लूका 1

परिचय

1अनि मावा नडुमते येसुना जिवाता बारेते बाताल बाताल आत, अदेन कोटान साटि पकाय लोकुरक बुतोंग कितोरक। 2येरक येसुना बुतोनुंग मुनेटाले हुळवालोरकनिकेडाल, अनि प्रबुना पोल्लोतुन वेहवालोरक सेवक लोकुरकनिकेडाल, येसुना बारेते बाताल बाताल आत ओद पोल्लोतुन करियतोरक। 3नना वने येसुना पोल्लोतुन बराबर करियतान इन्जोर अव सबोय पोल्लोनुंग मुनेटाले खरोय-खरोय हुळसुन, हे माननिय तियुपिलुस#१:३ ओर लुकाना प्रकाशक मतोर। तियुपिलुस पोरोयतोर वरोर मानेय मतोर, ओर लूका कोटतोर येसु मसिना सोबाता पोल्लोतुन छापे किसुन दुसरो लोरकुन हियाना साटि जिमेदारि मतोर, अनि तियुपिलुस युनानि जातितोर विस्वासि मतोर, अनि ओर रोमि सरकारता संबन्दते हजोर पदते मतोर।, निया साटि अव पोल्लोनुंग ओळीय ओळीय कोटका इन्जोर नना निश्चय कितोनान। 4निमा येसुना बारेते करियता ओद पोल्लोंग बदाम पकाय खरोय मन्तांग इन्जोर निमा पुन्दाना साटि लूकाल पोरोयतोर नना इद पोल्लो कोटिला आतोनान।

युहन्नाना जन्माता पोल्लोतुन वेहाना

5अनि यहुदि प्रदेशतोर राजाल हेरोदेसना काळदे अबिया#१:५ अबियाल वरोर याजक मतोर अनि ओना पोरोयदा याजक लोकुरा उन्दि गोहडि मता। पोरोयता याचक लोकुरकना दलते जकरयाल पोरोयतोर परमेस्वरनोर वरोर याजक#१:५ प्रार्थना लोतिगा परमेस्वरना मुने सेवाकेवाल मन्जे याजक आन्दुर। मतोर; अनि ओना मुतेहारि हारुनना#१:५ हारुन मूसाना हजोर दादाल मतोर। वंशता मता#निर ४:१४ ताना पोरोय इलिसिबाल मता। 6ओरक आळिवुर परमेस्वरना मुने येताना योग्य अनि प्रबुना सबोय आग्यातुन स्विकार किस मानेमायवाल मतोरक, 7ओरांग बालक हिलेंग आसि बाक्याकि इलिसिबाल वान्जिलि मता अनि आळिवुर मुदयाह आस मतोरक।

8पजा जकरयाल आपुना गोहडिता पारीते परमेस्वरना मुने याजक आस सेवा कियाना बुतो किन्दुर, 9असके यहुदि याजक लोकुरा रितिरिवाजता अनुसार येरुसलेम मन्दिरता पवित्र जागातिगा हन्जुन परमेस्वरदुन हुम हेविर इन्जोर जकरयाना पोरोय चिटीतिगा पसियतु। 10जकरयाल मन्दिरतिगा हुम हियाना बेरा सबोय लोकुरक बाहरो प्रार्थना किन्दुरक।

