Filipika olu 2
2
Kílisi yɛ yɛ́ɛmanyii óni a yɛ bwóɲan o
1Bháani kɛ́ kɛ́ ni Kílisi le, o tɛ́ faan díla án man a? Bháani kɛ́ kɛ́ dhyáaɲɔɔnya o lɔ, o tɛ́ yosolayii díla án man a? Bháani kɛ́ kɛ́ Ní Sɛ́nnɛnyanin ŋo lɔ, o tɛ́ án ngɛ́la bhádhyeman ne a? Mánɲwaan óni hínnɛn tɛ́ yé ŋan? 2O bhóo o man, áa kɛ ké la ngɛnan kɛ ɲɛn nisɔdhyaa o la: Á bhyɛnin ŋán kɛ kée man, dhyáaɲɔɔnya kée ŋo á kɛ́ á bɛ́ cɛ́, yoso kée ŋóni míliya kée ŋó á kɛ́ á lá. 3Á kɛ́nan fóyi kɛ ɲánngboya o kósɔn, wáman kɛ a yɛ́ɛ lɔ́bwoɲan; nánfa tɛ́ o la. Wáa áa á yɛ́ɛmanyii, áa mɔɔn tɔ olu yacesii, óyoo olu á físaa ále. 4Á kɛ́nan á mili á légbu lu man, wáa áa í míli mɔɔn tɔ o léelu man. 5Míliya mín ndɛ́ɛ Ɛnza Ngílisi la, o míliya kée ŋo á kɛ́ á léelu la ɲɔ́ɔn njɛ:#2.5 Míliya mín ndɛ́ɛ Ɛnza Ngílisi la, o míliya kée ŋo á kɛ́ á léelu la ɲɔ́ɔn njɛ: Lɔ́luu a myɛ́nnan le, ko áa kɛ ni ɲɔ́ɔn ne óyoo mɔɔn mínnu kée ne ni Ɛnza Ngilisi le.
6Ala é ɲán mín man, Kílisi é o ɲan kée ŋo le man,
a mán sɔ́n kɛ ale ni Ala yɛ kéeɲan o lamala dhyáala gbɛ́yala.
7Wáa aa i kwɔ́ lo o bɛ́ la,
a wɛɛ a yɛ́ɛ kɛ́ óyoo yɔ.
Aa a yɛ́ɛ kɛ́ mɔɔn lé;
a ye seɲan oo kɛ́ óyoo mɔɔn.
8Aa a yɛ́ɛmanyii,
Ala é mín nvɔ, aa o le kɛ, kɛ táa se fɔ́ɔ a saya o man,
kɛ sayakɛ yíi o man.
9O le kósɔn Ala é ale bhyaa fé ŋo bɛ́ kúnnɔn,
kɛ tɔ́ɔ o dí a man,
tɔ́ɔ mín ŋan bwó tɔ́ɔ o bɛ́ le,
10ké Ɛnza ndɔ́ɔ o kósɔn,
láninfe nzúu óo súu e sángboo o lɔ,
láninfe nzúu óo súu e lúukolo o ka, óni lúukolo o kɔɔ,
ké olu bɛ́ á í kúnmɛn nɔ́kɛɛ,
11óni ké olu bɛ́ a fɔ í lá lɔ,
kó Ɛnza Ngílisi lée Mantii o le.
O bhóo o mán, Fa Ala yaa kunnanwee ŋo sɔɔ.
Lánanbhaa olu kákan kɛ mín ngɛ dínɲan lɔ
12O le kósɔn, nyáaɲɛnmɔɔn olu, á tɛ́ɛ mbwóɲanla ɲán mín man wáati bɛ́, ɲán kɔɔ, yáanin kwáalenin áa mbwóɲanla kɛ tinmin o ɲan kée ŋo le man, áa o yaa á kɛ́ko olu lɔ ni sháan ne óni yáayaa le, kó á wɛ́ɛ kísi. 13Kɛ mansɔɔ, Ala le tínminnan á léelu man, ke mín ŋan dí a yɛ, ké áa sɔ́n o man, óni ké áa o kɛ.
