(Mar. 13:3-13; Luq. 21:7-19)

3 # 24:27, 37, 39; 13:39, 40, 49; 28:20; Hu. Er. 1:6-8 Yesuus gaara ejersaa irra taa'ee uduu jiru, darasoonni hojjatti gara isaa dhufanii, «Kun yoom ta'a nutti himi? Dhufa keetii fi dhuma biyya lafaatiif malkanni maali'i?» jedhaniin.

4 # Tas. 2ffaa 2:3 Yesuus deebisee akkana isaaniin jedhe, «Eennullee akka isin hin dogoggorsine uf eeggadhaa'a! 5#24:11, 23-24; Yoh. 5:43; Yoh. 1ffaa 2:18 Namoonni hedduun, ‹Ani Kiristoos› jedha'aa maqaa kiyyaan dhufan. Namoota hedduu hin dogoggorsan. 6Woraanaa fi oduu woraanaa hin dhageettan; akka hin rifanne uf eeggadhaa'a; Kun ta'uun isaa dirqama, haata'uu ammo ammallee dhumni hin geenne. 7#Seenaa 2ffaa 15:6; Isaayyaasii Raatticha 19:2 Gofti gosatti, mootummaan mootumma'atti hin ka'a;, beellinii fi sochiin lafaa hulee adda addaatitti hin ta'a. 8Kun maruu ammo ciniinsuu duraati.

9 # 10:17, 22; Yoh. 16:2 «Achiin maayessa isaan akka rakkattanii fi akka ajjeefamtan dabarsanii isin kennan, sababa maqaa kiyyaatiif jettanii gosa maraan worra jibbame taatan. 10Hennaa san namoonni hedduu amantaa irraa duubatti deebi'an, isaan dabarsanii wol kennan, Wolillee hin jibban. 11#7:15; Phex. 2ffaa 2:1; Yoh. 1ffaa 4:1 Raattonni dharaa hedduunillee hin ka'an, Namoota hedduullee hin dogoggorsan. 12#Tas. 2ffaa 2:10; Xim. 2ffaa 3:1-5 Sababaa baayi'inna hammeennaatiin, jaalalti namoota hedduu hin qabbanooft. 13Ka haga dhumaa dhaabate ammoo hin fayya. 14#28:19 Gosa maraaf ragaa akka ta'u, Oduun Nagayaa ka jeennataa, biyya lafaa maratti hin lallabama. Achiin maayessa muummeen hin dhufti» jedhe.

Farra Badi'ii

(Mar. 13:14-23; Luq. 21:20-24)

15 # Daani'eelii Raatticha 9:27; 11:31; 12:11 Yesuus ammallee, «Akkuma raagaan Daani'el dubbate, ‹Farra badi'ii› hulee woyyitti'ii dhaabatee yoo argitan, ka kana dubbisu haa hubatuu! 16Hennaa san worri biyya Yihuuda'aa keessa jiru gara gaarranii haa baqatuu. 17#Luq. 17:31 Ka gamoo manaa irra jiru waan mana keessaa fudhachu'uuf gad hin bu'in. 18Namni maasaa keessa jiru uffata fudhachu'uuf gara manaa hin deebi'in. 19#Luq. 23:29 Guyyaa san dubartoota ulfaatii fi ta harma hoosiftuuf aanne'e! 20Haata'uu ammo bandhi keessan gannaan yookiin guyyaa Sambataa akka hin taane Rabbiin faateffadhaa'a. 21#Daani'eelii Raatticha 12:1; Mudh. Yoh. 7:14 Hennaa san rakkinni guddaan hin dhufa, rakkinni akkasii haga biyyi lafaa uumamte irraa jalqabee haga ammaatitti ta'ee hin beeku, sirimaa deebi'eelle hin ta'u. 22Guyyoonni sun uduu gabaabbatuu dhabaatee, namni tokkollee silaa hin fayyu; sababa worra filatameetiif ammoo guyyoonni sun hin gabaabbatan.

23Hennaa san, «Eennullee ‹Kunoo! Kiristoos as jira!› yookiin, ‹Inni achi jira!› yoo isiniin jedhe hin amaninaa'a. 24#Seera Keessa deebi'ii 13:1-3; Tas. 2ffaa 2:9-10; Mudh. Yoh. 13:13-14 Isin keessaa namoonni gari gariin, worra nu Kiristoos ufiin jedhanii fi raattota dharaa ta'an. Uduu isaanii danda'amee, worra Rabbiif filatame dogoggorsu'uuf malkata gugurda'aa fi baasa hujan. 25Kunoo ani duraan dursee kana isinitti himeera. 26Maarre isaan, ‹Kunoo! Inni lafa gammoojji'ii jira› yoo isiniin jedhan, gadi hin bayinaa'a. Yookiin, ‹Kunoo! Inni gola keessa jira› yoo isiniin jedhan hin amaninaa'a. 27#Luq. 17:23-24 Akkuma Bakakkaan baya biiftu'uutii bayee ifa'aa haga lixa biiftu'uutitti ibsu, dhufti Ilma Namaallee akkasuma ta'a. 28#Kitaaba Iyyoobii 39:30; Luq. 17:37 Hulee randhi jirutti rumichii wolgeetti» jedhe.

