बुतोंग 2

पवित्र आत्मा प्रबु येसुना चेला लोकुरकुन लाव हिन्तोर

1यहुदि लोकुरा पिन्तिकुस्त हनुमता दिया वातु असके प्रबु येसुना चेलालोरक सबोय येरुसलेम सहेरतिगा उन्दि लोतिगा जमा आस मतोरक#लेव्य २३:१५-२१; व्यव १६:९-११। 2असके हुरहायने स्वरगताल पकाय जोरदा वळियता लेंग लेहका उन्दि लेंग वातु, अनि ओर उदस मतोरक ओद लोन ओद लेंगदे गुळजे मातु। 3अनि अलग अलग आसोर मतांग किसता वन्जेर लेहका वन्जेर ओरकुन दिसतु अनि ओद वन्जेर ओरक सबोय लोकुरकनिगा वास रोमतु। 4ओरक सबोय लोकुरक परमेस्वरना पवित्र आत्माता परिपूर्ण नियत्रणते आतुरक#२:४ पवित्र आत्माते निन्दितुर अनि बोद रितिते आत्मा ओरकुन वळकाना लाव हितु अदाम ओरक अन्जान बोलिंग वळकिला लागतुरक।

5अगा ओव दियांग दुनियाता सबोय देशताल वातोरक परमेस्वरना वरे इरवालोरक यहुदिलोकुरक येरुसलेम सहेरतिगा मन्जोर मतोरक। 6अनि ओद लोताल पकाय जोरदा वळियता लेंग लेहका लेंग वातु असके अगा भीळ आतु अनि ओरक विस्वासि लोकुरक नावाय बोलिते वळकिला आतोर इन्जोर केन्जुन ओर लोकुरकुन आश्चरय आतु। 7ओरक सबोय पकाय चकेमास इन्दा लागतुर, “हुळाट, येर वळकिला आतोर सबोय लोकुरक बाताल गलीलि प्रदेशतोरे आयोर बहे? 8ते पजा बाक्या मावानिगाडाल सबोय लोकुरक आपुना आपुना जनम भुमिता बोलिंग ओरक वळकाना केन्जान्तोरोम? 9माक पारथी अनि मेदि अनि एलामी, मेसुपोटामिया अनि यहुदिया अनि कप्पुदूकिया प्रदेशतोर अनि आसिया प्रदेशतोर, पुन्तुस देशतोर 10अनि फ्रूगिया अनि फंफुलिया अनि मिस्र अनि कुरेना सहेरता हेरे मन्ता लिबिया देशतोर, अनि रोम सहेरतिगा बाहरोटाल वास मनवालोरक दुसरो देशतोर लोकुरक, 11क्रेति टापुतोर अनि अरब देशतोर मन्तोरोम मावाकेडाल हुचुलोर लोकुरक यहुदिलोकुरक मन्तोरक अनि दुसरो हुचुलोर लोकुरक यहुदि दरम स्विकार कितोर मन्तोरक। इदाम माक अलग अलग देशतोर मन्तोरोम। मति माक आप-आपुना बोलिते ओरा निकेडाल परमेस्वरना हजो-हजोह बुतोता पोल्लो केन्जान्तोरोम” इन्जोर इतुरक। 12अनि ओरक सबोय लोकुरक चकेमातुर अनि वरियस वरोर दुसरोन “बाताल आयिला आता?” इन्जोर इन्दिला लागतुरक। 13मति ओरागडाल हुचुक लोकुरक “येरक सबोय अंगुरता पुनाल जोमा पकाय उन्ज होचतोरक” इदाम येसुना चेलालोरकुन मजाक किन्तोरक।

पतरसना वळकना

14असके पतरस ओर अकरा येसुना खास चेला लोकुरासंग नितितुर अनि पकाय जोरदे अगा जमा आतोर लोकुरकुन इन्दा लागतुर, “हे यहुदिया प्रदेशतोरक अनि येरुसलेमतिगा मन्वालोरक सबोय लोकुरक इद पुन्ट, अनि ध्यानकिस नावा पोल्लोंग केन्जाट। 15निमाट समजेमायिला आतोरिट अदामे येर लोकुरक होचतोर हिलेर, बाक्याकि इदेक ते केवल सकारतांग नोव नेकतांग#२:१५ यहुदि लोकुरा संकृतिता अनुसार पिन्तिकुस्त हनुमता दिया अनि ओरा पवित्र दिया सकारता दाहा नेकनावनाह बाताले तिनोर उनोरक। । 16मति इद योयेल पोरोयतोर परमेस्वरना पोल्लो वेहवालना द्वारा इव आकरि दियाता बारेते इन्ज मतोर ओद पोल्लो इद आन्दुः

