Matiyu 8

Ɛnza ŋé kwáantɔ lɔ́ lákɛɛnyala

Maki 1.40-45; Luka 5.12-16

1Ɛnza ŋé í yíi kɛ bhɔ́ tii ó mán, tó yaman bá é bhyáa a fo nan. 2Cɛ kwáantɔ lɔ́ é í mángbaa kɛ í kúnmɛɛn ngbáan lúu lɔ́ a kɛɛnnan tó kɛ fɔ kó: «Mantii ó, ni i kɛ́ sɔ́n, ii sé kɛ́ né kɛ́ɛnya.» 3Ɛnza ŋé í bhóo láwii kɛ í bhóo túu a lá tó kɛ fɔ kó: «Ŋwɛ́ɛn sɔ́n, kɛ́ɛnya!» Íkɔlɔ téeman, cɛ óo kɛ́ɛnya, a yɛ kwáan óo bhɔ́ a man. 4Tó Ɛnza ŋé fɔ a yɛ kó: «Í tóomanlɔ: í kɛ́nan fɔ mɔɔn sí yɛ́ kó né lée í lákɛɛnya lɛ. Waa táa i yɛ́ɛ yáa faanlɛɛɲansebhaa ó lá. Musa é fáanlɛɛ mín ngófɔ sɛ́nnɛnyali ó ta fa ŋo fɛ́, ii ó bhɔ́ kɛ́ a yáa mɔɔn ólu lá kó i wɛ́ɛ kɛ́ɛnya.»

Ɛnza ŋwɛ́ɛn swaasikunndii lɔ́ yɛ́ bháalakɛdhye nakɛɛnya

Luka 7.1-10; Yaya 4.43-54

5Ɛnza ndɛ́ɛ lónan Kapɛnamu só ó lá sán mínnɔn, Lɔmu swaasikunndii lɔ́ é í mángbaa Ɛnza nan kɛ a dɛ́li tá kó: 6«Mantii o, ɲɛ́n bháalakɛdhye ŋó sé ŋólu wɛ́ɛ fáa a man, a lanin ŋé lúman, tɔ́lɔya óo a ka kóyoongɛ.» 7Ɛnza ngó a yɛ kó: «ɲáan táa a lákɛɛnya.» 8Wáa swaasikunndii óo fɔ kó: «Kaamɔɔn, i kɛ́nan i yɛ́ɛ sɛɛ, kó i káa lo né yɛ́ bhó ŋó kɔɔnnɔn, né mánngan ni ó lé. Oo lɔ mínngɛ, kóman kée nvɔ dɔ́lɔun, ké o kóman ó a ɲɛ́n bháalakɛdhye ŋo lákɛɛnya.#8.8 Swaasikunndii ó a lɔ ŋóo álee káafii le le; o bhóo ó mán, Yawudhyaa olu tá laanan o lɔ, Ɛnza ndɛ́ tɛ́ sé táala a fɛ́ta. 9Kɛ mansɔɔ kunndii lɔ́luu né bhóo, né ló ŋé swaasi lɔ́lu kunnan. Ní sé kɛ́ a fɔ o kée ɲɛ́n kó: ‹Táa yánun›, aa táa. Kɛ́ fɔ a lɔ́gbɛɛ yɛ́ kó: ‹Nan yánun›, aa nan. Kɛ́ fɔ ɲɛ́n yɔ ŋó yɛ́ kó: ‹Miin ngɛ́ ta›, aa ó kɛ.» 10Ɛnza ŋé o dhyáa ŋólu myɛ́n mínngɛ, aa káwakoya, tó aa fɔ a fongamaa olu yɛ kó: «Tó ní fɔ a yɛ́ tínɲan la ngó, né mán mɔɔn yé Izalayɛli mɔɔn olu lɔ bhá mín nanin ŋé né la kɛ tínmin cɛ míin nga. 11Aa céne, kíyamanwiilo ŋo kɛ́ bhɔ́ í lá, dínɲan ó fa mbɛ́ mɔɔn shɛ́ɛman ɲáan Ala yɛ́ Mansaya ó hɛ́lɛ o sɔ́ɔ, tó ilee ní Bulaaman ni Shaaka ní Yangubha lúu lɔ́min kɛ́ kéene ɛliyanan o lɔ. 12Wáa Ala yɛ́ Mansaya ó hɛ́lɛ o láanin ndɛ́ɛ mɔɔn mínnu yɛ, olu táa a sɔɔ, i yáa olu gbɛ́ kɛ i lábhɔ kɛ́ɛnman diwiba ó lɔ, tó ii kasi kɛ́ yénɔn ké i dinmisaninmba#8.12 Dinmisaninmba: O ywáa ó sɛ́wɛnin ŋé gɛlɛkikan nɔ́n tá ne kó ii í ɲín ŋó lákomankoman ɲɔ́ɔnman. ó yé.»

