Popular Bible Verses from Filipika olu 2

Share

Á kɛ́nan fóyi kɛ ɲánngboya o kósɔn, wáman kɛ a yɛ́ɛ lɔ́bwoɲan; nánfa tɛ́ o la. Wáa áa á yɛ́ɛmanyii, áa mɔɔn tɔ olu yacesii, óyoo olu á físaa ále. Á kɛ́nan á mili á légbu lu man, wáa áa í míli mɔɔn tɔ o léelu man.

Míliya mín ndɛ́ɛ Ɛnza Ngílisi la, o míliya kée ŋo á kɛ́ á léelu la ɲɔ́ɔn njɛ

Ala é ɲán mín man, Kílisi é o ɲan kée ŋo le man, a mán sɔ́n kɛ ale ni Ala yɛ kéeɲan o lamala dhyáala gbɛ́yala. Wáa aa i kwɔ́ lo o bɛ́ la, a wɛɛ a yɛ́ɛ kɛ́ óyoo yɔ. Aa a yɛ́ɛ kɛ́ mɔɔn lé; a ye seɲan oo kɛ́ óyoo mɔɔn. Aa a yɛ́ɛmanyii, Ala é mín nvɔ, aa o le kɛ, kɛ táa se fɔ́ɔ a saya o man, kɛ sayakɛ yíi o man.

Kɛ mansɔɔ, Ala le tínminnan á léelu man, ke mín ŋan dí a yɛ, ké áa sɔ́n o man, óni ké áa o kɛ.

O le kósɔn Ala é ale bhyaa fé ŋo bɛ́ kúnnɔn, kɛ tɔ́ɔ o dí a man, tɔ́ɔ mín ŋan bwó tɔ́ɔ o bɛ́ le, ké Ɛnza ndɔ́ɔ o kósɔn, láninfe nzúu óo súu e sángboo o lɔ, láninfe nzúu óo súu e lúukolo o ka, óni lúukolo o kɔɔ, ké olu bɛ́ á í kúnmɛn nɔ́kɛɛ, óni ké olu bɛ́ a fɔ í lá lɔ, kó Ɛnza Ngílisi lée Mantii o le. O bhóo o mán, Fa Ala yaa kunnanwee ŋo sɔɔ.

Á kɛ kɛ kó óo kó kɛ́la, á kɛ́nan lákɔɔ kóman kɛ, á lo ngɛ́nan sɔ́sɔli kɛ. O bhóo o man, sɔ ndáa kɛ á lá, i táa se fóyi fɔla á mán. Á yáa kɛ Ala dhyé nu le fyɛn tɛ́ mínnuu la, mɔɔn yóo lananbhɛɛ olu cɛ́man. Álee mánnan mánnan nán lé o mɔɔn olu cɛ́man, óyoo dínɲan kɛ́ɛnɲan o

O le kósɔn, nyáaɲɛnmɔɔn olu, á tɛ́ɛ mbwóɲanla ɲán mín man wáati bɛ́, ɲán kɔɔ, yáanin kwáalenin áa mbwóɲanla kɛ tinmin o ɲan kée ŋo le man, áa o yaa á kɛ́ko olu lɔ ni sháan ne óni yáayaa le, kó á wɛ́ɛ kísi.