17‘आकिरता दियांगते नना नावा आत्मा सबोय लोकुरकुन पकाय हियाका#जोये २:२८-३२,

अनि मिवोर मरक अनि मिया पेडिह परमेस्वरना पोल्लो वेहानुरक,

अनि मिवोर लयोरक परमेस्वरताल दर्शन हुळानुरक,

अनि मिवोर मुदयाहलोरक परमेस्वरताल कनिष्कनुरक।

18अनि नना आपुनोर सेवा केवालोरकुन अनि सेवा केवेहकुन अव दियाते आपुना आत्मा हियाका

अनि ओरक वने परमेस्वरना पोल्लो वेहानुरक।

19प्रबु लोकुरकुन न्याय कियान साटि दुसरो बेरा मलस वान्तोर ओद पकाय हजोर दिया वायानाता मुने

नना पोरो आबारतिगा चमत्कारता बुतोंग अनि अडिय दरतितिगा चिन्ह अर्थ नतुर अनि किस अनि पोतियता आबार तोहका#२:१९ नतुर अनि किस अनि पोतियता आबारक मन्जे लळायि, हव्काना अनि लळायिता द्वारा उत्पन्न आता दुवा इदाम पोल्लो मन्ता।।

20अनि पोळद आन्दार#२:२० पोळद वेळिचि हेवे आयार अनि नलेन्ज नतुर लेहका रेंगाल आयार।

21मति बोरायि प्रबुना पोरोय येतानुर ओर आपुनतुन पिसहानुर

इन्जोर परमेस्वर इन्तोर#जोये २:२८-३२ ।’ ”

22अनि पतरस असा इन्तोर, “हे इस्रायेल लोकुरक#२:२२ इस्रायेल जातितोर लोकुरक अनि ओरकुन यहुदिलोकुरक वने इन्तोर।, इव पोल्लोंग केन्जाट: निमाटे पुन्तोरिट लेहका, परमेस्वर नासरत नाटेनोर येसुना द्वारा मिया नडुम किता लावता बुतोंग अनि आश्चरय बुतोंगता चिन्हाते मिकुन परमेस्वर ओर येसुन तोहतोर, 23मति निमाट इस्रायेल लोकुरक ओन पयसुन अनि परमेस्वरना मुने येताना योग्य हिले इदाम बुतो केवाल लोकुरा मदतते ओन कुरुस पोरो अन्जिहिच हव्कतिट। मति ओद पोल्लो परमेस्वर मुनेटाले पुन्तोर। अनि ओद ओना मुनेटाले योजनाता अनुसार वने मता#मत्ति २७:३५; मर १५:२४; लूका २३:३३; युह १९:१८ । 24ते वने येसुन परमेस्वर हायाना बन्दनतिगा पकाय बेरावनाह मन्दिला हेवोर अनि परमेस्वर ओन असा जितो कितुर, बाक्याकि हायाना येसुन बसकेय पयस मन्दिला परो आतु। 25बाक्याकि दावुद येसुना बारेते इन्तोर#भज १६:८-११,

‘नना प्रबुन दरोज आपुना मुने हुळसोर मतान

बाक्याकि ओर नावा तिन्दान कयबासातिके उदिन्तोर

इन्जोर नना खंबिर मनका।

26इदे कारणते नावा मन गिरदा आतु, अनि नावा वळकाना पकाय गिरदा आतु,

आयोते नावा मेन्दुल वने आशाते जिवेमास मन्दार।

27बाक्याकि निमा नावा जिवातुन हातोर लोकुरा दुनियातिगा तासिवि आयकि,

अनि आपुना पवित्र मानेयतुन#२:२७ मसि कळियला हेवि आयकि।

28निमा नाकुन जिवनता हरि तोहतोन;

निया मुने नाकुन पकाय गिरदाते निहचिकि#भज १६:८-११ ।’

इन्जोर दावुद येसुना बारेते इन्तोर।”