11अनि जकरयाल हुम हिन्दुर असके प्रबुना उन्दि दूत हुम हियाना वेदिता तिन्दानतिके नितिताल दिसतु। 12असके जकरयाल हुळसुन दंगेमास पकाय वरियतुर। 13अनि स्वरगदूत जकरियान इन्तोर: “हे जकरया, निमा वरियमा, बाक्याकि निया प्रार्थनातुन परमेस्वर केन्जतोर; अनि निया मुत्ते इलिसिबाल निया साटि वरोर पेकान जनम हियार, अनि ओना पोरोय निमा युहन्ना इरकि। 14निकुन पकाय गिरदा आयार, अनि ओना जन्मेमायानाताल पकाय लोकुरक गिरदा आयनुरक, 15बाक्याकि येर पेकाल प्रबुना मुने हजोर आयनुर; अनि येर अंगुरता जोमा अनि दाळंगो बसकेन उन्नोर आयनुर; अनि येर आपुना याना पोटातीगाळाले पवित्र आत्माते निन्दानुर#गिन ६:३। 16अनि येर इस्रायेल#१:१६ इस्रायेल परमेस्वरना निवळेकताल उन्दि जाति आन्द। लोकुरकनिगाडाल पकाय लोकुरकुन ओरा परमेस्वर प्रबुना हेरे मलस ततानुर। 17अनि ओर परमेस्वरना पोल्लो वेहवाल एलियाना आत्मा अनि लावदे प्रबुना मुने वासुन सेवा कियानुर। इदाम सेवा किसोर ओर अवाल बाबोना मन्दुन बालकनासंग उन्दि कियानुर अनि आग्या मानेमायोर लोकुरकुन परमेस्वरना मुने येताना योग्य मन्तोर ओर लोकुरा पोल्लोतुन, मन्जे खराब अनि खरोय पोल्लोतुन समजेमायवालोरक बनेमास मलस ततानुर। इदाम प्रबुना पोल्लोतुन मानेमास ताकान्तोरक उन्दि दल प्रबुन साटि तयार कियानुर#माल ४:५,६ ।”

18अनि जकरयाल स्वरगदूततुन इतुर, “इद नना बदाम पुनका? बाक्याकि नना ते मुदयाल मन्तोना; अनि नावा मुत्ते वने सेळो आता।” 19असके स्वरगदूत जकरियान इन्तोर: “नना परमेस्वरना मुने निचमन्तोना जिब्रायिल#१:१९ जिब्रायिल परमेस्वरना उन्दि सन्देश वेहे स्वरगदूत आन्द। पोरोयतोर वरोर दूत आन्दान अनि नना नियासंग वळकान साटि अनि इद सोबाता पोल्लो वेहान साटि नाकुन परमेस्वर लोहतोर#व्यव ८:१६; ९:२१। 20हे जकरया केन्जा, बाक्याकि नावा वेहता पोल्लोतिगा विस्वास इरवि इन्जोर, इद पोल्लो सबोय पुरा आयो-आयार अदवनाह निमा मुकाल आस वळक परवि आयकि” इन्जोर स्वरगदूत जकरियान इन्तोर।

21लोकुरक जकरियान साटि हर हुळसोर मतोरक। पकाय बेरा आतु तेवेने जकरिया ओर मन्दिरतिगाडाल पसियोर इन्जोर ओन मन्दिरता पवित्र जागातिगा बाक्या आतु इदाम लोकुरक आश्चरय आतुरक। 22अनि जकरयाल मन्दिरताल बाहरो पसियतुर, मति ओर लोकुरासंग वळकिला परोर आतुर इन्जोर मन्दिरता पवित्र जागातिगा जकरयाल दरशन हुळतुर इदाम लोकुरक पुतुरक; अनि ओर वळक परोर आतुर इन्जोर ओर लोकुरकुन इशारा किन्दुर, अदाम ओर मुकाल आस मन्दुर। 23अनि मन्दिरतिगा जकरयाना सेवाकिस आत असके ओर आपुना लोतिके हतुर।

24हुचुक दियानांग पजा जकरयाना मुत्ते इलिसिबाल मेन्दुत आतु। 25“समाज लोकुरा मुने नावा अपमान मक्हान साटि परमेस्वर इव दियाने दया किसुन नावा साटि इदाम कितुर” इन्जोर इतु सेयुंग महिनांगवनाह आपुनतुन मकिहच इरस मता।