14Á kɛ kɛ kó óo kó kɛ́la, á kɛ́nan lákɔɔ kóman kɛ, á lo ngɛ́nan sɔ́sɔli kɛ. 15O bhóo o man, sɔ ndáa kɛ á lá, i táa se fóyi fɔla á mán. Á yáa kɛ Ala dhyé nu le fyɛn tɛ́ mínnuu la, mɔɔn yóo lananbhɛɛ olu cɛ́man. Álee mánnan mánnan nán lé o mɔɔn olu cɛ́man, óyoo dínɲan kɛ́ɛnɲan o, 16kɛ mansɔɔ ɲáanmanɲan o kóman o á lɔ́. O bhóo o mán, á léelu yáa kɛ né ta kunnanwee ŋo sɔ́ɔbu le Kílisi yɛ ló ŋó la, ké ɲɛn lɔ́jali o kɛ́nan kɛ gbɛ́ɛgbɛɛ le, óni ɲɛ́n sɛɛ ó kɛ́nan kɛ fúu le.
17Háanin, a kɛ́ kɛ óyoo ne wɛɛ kɛ gbɛ mín njí wɛ́ɛ bwɔ́ á yɛ́ faanlɛɛ o ka, kɛ o lafa, faanlɛɛ mín ŋe á yɛ́ lánanya o bháala o le, ní ɲáanlila o la, ní ɲáanlila ni á bɛ́ le. 18O ɲán kée ŋo man, á léelu á í ɲáanli, óni á léelu á í ɲáanli ní né le!
Timote ní Epafoloditi yɛ́ célataa ó
19Ní Mantii Ɛnza ngɛ dhyɛn, ɲáan Timote lɔ́shaa á mán wáati dɔ́ɔnin ngɔ́ɔnnɔn, ké né nisɔ á dhyáa á tá fán nvɛ. 20Tínɲan in ne, né ni mɔɔn óo mɔɔn ta miliya tɛ́ kéene, kɛ hánmin á tá fán nvɛ gbútuukɛ, fɔ́ Timote. 21Mɔɔn tɔ olu bɛ́ɛ hánminnan i gbu lu tá o lé la, i tɛ hánminnan Ɛnza Ngílisi tá o la. 22Wáa Timote é a yɛ kánngeendiiya ó yaa, á ló ŋán o lɔ: aa bháalakɛ ni né le sanmankanmɛɛ o lɔ, óyoo dhyé ŋoo kɛla a fa tɔ́ɔfɛ ɲán mín man. 23Ko mín ngaa kɛ́ né la, ní ngɛ bhɔ o ɲánle tɛnmɛn, ɲáan Timote lɔ́shaa á mán. 24Ɲée síinin ɲe Mantii o le óo yanin dɔ́ɔnin njɛ, ne gbu yáa táa á fɛ́ yénɔn.
25Wáa ndɛ́ɛ milila a man óo ngákan kɛ́ Epafoloditi lɔ́shaa kɛ táa á fɛ́ yénɔn, mádhyemannjɛ o, máalakɛɲɔɔn o, nzwaasiɲɔɔn o, áa o mín nɔ́shaa, manko tɛɛ fé mín nan, kɛ nan o dí né mán. 26Kɛ mansɔɔ á bɛ́ bɛ́ yélɔɔ e a la gbútuukɛ. Epafoloditi wɛɛ hánmin, kɛ mansɔɔ a wɛɛ lɔ ŋóo á wɛɛ a yɛ yangalo ko o myɛn. 27Tínɲan in ne, a tɛ́ manngɛnnɛn gbútuukɛ, a fán mín ndɛ́ɛ sú olu bhóolɔ o tɛ́ wɛɛ sháaya ɲáanman ŋolu tá o le. Wáa Ala e hínnɛn a la; a man hínnɛn a le kée nan, wáa aa hínnɛn né la ikwɔ, ké lɔ kɛ́nan fala ne ta ɲanlɔswaanya o ka ikwɔ. 28O le kósɔn ne wɛ́ɛ nɔ́gban kɛ a látaa á fɛ́ yénɔn, ké a ye o á á nisɔdhyaa, óni ké lɔ́ á bhɔ́ né tá ɲanlɔswaanya o la. 29O lɔ, áa a labhyɛ cɛ́ɛne Mantii o tɔ́ɔ o kósɔn, ni nisɔdhyaa bá le. Mɔɔn mínnuu ale síyaa le, áa olu yacesii, 30kɛ mansɔɔ a tɛ́ káa saya o mansɔɔ, Kílisi yɛ bháala o le kósɔn. Aa dyɛn a yɛ́ɛ ní o kwɔ, kɛ né lɔdhyɛman, álee gbúlu tɛ́ tɛ́ sé o kɛ́la wáati mín nɔn.
Currently Selected:
Filipika olu 2: MXX
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
