Popular Bible Verses from Oduu Nagayaa Ka Maatewoosii 24

Share

Sababaa baayi'inna hammeennaatiin, jaalalti namoota hedduu hin qabbanooft. Ka haga dhumaa dhaabate ammoo hin fayya.

Gosa maraaf ragaa akka ta'u, Oduun Nagayaa ka jeennataa, biyya lafaa maratti hin lallabama. Achiin maayessa muummeen hin dhufti» jedhe.

Woraanaa fi oduu woraanaa hin dhageettan; akka hin rifanne uf eeggadhaa'a; Kun ta'uun isaa dirqama, haata'uu ammo ammallee dhumni hin geenne.

Gofti gosatti, mootummaan mootumma'atti hin ka'a;, beellinii fi sochiin lafaa hulee adda addaatitti hin ta'a. Kun maruu ammo ciniinsuu duraati.

Ardi'ii fi samiin hin baddi. Dubbiin kiyya ammoo hin badu.»

Namoonni hedduun, ‹Ani Kiristoos› jedha'aa maqaa kiyyaan dhufan. Namoota hedduu hin dogoggorsan.

«Achiin maayessa isaan akka rakkattanii fi akka ajjeefamtan dabarsanii isin kennan, sababa maqaa kiyyaatiif jettanii gosa maraan worra jibbame taatan. Hennaa san namoonni hedduu amantaa irraa duubatti deebi'an, isaan dabarsanii wol kennan, Wolillee hin jibban. Raattonni dharaa hedduunillee hin ka'an, Namoota hedduullee hin dogoggorsan.

Yesuus deebisee akkana isaaniin jedhe, «Eennullee akka isin hin dogoggorsine uf eeggadhaa'a!

Kanaaf Ilmi Namaa sa'aatii isin hin qaabannetti waan dhufuuf, isinillee qophaaya'aa jiraadhaa'a.»

Gooftaan keessan sa'aatii kamitti akka dhufu waan hin beenneef, eeganaa dammaqa'aa eeggadhaa'a.

Waan guyyaa saniitii fi sa'aatii sanii Abbaa calla'atu beeka malee, eennullee hin beeku, maleekkonni sami'iitii fi Ilmillee, akkasuma eennullee hin beeku.

Isin keessaa namoonni gari gariin, worra nu Kiristoos ufiin jedhanii fi raattota dharaa ta'an. Uduu isaanii danda'amee, worra Rabbiif filatame dogoggorsu'uuf malkata gugurda'aa fi baasa hujan.

Akkuma bara Noohiititti ta'e, dhufti Ilma Namaallee akkasuma ta'a. Bara san bisaan badi'iitiin dura, haga Noohi markaba seenetti, namoonni nyaata'aa, dhuga'aa, fuudha'aa, heeruma'aa turan; haga bisaan badi'ii dhufee isaan maraa haree deemutti isaan womaa hin beenne. Maarre dhufti Ilma Namaallee akkasuma ta'a.