Oduu Nagayaa Ka Yohaannisii 13

Yesuus Miila Darasoota Ufii Dhiqe

1 # Mat. 26:2, 45; Yoh. 17:1; 16:28; 15:13; Yoh. 1ffaa 3:16 Yesuusillee ayyaana Faasika'aa dura adunyaa kana irraa hennaan gara Abba'aa deemu akka gaye beekee, worra isaa ka adunyaa kana irra jiran, worra jaalate haga dhumaa jaalate. 2#13:27; Luq. 22:3 Uduu hurbaataa nyaata'aaran daabiloos onnee Yihuudaa ilma Simoon ka biyya Asqorootu'uu akka inni dabarsee isa kennu haga hubateen maayii, 3#3:35; 17:2 Yesuus Aabbaan maraa harka isaatitti dabarsee akka kenne Rabbiin biraallee akkuma baye, gara Rabbiillee akka deemu beekee, 4#Mat. 11:29; 20:28; Luq. 12:37 Nyaata irraa ka'ee uffata ufii lafa kaayatee carqii ittin luka gossu fuudhee mudhi'itti hidhatee. 5#12:3; Luq. 7:44 Bisaan waan luka namaa ittiin dhiqanitti buuse. Luka darasootaa dhiqee carqii mudhi'itti hidhateen gossuu jalqabe. 6Gara Simoon Pheexroosii dhufee, innillee, «Gooftaa'a! luka kiyya dhixxaa?» jedheen.

7 # 13:12 Yesuusillee deebisee, «Waan ani godhu ati amma hin beettu, maayii ammoo hin hubatta» jedheen. 8#Qor. 1ffaa 6:11 Pheexroosillee, «Luka tiyya baraa haga bara baraa hin dhixxu» jedheen.

Yesuusillee, «Yoo si dhiqe malee, na woliin hiree hin qabdu» jedhee deebiseef.

9Simoon Pheexroosillee, «Gooftaa'a! Eegasuu, luka kiyya calla'aa mitii, harka kiyyaa fi mataa kiyyallee naa dhiqi!» jedheen.

10 # 15:3; Tit. 3:5 Yesuusillee, «Ka dhiqate luka dhiqachuu malee ka biraa hin barbaachisuun nafti maruu ammoo qulqullu'u. Isinillee qulqulloota, haata'uu ammoo isin maraa miti» jedheen. 11#6:64, 70-71 Ka dabarsee isa kennu waan beekuuf; kanaafuu, «Isin marti qulqullootaa miti» isaaniin jedhe. 12Luka isaaniillee dhiqee, uffata ufii fudhatee deebi'ee taa'ee akkana isaaniin jedhe, «Waan ani isinii godhe hubattuu?» 13#Mat. 23:8, 10; Qor. 1ffaa 12:3; Filph. 2:11 Isin, ‹Barsiisa'aa fi Gooftaa› naan jettani, akkasuma waan ta'eef mishaa jettan. 14#Luq. 22:26-27; Xim. 1ffaa 5:10; Yoh. 1ffaa 3:16 Eeganaa ani, Gooftaa fi barsiisaa yoo ta'u luka keessan yoo dhiqe isinillee akkasuma luka wolii dhiqaa'a. 15#Filph. 2:5; Phex. 1ffaa 2:21 Akkuma ani isinii godhe isinillee akkasuma akka gootaniif fakkeenna isinii kenneera. 16#15:20; Mat. 10:24; Luq. 6:40 Ani dhugama dhuga'aatiin isiniin jedha garbichi Gooftaa isaa hin caalu ergamaanillee ka isa erge hin caalu. 17#Mat. 7:21, 24; Luq. 10:37; Yaq. 1:25 Beetanii kana yoo gootan isin worra eebbifame.

18 # 15:16; Mat. 26:23; Kitaaba Faarfanna'aa 41:9 «Waan keessan maraafi hin dubbadhu, ani worra filadhe san hin beekaa, haata'uu ammoo kitaabni, ‹Ka harka kiyya irraa nyaate deebi'ee natti ka'e› dubbiin jedhu akka raawwattamuuf. 19#14:29; 16:4 Hennaa wonti sun ta'e ana akka ta'e akka amantaniif ammaa jalqabee firrisee uduu hin taane isinitti hima. 20#Mat. 10:40; Mar. 9:37; Luq. 9:48; 10:16 Dhugama dhuga'aatiin isiniin jedha, namni nama ani erge simatu, na simata, ka na simatu ka na erge simata.»