येसुना जन्माता पोल्लोतुन वेहाना

26इलिशबेत सारुंग महिना मेन्दुलते आस मता असके परमेस्वरनिकेडाल वरोर जिब्रायिल पोरोयतोर स्वरगदूततुन, गलील प्रदेशता नासरत सेहेरतिगा, 27यहुदि लोकुरा राजाल मतोर दावुदना वंशातोर यूसुफ पोरोयतोर वरोर मानेयनासंग हेनांग-मंगळिंग किस मता उन्दि कुवारि लेयाना हेरे परमेस्वर लोहतुर अनि अद कुवारि लेयाना पोरोय मरियम मता। 28अनि स्वरगदूत मरियमना लोनलोपा वासुन, “निया भला आयि, बाक्याकि नियागा परमेस्वरना अनुग्रह आता! प्रबु नियासंग मन्तोर!” इन्जोर मरियमिन इतुर। 29मरियम स्वरगदूतना पोल्लोतुन केन्जुन पकाय वरियत, अनि इद पोल्लोता अर्थ बाताल मन्ता इन्जोर आल्हिला लाकतु। 30स्वरगदूत मरियमिन इतुर, “हे मरियम, वरियमा, बाक्याकि परमेस्वरना अनुग्रह नियागा आता। 31हुळा! निमा मेन्दुत आयकि, अनि वरोर नुनान जनम हियाकि; अनि ओना पोरोय निमा येसु इरकि। 32येर हजोर आयनुर अनि सबोयताल हजोर परमेस्वरनोर मरि इन्दाहनुर। अनि प्रबु परमेस्वर बदाम दावुदिन राजाल बनेहकितुर अदाम लेहका येसुन वने राजाल बनेहकियानुर#२ शाम ७:१२,१३,१६; यश ९:७, 33अनि येर इस्रायेल लोकुरा पोरो दरोज साटि राज कियानुर; अनि ओना राज्य बसकेय मारो आयार” इदाम स्वरगदूत मरियमिन इतुर। 34असके मरियम स्वरगदूततुन इतु, “इद बदाम आयार। नना ते बोरे मानेयसंग इदाम समन्द इरोने।” 35स्वरगदूत मरियमिन इतुर, “परमेस्वरना पवित्र आत्मा नियागा रयार, अनि सबोयताल हजोर परमेस्वरना लाव नियागा मन्दार। इन्जोर जनम आयवाल पवित्र नुनाल परमेस्वरनोर मरि इन्दानुर। 36हुळा! निया परिवारतिगा इलिसिबाल सेळो आता मति तान पेकाल आयवाल मन्ता, अदेन गोड्डे इन्दुर, मति इदेक तान सारुंग महिनांग आतांग। 37बाक्याकि बोद-आयि पोल्लो परमेस्वरना साटि असम्बव हिले” इन्जोर स्वरगदूत मरियमिन इतुर#उत्प १८:१४।

38असके मरियम स्वरगदूततुन, “इंगो! नना परमेस्वरना दासि आन्दान इन्जोर निया वेहता पोल्लोता अनुसार नावागा आयि” इन्जोर इतु। असके स्वरगदूत मरियमना हेरेटाल हतु।

मरियम इलिसिबान मिलेमायाना

39अनि अदेदियाते मरियम सान्डे तयार आसुन यहुदि लोकुरा उन्दि मटा देशता सेहेरतिगा हतु, 40अनि मरियम जकरयाना लोतिगा हन्जुन इलिसिबान नमस्कार कितु। 41इलिसिबाल मरियमना नमस्कार कियाना लेंगदुन केन्जतु असके इलिसिबाना पोटातिगा नुनाल करसिला लाकतु, अनि इलिसिबाल परमेस्वरना पवित्र आत्माता पुरा नियन्त्रणते आतु। 42अनि इलिसिबाल पकाय गिरिदाते मरियमिन हजोर लेंगदे इन्ता: “निमा सबोय आसकनिकेडाल धन्य मन्तोन, निमा जनम हियाकि अद नुनालतुन परमेस्वर अनुग्रह कितोर! 43नावा प्रबुना अवहारि नावा हेरे वायानाता इद आशिष नाकुन पुटान साटि नना अचोन लायक मन्तोनान बहे? 44हे मरियम निमा केन्जा, निया नमस्कार कियाना लेंगदुन केन्जतान अदामे नावा पोटोता नुनाल गिरदा आसुन करसिला लाकतु। 45प्रबु वेहता अद पोल्लोतुन ओर पुरा कियानुर इदाम विस्वास किता निमा धन्य मन्तोन!” इन्जोर इलिसिबाल मरियमिन इतु।

