लूका भूमिका
भूमिका
प्रबु येसु मसिन यहुदि लोकुरक साटि परमेस्वर वाचा हिस मतोर मसि अनि दुनियाता सबोय लोकुरा पिसिहवाल इदाम रन्ड रुपते मसिन लूकाल कोटता इद पुस्तकतिगा तोहान्तोर। पहलेटा अध्यायतिगा बपतिसमा हेवाल युहन्नाल अनि प्रबु येसु मसिना जनमता बारेता परिचय वेहान्तोर। दुसरो अनि तिसरो अध्यायतिगा प्रबु येसु मसिना जनम, बपतिसमा अनि बपतिसमा हेवाल युहन्नाना सेवाता वर्णन हिन्तोर। चवदा अध्यायताल एकविस अध्यायवनाह प्रबु येसुना सेवाता सुरुवाताल ओना सेवाता पकाय पोल्लोंग कोटतोर। अध्याय बाविसताल चविसवनाह प्रबु येसु मसिन यहुदि लोकुरक दोखा किस पयाना, राजपाल पिलातुसना मुने न्याय किस कुरुसतिगा अन्जिहच हव्काना, येसु मसिना असा जिवेमायाना अनि येसुना स्वरगारोहण इव पोल्लोंगता वर्णन कोटतोर।
मत्ति अनि मरकुस कोटतोर प्रबु येसु मसिना सोबाता पोल्लोताल इद पुस्तकतिगा दुसरो हुचुक खास पोल्लोंग माक हुळान्तोरोम। प्रबु येसु मसिना जनमतिगा स्वरगदूतकनांग पाटांग अनि बेळांग मेहवालोरक येसुन हुळान साटि हन्दाना, प्रबु येसु मसिना हुडिला पहाराता इतिहास, बपतिस्मा हेवाल युहन्नाना बारेता वलेंग वर्णन, मयातोर सामरिना पिटो, मारता अनि मरियमना वर्णन, उळेह केवाल पेकाना पिटो, टाक्स येतवाल परीसिना पिटो, जकेयना इतिहास, हेरोदेसना मुने येसुन न्याय कियाना, इम्मावुस नाटेनिगा हतोरक चेला लोकुरा अनुभव इव सबोय पोल्लो केवल इद पुस्तकतिगा माक हूळ परान्तोरोम। इद पुस्तक वाचेकियान साटि निकुन सन्दि पुटतु इन्जोर नना परमेस्वरना धन्यवाद किन्तोना। इद पुस्तक वाचे किस दुनियातोर सबोय लोकुरा पिसिहवाल प्रबु येसु मसिन आपुना जिवातिगा स्विकार किस अनन्ता काळता जिवा मिलेमायान साटि परमेस्वर निकुन आशिरवाद हेविर।
रुप-रेखा
परिचय १:१-४
युहन्ना बपतिस्मा हेवाल अनि येसु मसिना जनम अनि बालपण १:५—२:५२
युहन्ना बपतिस्मा हेवालना लोकुर सेवा। ३:१-२०
येसुना बपतिस्मा अनि परिक्षा ३:२१—४:१३
गलील प्रदेशतिगा येसुना लोकुर सेवा ४:१४—९:५०
गलील प्रदेशताल येरुसलेम सहेरवनाह प्रबु येसु मसिना ताकाना ९:५१—१९:२७
येरुसलेम सहेरतिगा येसु मसिना आकरि हपता १९:२८—२३:५६
प्रबु येसुना असा जिवेमायाना, दिसाना अनि स्वरगारोहण २४:१-५३
Currently Selected:
लूका भूमिका: fmu
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.