Dhufa Ilma Namaa

(Mar. 13:24-27; Luq. 21:25-28)

29 # Isaayyaasii Raatticha 13:10; 34:4; Hisqeelii Raatticha 32:7; Iyyu'eelii Raatticha 2:10, 31; 3:15; Mudh. Yoh. 6:12, 13 Yesuus ammallee, «Guyyoota rakkinnaa saniin maayessa yoma san aduun dukkanoofti, jiinillee ifa ufii hin kennu; urjoonni samii gubba'aa hin harca'an, hundeen sami'iillee hin raafama. 30#26:64; Daani'eelii Raatticha 7:13; Mudh. Yoh. 1:7 Achiin maayessa malkanni Ilma namaa samii gubba'atti hin mudhata, hennaa san gofti biyya lafaa maruu banne, banne jedhan. Ilmi Namaa duumessa sami'iitiin hunnaa fi ulfinna gudda'aan yoo dhufu hin argan. 31#13:41; Isaayyaasii Raatticha 27:13; Zakkaariyaasii Raatticha 2:6; Qor. 1ffaa 15:52; Tas. 1ffaa 4:16; Mudh. Yoh. 8:2 Inni Maleekkota ufii laagaa xurumbaa guddaa woliin hin erga. Isaanillee qaccee samiiwwaniitii haga qaccee samiiwwanii, daangaa lafaatii haga daangaa lafaa worra isaaf filatame wolitti qaban.»

Barumsa Waan Muka Hurbu'uu

(Mar. 13:28-31; Luq. 21:29-33)

32Yesuus ammallee, «Muka hurbu'uu irraa baradhaa'a! Damee baaftee baalli isi'ii hennaa late, bonni akka dhiyaate hin beettan. 33Maarre akkasuma, waan kana maraa hennaa argitan akka Ilmi Namaa balbalatti dhiyaate beekaa'a! 34Ani dhugamaan isiniin jedha, haga wonti kun maruu ta'utti dhaloonni kun hin badu. 35#5:18; Luq. 16:17 Ardi'ii fi samiin hin baddi. Dubbiin kiyya ammoo hin badu.»

Guyyaa Sanii Fi Hennaa San Eennulle Hin Beeku

(Mar. 13:32-37; Luq. 17:26-30, 34-36)

36 # Hu. Er. 1:7; Tas. 1ffaa 5:1-2 Waan guyyaa saniitii fi sa'aatii sanii Abbaa calla'atu beeka malee, eennullee hin beeku, maleekkonni sami'iitii fi Ilmillee, akkasuma eennullee hin beeku. 37#Seera Uumamaa 6:5-13 Akkuma bara Noohiititti ta'e, dhufti Ilma Namaallee akkasuma ta'a. 38Bara san bisaan badi'iitiin dura, haga Noohi markaba seenetti, namoonni nyaata'aa, dhuga'aa, fuudha'aa, heeruma'aa turan; 39#Seera Uumamaa 7:6-24; Phex. 2ffaa 3:6 haga bisaan badi'ii dhufee isaan maraa haree deemutti isaan womaa hin beenne. Maarre dhufti Ilma Namaallee akkasuma ta'a. 40Hennaa san namoonni lamaa maasaa keessatti hujan; tokkochi ol fudhatama, tokkochi hin hafa. 41Dubartoonni lamaan uduu midhaan daakan; takka ol fudhatamti, takka hin hafti. 42#25:13 Gooftaan keessan sa'aatii kamitti akka dhufu waan hin beenneef, eeganaa dammaqa'aa eeggadhaa'a. 43#Luq. 12:39-40; Tas. 1ffaa 5:2; Phex. 2ffaa 3:10; Mudh. Yoh. 3:3 «Waan kana hubadhaa'a; abbaan manaa halkan keessa sa'aatii kamitti hattuun akka dhuftu uduu beekee, manni isa jalaa haa qotamu'uuf hin dhiisu. 44#Mudh. Yoh. 16:15 Kanaaf Ilmi Namaa sa'aatii isin hin qaabannetti waan dhufuuf, isinillee qophaaya'aa jiraadhaa'a.»

Hojjataa Amanama'aa Fi Hin Amanamne

(Luq. 12:41-48)

45Yesuus ammallee, «Eeganaa hojjataan amanamaanii fi qaroon, ka gooftaan isaa akka inni hojjattoota isaatiif nyaata henna'aan kennuuf, mana ufii irratti muude eennu? 46Hojjataan gooftaan isaa hennaa deebi'u uduu hojjatu arguun sun ka eebbifame. 47Ani dhugamaan isinitti hima, gooftaan isaa qabeenna ufii maraa irratti isa muuda. 48#Phex. 2ffaa 3:4 Hojjataan hamaan sun ammoo yaada ufii keessatti, ‹Gooftaan hin tura› jedhee yoo, 49Hojjattoota tuma'aa, worra machaayu woliin nyaachu'uu fi dhuguu jalqabe, 50gooftaan hojjataa sanii guyyaa inni hin eennee fi sa'aatii inni hin beennetti hin dhufa. 51#8:12 Inni hojjataa san bakka lamatti baqassa, hiree isaallee worra fakkeessu woliin taasisa. Achitti booya'aa ilkaan qara» jedhe.

Currently Selected:

Oduu Nagayaa Ka Maatewoosii 24: WLNT

Highlight

Copy