प्रबुन धन्यवाद किस मरियमना पाटा

46अनि मरियम इतु,

“नावा जिवा प्रबुना हजोरपण किन्ता #यश २:१-१०

47अनि नावा आत्मा नावोर पिसवाल परमेस्वरताल पकाय गिरदा आत,

48बाक्याकि परमेस्वर आपुना दासिना नम्रता हुळसुन दयाकितुर;

इन्जोर इदेक इगाडाल सबोय पिळि-पिळितोरक लोकुरक नाकुन धन्य इन्दानुरक#यश १:११ ,

49ओर सबोयताल हजोर लाववाले परमेस्वर नाकुन साटि हजोर-हजोर बुतो कितोर

ओना पोरोय पवित्र मन्तोर।

50अनि परमेस्वरदुन मानेमास ओना आरादना किन्तोर लोकुरा पिळि-पिळितिगा परमेस्वरना दया मन्दार।

51परमेस्वर आपुना लावतुन तोहतुर,

अनि आपुनतुन हजोर समजेमान्दुरक ओर लोकुरकुन परमेस्वर पुळसीतुर।

52बोर आपुना लावदे राज किन्दुरक ओरकुन परमेस्वर ओरा राज्यगदीताल पुळतुर;

अनि ओरा राज्यगदितुन गरिब लोकुरकुन हितुर#अय्यु ५:११; १२:१९।

53परमेस्वर करहायवालोरकुन ओरा जरुरता सोबाय चिजते तृप्त कितुर,

अनि धनि लोकुरकुन खालि कयदे बाहरो पसियस हितुर।

54-55परमेस्वर बदाम मावोर दादा दादिलोरकुन वाचा हितुर अदामे अब्रहाम#१:५४-५५ अब्रहाम इस्रयेल जातिता मुळ बाबाल मन्तोर अनि अब्रहामना वंशतिगा परमेस्वर दया कियानुर इन्जोर आलिहच

परमेस्वर आपुनोर सेवक इस्रायेलिन मदत किन्तोर#उत्प १७:७।”

56अनि मरियम इलिसिबाना लोतिगा मून्ड महिनांग इलिसीबानसंग मता अनि पजा मरियम आपुना लोतिके मलस हतु।

युहन्ना बपतिस्मा हेवाना जनमा

57अनि इलिसिबाना महिनांग पुरा आतुंग असके इलिसिबाल वरोर पेकान जनम हितु। 58असके इलिसिबाना लोन हेरेटोरक अनि ताना सगातोरक लोकुरक परमेस्वर इलिसिबान पकाय हजोर दया कितुर इन्जोर केन्जुन अदेनासंग पकाय गिरदा आतुरक। 59अनि नुनाल जनम आतपा आटवा दियाने यहुदि लोकुरा रिति रिवाजता अनुसार पेकाना कतना कियान साटि जकरियाना लोतिगा ताना संगातोरक वातुरक अनि पेकाना पोरोय बाबहाराना पोरोय लेहका जकरया इरिला लाकतुरक#लेव्य १२:३, 60असके पेकाना अवहारि, “आयो! मति येना पोरोय युहन्नाल इन्जोरेय इराट” इन्जोर इन्दिला लाकतु। 61लोकुरक इलिसिबान, “निया परिवारतिगा बोनाय इदामना पोरोय हिले!” इन्जोर इन्तोरक। 62असके ओना बाताल पोरोय इराना विचार मन्ता इदाम लोकुरक पेकाना बाबोनसंग इशारा किसुन पुच्चेमातुरक। 63असके जकरयाल कोटाना उन्दि पाटि तलकसुन अद पाटितिगा, “ओना पोरोय युहन्ना मन्ता” इदाम कोटसीतुर, असके सबोय लोकुरक दंगेमातुरक। 64असके जकरयाना टोडि अनि वन्जेर खुलेमात अनि ओर वळकिला लाकतुर; अनि परमेस्वरना धन्यवाद किया लाकतुर। 65जकरयाना लोन हेरेगुरे मनवालोर लोकुरकुन पकाय वरे आतु; जकरियानांग अनि ओना मरिना बारेते वळकानांग अव सबोय पोल्लोनुंग यहुदि लोकुरा मटा प्रदेशतिगा मनवालोरक सबोय लोकुरक पुतुरक, 66अनि सबोय केन्जवालोर लोकुरक आप-आपुना मन्दे “येर पेकाल बदामनोर आयनुर?” इदाम विचार कियाला लाकतुरक। परमेस्वरना लाव जरुर ओनासंग मन्तोर इदाम ओरक पुतुरक।