29अनि पतरस असा इन्तोर “हे इस्रायेल लोकुरक, नना पुरकातोर दावुद राजालना बारेते ओर हातुर अनि मिसतुर अनि ओना बिजगुडि नेन्डवनाह माक हिके हूळ परान्तोरोम इन्जोर मिकुन हिमतासंग इन्दा परान्तोना। ओद पोल्लो ओर दावुद आपुना बारेते इनोर इन्जोर माक पुन्तोरोम। 30दावुद राजाल परमेस्वरना पोल्लो वेहवाल मतोर इन्जोर परमेस्वर ओना वंशताल वरोर मानेयतुन ओना सिंहासनतिगा उपिहका इन्जोर परमेस्वर नावाकेडाल शपथ येतितुर इदाम पुन्जुन#भज १३२:११; २ शाम ७:१२,१३; 31मसिना जिवातुन हातोर लोकुरा दुनियातिगा तासिवोर अनि ओना मेन्दुल कळियना अनुभव केवो इन्जोर मसिना असा जिवेमास तेदाना ओद आयवाल पोल्लोतुन पहलेटाले हुळस दावुद राजाल इदाम वेहतोर। 32इंगो! येरे येसुन परमेस्वर हातोरिगाडाल जितो कितुर, माक सबोय लोकुरक इदेना गवाह मन्तोरोम। 33परमेस्वर येसुन आपुना तिन्दान कय हेरे हजोर पद हिस उपिहतुर। अनि ओर बाबोनिकेडाल प्रतिज्ञाता अनुसार पवित्र आत्मा स्विकार किस ओर इद पवित्र आत्मातुन माकुन पकाय हितुर, अदेन निमाट इदेक हुळिला अनि केन्जिला आतोरिट। 34बाक्याकि दावुद ते स्वरगतिगा हनोर, मति ओर मसिना बारेते आपुनास इन्तोर#भज ११०:१,

35‘ “नना निया दुश्मनकुन निया काल्कना अडिय कियाका

अचोवनाह नावा तिन्दान कयबासा उदा इन्जोर परमेस्वर नावोर प्रबुन#२:३५ येसु इतुर।” ’

36इन्जोर निमाट ओर येसुन कुरुस पोरो अन्जहितिट ते वने येर येसुन परमेस्वर प्रबु अनि मसि आस ठहरे कितुर इन्जोर इदेक इस्रायेलना सबोय परिवार निश्चित रुपते पुनिर।”

37अनि लोकुरक इद पोल्लो केन्जुन आपुना गलतिता बारेते विचार किस आपुना मन्दिगा पकाय दुःखि आतुरक, अनि “हे तमोलोरक माक बाताल कियाकाट?” इन्जोर ओरक पतरस अनि पिसतोर खास चेलालोरकुन पुच्चेमायिला लागतुर। 38पतरस ओरकुन इतुर: “मियागडाल सबोय लोकुरक आप आपुना पापता मापि साटि पाप कियाना बन्द किस परमेस्वरना मुने मलस वास येसु मसिना पोरोयते बपतिस्मा येताट अनि मिकुन पवित्र आत्मातुन दान आस पुटार। 39बाक्याकि इद वाचा निमाट अनि मिया सन्तान अनि मावोर परमेस्वर प्रबु आपुना हेरे केयनुर लक लक मन्तोर ओर सबोय लोकुरक साटि मन्ता।” 40अनि पतरस असा पकाय पोल्लोते करिहतुर अनि “इद तेडा लोकुरा पिळिताल आपुनतुन पिसहिच मन्ट” इन्जोर चेतावनि हितुर। 41असके ओना पोल्लो स्विकार कितोर लोकुरक बपतिस्मा येतितुरक अनि ओदे दिया मून्ड हजारक मानेयकना हेरे लोकुरक मसिनिगा विस्वास केवालोरा सभातिगा मिलेमातुरक। 42अनि ओरक येसुना खास चेला लोकुरकनिकेडाल करियाना अनि संगति इराना अनि प्रबु जेवन कियाना, अनि प्रार्थना कियाना इदाम बुतो दरोज कियानातिगा ओरक आपुनतुन समरपित कितुरक।

विस्वासिलोरा संगति

43अनि येसुना खास चेला लोकुरा द्वारा पकाय चमत्कारता बुतो अनि चिन्ह प्रगट आसोर मतांग इन्जोर येरुसलेमता सबोय लोकुरक आश्चरय आतुरक। 44अनि सबोय विस्वास केवालोर लोकुरक उन्दि आस मन्जोर मतोरक अनि ओरा हेरे बाराय मता अदेन ओरक सबोय लोकुरक साटि आपसते तुसिन्दुरक#बुतोंग ४:३२-३५। 45ओरक आपु-आपुना धन अनि सामान मोमस मोमस बदाम बोना जरुरि मता ओन हिन्दुरक। 46अनि विस्वासि लोकुरक दरोज उन्दि मन आस प्रार्थना लोतिगा जमा आन्दुरक अनि लोहक लोहक रोटिंग किळिहिच गिरदा अनि मन्दा खरोयते जेवन किन्दुरक, 47अनि ओरक परमेस्वरना स्तुति किन्दुरक अनि येरुसलेम सहेरतिगा मन्वालोरक सबोय लोकुरक ओरकुन पकाय मानेमातुरक, अनि पिसाना पुटिहन्दुर ओरकुन प्रबु दरोज मसिलोकुरा सभातिगा मिलेह किसिन्दुर।

Currently Selected:

बुतोंग 2: fmu

Highlight

Copy