Yesuus Akka Dabarfamee Kennamu Dubbate

(Mat. 26:20-25; Mar. 14:17-21; Luq. 22:21-23)

21 # 12:27 Yesuus kana jedhee keessi isaa raafamee, «Dhugama dhuga'atiin isiniin jedha, isin keessaa tokko dabarsee na kenna» jedhee rage.

22Darasoonni waan eennuu akka dubbate mamaniiti deebi'anii wol laalan. 23#19:26; 20:2; 21:7, 20 Darasoota keessaa ka Yesuus jaalatu ka qoma Yesuusiititti siqeeru, 24Simoon Pheexroos, isa ijaan dhayeeti, «Waan eennuu akka dubbatte nutti himi» jedheen.

25 # 21:20 Innillee gara qoma Yesuusii achi siqee, «Gooftaa'a, eennu inni?» jedheen.

26Yesuusillee, «Ka Ani xoroshoo#13:26xoroshoo budeena cabsee kennuuf san» jedhee deebiseef, kutaa xoroshoo fuudhee waan unataniin tuqee ilma Simoonii Yihuudaa ka biyya Asqorootu'uutii kenne. 27#13:2; Luq. 22:3 Ka inni kutee kenneef haga fudhateen maayessa hennama san, Seexanni itti gale; Eeganaa Yesuus, «Waan godhu'uuf taatu dafii godhi!» jedheen. 28Haata'uu ammoo worra taa'an keessaa maaf akka kana jedhe eennullee hin hubanne. 29#12:6 Yihuudaan waan korojoo qabatuuf, Yesuus ayyaanaaf waan barbaachisu akka bitu yookiin hiyyeeyyi'iif kennaa akka kennuuf gariin waan kanaaf jedhe isaanitti fakkaatee ture. 30#18:3 Innillee kutaa san haga fudhateen maayii yoosuu baye, hennaanillee halkan.

Ajaja Haarawa

31 # 12:23 Haga bayeen maayessa Yesuus akkana jedhe, «Amma Ilmi Namaa ulfaateera; Rabbillee waan isaatiif ulfaateera. 32#17:1-5 Yoo Rabbi sababaa isaatiif kabajjame, Rabbillee akkasuma isa kabajja. Yoma san kabajjaanille'e. 33#7:33-34; 8:21 Ijoollee tiyya amma hennaa diqqoo isin woliin taa'a isin na soxxan, ‹Hulee ani dhaqu dhaquu hin dandeettan› jedhee Yihuudotatti akkuma hime isinttillee hima. 34#15:12, 13, 17; Yoh. 1ffaa 2:8, 10; 3:11, 14; Yoh. 2ffaa 5 Akka wol jaalattan, akkuma anillee isin jaaladhe, isinillee akkasuma akka wol jaalattan ajaja haarawa isinii kenna. 35#Yoh. 1ffaa 2:5; 4:20 Yoo jaalala wolii qabaattan, darasoota kiyya akka taatan, namoonni maruu kanaan isin beekan.»

Yesuus Akka Pheexroos Isa Ganu Dubbate.

(Mat. 26:31-35; Mar. 14:27-31; Luq. 22:31-34)

36 # 7:34-35; 21:18-19 Simoon Pheexroosillee, «Gooftaa'a! Eessa dhaqa'aarta?» jedhee isa gaafate.

Yesuusillee, «Gara ani deemu amma na faana deemuu hin dandeettu; haata'uu ammoo maayii na faanaa dhufta» jedhee deebiseef.

37Pheexroosillee, «Gooftaa'a! Amma wonti si faanaa deemuu hin dandeenneef maali'i? Lubbuu tiyya sii kenna» jedheen. 38Yesuusillee akkana jedhee deebiseef, «Lubbuu tee naaf kennitaa? Dhugama dhuga'aatiin siin jedha uduu lukkuun hin iyyin hennaa sadi na ganta» jedheen.

Currently Selected:

Oduu Nagayaa Ka Yohaannisii 13: WLNT

Highlight

Copy