प्रबुना धन्यवाद किस जकरयाना पाटांग

67अनि पजा युहन्नानोर बाबाल जकरयाल पवित्र आत्माते पुरा नियत्रणते आसुन परमेस्वरना पोल्लो वेहिला लाकतुर:

68“इस्रयेल लोकुरा प्रबु परमेस्वर बेस मन्तोर

ओर आपुना लोकुरा हेरे वास ओरकुन लेहचितुर,

69पहलेटाले ओर परमेस्वरना पवित्र पोल्लो वेहवालोरा द्वारा वेहचोर मतोर लेहका

70ओर आपुना सेवक दावुदिना वंशतिगा

मावा साटि वरोर लाववाले पिसिहवालिन लोहतोर,

71ओर मावा दुश्मनिकेडाल

अनि सबोय वेयरिताल मावा लोकुरकुन पिसान साटि,

72अनि मावोर बाबो-दादिलोरकुन दया कियान साटि,

73माक मावोर दुश्मनकना कयदाल लेहचिस,

74माक हिमते आपुना जिवोतमेन ओना मुने

पवित्र अनि परमेस्वरना मुने मुने येताना योग्य बनेमास

ओन मानेमास जिवेमायान साटि दया कियानुर इदाम ओर

75मावोर बाबो अब्रहामिनासंग कितोर

पवित्र वाचा आलिहच इन्जोर

परमेस्वर इदाम कितुर।

76हे नुनाल युहन्नाल, निकुन सबोयताल हजोर परमेस्वरना पोल्लो वेहवाल इन्जोर इन्दानुर#माल ३:१,

77मावोर परमेस्वरना पकाय हजोर दयाते ओना लोकुरकुन परमेस्वरना पापता मापि मिलेमास पिसाना पुटान साटि निमा परमेस्वरना लोकुरकुन बुद्धि वेहचुन

प्रबुना हरि तयार कियान साटि निमा ओना मुने मुने दाकि,

78मावोर परमेस्वरना पकाय हजोर दयाते स्वरगताल मावा साटि उन्दि पुनाल दियांग मावा साटि पुटार।

79आन्दारतिगा मनवालोरकुन वेळिचि बदाम मुने हन्दाना साटि मदत किन्ता अदामे खरोय परमेस्वरतुन पुनोर आस पाप किसोर मन्तोरक,

अनि हायानातुन वरियवालोरकुन परमेस्वर मदत कियान साटि

अनि माकुन शान्तिता हरिते ओयान साटि इदाम किन्तोर#यश ९:१-२; मत्ति ४:१४-१५; १ युह १:५; इफि ५:८ ।”

80अनि युहन्ना नुनाल बरसोरिंग अनि आत्माता लावदे बरसोरिंग हजोर आतुर, अनि इस्रायेल लोकुरकुन प्रबुना पोल्लोता सन्देश वेहानाता मुने वने ओर वारु पल्लातिगा मन्जोर मतोर।

Currently Selected:

लूका 1: fmu

Highlight

Copy