ሃዋ̈ 6
6
ታብዛ ኣሳን ማራ̇ጺንቲ̇ዴ
1ዪና̇ ኬሊ̇ን ጋርታ ኣማ̇ኒኖ ኣሲ ዎይሊሙታ̇ ዬይን ግሪክ ኖ̈ና ሶ̈ሊዝ ኣይሁዳን ኢብራዪስጣ ኖ̈ና ሶ̈ሊዝ ኣይሁዳን ጋልዳ ጉንዲሚዴ ኣባ ጌዪን ዎይ ጋላስ ፊሽ ቃ̈ጊዝ ጎይ ጋልዳ ኣስኒ ዓይቂ̇ኖ ግሪክ ኖ̈ና ሶ̈ሊዝ ማጫ̇ንስቦ ሜላንባር ዎልፌ̈ን ቃጋ̇ካ̇ይ ኣቲ̇ኖኮታ̇ቦ። 2ታ̈ጶ ናምኢ ሃዋ̈ራታን ኣማ̇ኒዝ ኣሳን ዎይ ዎል ፔታ̇ን ሺ̈ሻ̇ሪ ኢንታ̇ኮ “ኑ̈ኒ ፊ̈ሽ ቃጊ̇̈ሬ ጋ̈ሪ ጾ̈ሳ̇̇ ቃ̈ሊን ታማ̈ርሳዚን ኣሻ̇ንዳብ ኮሺ̇ባ̈ሴ። 3ዪዚ ቴ ዳባ̇ን! ዪንታ̇ ጊዳፖ ጌ̈ሻ̇ ኣያ̇ናባርኬ ኤራባር ኩሚኖ ታብዛ ኣስ ማራ̇ጺብቴ̈። ኑ ዓና̇ ኦ̈ሲን ኢንታ̇ብ ኢማ̇ሪ 4ኑ̈ኒ ዎ̈ሳባርኬ ጾ̈ሳ̇̇ ቃ̈ሊን ታማ̈ርሳ̇ዚን ጋልዳ ሚጛንዳ” ጌይዴ።
5ዪና̇ ኢንቲ ጌይኖ ሶ̈ሊንዳ̇ ኣሳን ዎይን ኡፋይሳ̇ዴ። ኢናፖ̇ ኢንቲ̇ ኣማ̇ናባርኬ ጌ̈ሻ̇ ኣያ̇ናባር ኩሚኖ ኢስጣፋ̈ኖ̈ሳ፣ ማ ፊልጶ̈ሳ፣ ጲሮኮሮ̈ሳ፣ ኒቃ̈ሮ̈ና፣ ጢሞ̈ና፣ ጴርማኔኬ ኣይሁድ ኣማ̇ና ጋርታ̇ ጌሊኖ ኣንጾ̈ካ ጋዶ̇ ና̈ሳ ኒቆሎ̈ሳ ማራ̇ጺዴ፤ 6ዪን ኢንታ ኤኪ̇ ዬ̈ሪ ሃዋ̈ራታን ቲ̈ን ሺ̈ሺ̇ዴ፤ ኢንታ̇ር ፌ ኩሽ ኢንታ ጋልዳ ጋዳ̇ር ዎ̈ሲ̇ዴ።
7ጾ̈ሳ̇ ቃ̈ላ̈ዲ ዳልጊ ሙታ̇ ሉኪ̇ዴ፤ ኣማ̇ኒኖ ኣሳሬ ዬሩሳ̈ላም ካታሚን ጋርታ ዎይሊዴ፤ ቄ̈ሳን ጋርታፓሬ ዎይሊን ኣማ̇ኒዴ።
ኣሳን ኢስጣፋ̈ኖ̈ሳ ኤ̈̇ዴ
8ኢስጣፋ̈ኖ̈ሲ ጾ̈ሳ̇ ዎልቃባር ኩማሪ ዎርዣ ጊዳ̇ ታሚ̇ራታኬ ማላ̇ ባዝ ኦ̈̈ርዶኒ፥ 9ፔቲ̇ ጋላስ “ኣይሊቲ ጋርታፖ ኬስኪ̇ኖ ኣይሁዳን ዎ̈ሳ ኬ̈” ጌዪ ጼይጊንቲ̇ዝ ኣይሁድ ዎ̈ሳ ኬ̈ን ጋርታ̇ ሺ̈ቂዝ ኣስ ማ̈ቂ̇ኖ ቄራ̈ናፕኬ ኢስኪንዲራፖ ማ ኪልቃፔኬ ኢ̈ሳ ጋዳ̇ፖ ዬይኖ ኣሳን ዲንዳር ኢስጣፋ̈ኖ̈ሳ ባዚን ኢጻ̇ሪ ኢባር ዋች ኤ̈̇ዴ። 10ማ̈ቂ̇ናካሬ ኢስጣፋ̈ኖ̈ሳብ ጌ̈ሻ̇ ኣያ̇ና̈ ኢሚ̇ኖ ኤሪንዶ ኢንቲ̇ ጋማንዳ̇ብ ዳንዳኣካ̇ዬ።
11ኢናፖ̇ ኣሳን “ኢስጣፋ̈ኖ̈ሲ ሙ̈ሳኬ ጾ̈ሳ̇̇̈ዳ ቆ̈ዚን ኑ ሲስኪ̇ኔ” ዪዝ ጌይዝ ኣሳን ጋሳ ጎይ ጊ̈ጊሲዴ።
12ዪ ጎይባራ ኢንቲ̇ ዎርዣ̈ዳ፣ ጋዳ ጪጛሻንኬ ሙ̈ሳ ሂጋ̇ ታማርሲዛን ዲንሪ ኢስጣፋ̈ኖ̈ሳ ኤ̈ሳሪ ኣይሁድ ፊርድ ኣ̈ሎ ኣሳን ቲ̈ን ሺ̈ሺ̇ዴ። 13-14ኢ ጋልዳ ማቃ ማርኪቲዝ ኣሳን ኤሄይዴ። ኣሳንር ማርኪቲ̈ርዶሪ “ዓ ና̈ሳ̈ዲ ‘ና̈ዝሬ̈ቶ ዬሱ̈ሲ ዓና ጾ̈ሳ̇̇ ኬ̈ን ዪርዲሲ̈ሬ፤ ሙ̈ሶ ጋልዳፖ̇ ዬይኖ ዎጊን ላሚ̈ሬ’ ጌዪሙታ̇ ጾ̈ሳ̇ ኬ̈ንዲኬ ሂጊ̇ን ቆ̈ዚን ኣሺ̇ባ̈ሴ” ጌይዴ። 15ኣይሁድ ፊርድ ኣ̈ል ሺ̈ቃር ዶኢኖ ኣሳን ዎይ ኢስጣፋ̈ኖ̈ሳ ኮት̇ ዎቲ ቤቃ̇ምባራ ጾ̈ሳ̇ ኪታ̇ንቻ ፎ̈ኢዛ̈ዲፌ̈ን ኢ ኢንታ̇ክ ፎኣር ቤንቲ̇ዴ።
Currently Selected:
ሃዋ̈ 6: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