13Ɛnza ŋé wɛɛ kɛ fɔ swaasikunndii ó yɛ kó: «Í kwɔ́sɛɛ í fɛ́taa, íi kó mín dɛ́li lánanya bhóoman, o a kɛ́ o kó ó sɔ́ɔnin né í kwɔ́!» Swaasikunndii ó yɛ́ bháalakɛdhye ŋó kɛ́ɛnya o wáati kée ŋó lé lɔ.

Ɛnza ŋé yaangalotɔ shɛ́ɛman nákɛɛnyala

Maki 1.29-34; Luka 4.38-41

14 Ɛnza ŋé táa Piyɛli bhóo lúman. Aa táa o bhyáamuso lánin nzɔ́ɔ, kɛ mansɔɔ a fási tɛ́wɛɛ gban. 15Ɛnza ŋé í bhóo túu muso ó bhóola, tó fásigban óo wɛɛ, muso óo í wíi kɛ́ gbáamyaan í lá.

16Ywáa óo sé mínngɛ, mɔɔn ólu nan lámansayoondɔ shɛ́ɛman ne Ɛnza ɲɛn. Aa lámansa yóo ŋólu gbɛ́ i fɛ́ a kómankan ŋo la, tó kɛ yaangalotɔ ó bɛ́ lákɛɛnya. 17Aa o kɛ́ lé kó óo kó é kɛ céla Ezayi é kóman mín nvɔ, o a í lafa. A fɔnin ndɛ́ɛ céla Ezayi kwɔ́ tá ne kó: Aa í kún nó án ɲɛn shaaya ólu kɔɔ óni kɛ án ɲɛn yangalo olu bhɔ́ án nga.

Mɔɔn kákan kɛ bhyáa Ɛnza ngwɔ́ tɛ́nmɛnne

Luka 9.57-62

18 Ɛnza ŋé yamandhye ŋó yé a lamiin ŋo lɔ́ mínngɛ, aa fɔ a yɛ kaamɔɔndhye ŋolu yɛ kó ii táa bhá ó ɲán dɔ́ o mán. 19Sɛliya kaamɔɔn ó lɔ́ é í mangbaa kɛ fɔ a yɛ kó: «Mantii o, í kɛ́ táa ywáa óo ywáa lɔ, ɲáan kɛ́ í kwɔ́ka yénɔn.» 20Ɛnza ŋé a yawi kó: «Jáan é kuunwoosa ólu bhóo kɛ si lɔ, bhó ŋé sámankɔɔn ólu bhóo. Wáa mɔɔn Dhyénjɛ ó silaa tɛ́ o bhóo.»

21A yɛ kaamɔɔndhye ŋo lɔ́ é fɔ a yɛ kó: «Mantii o, í lɔ́ ké ndáa nvá sú ló ŋótun.» 22Ɛnza ŋé a yawi kó: «Bhyáa ngwɔ́ka, íi tó ké su ólu a i yɛ su ólu ló.»

Ɛnza ŋwɛ́ɛn fwɛ́ɛnba lɔ́ lálɔ

Maki 4.35-41; Luka 8.22-25

23Ɛnza ŋé í bhyáa kúun nɔ lɔ tó a yɛ kaamɔɔndhye ŋolu í yɛ́ɛ a saala. 24Íkɔlɔ téeman, fwɛ́ɛnba lɔ́ é wíi jí ó ka ndéeman, háanin fɔ́ kɛ kɛ́ óo jífwɛɛn o a Kúun ŋó lafa. Oo í lɔ́ ké Ɛnza ŋé sunnɔɔn lɔ́ Kúun ŋó lɔ. 25A yɛ kaamɔɔndhye ŋolu í mangbaa a lá kɛ a lakuun ni fɔ le kó: «Mantii o, án ngála! Án ngáa fáa!» 26Ɛnza ŋé i yawi kó: «Áa sháannan mínnɛɛn lé la? A ló ɲɛn lánanya ó a lɔ́ɔ kɛ́yi?» Aa í wíi téeman kɛ í táan fɔ́ fwɛ́ɛn óni jí ó yɛ. Oo kɛ́ mínngɛ fwɛ́ɛn óni jí óo í mányii lwɛ́hi. 27Oo í bɛ́ káwakoya, fɔ́ ii fɔ́la kó: «Cɛ míin ŋé mɔɔn síya mínnɛɛn le kɛɛ, yáanin fwɛ́ɛn óni jí ó bɛ́ɛ a bwóɲanla!»

Ɛnza ŋé cɛ lámansayoondɔ fyáa lákɛɛnyala

Maki 5.1-20; Luka 8.26-39

28Ɛnza ŋé lo mínngɛ bhá ó ɲán dɔ́ o mán, Gadalaka olu yɛ́ lánga ŋo lɔ, cɛ lámansayoondɔ fyáa é bhɔ́ kábulu ó lɔ kɛ́nan a kunmyɛ. I yɛ lámansa ólu fɛ́ɛya kóɲan o man, mɔɔn sí tɛ tɛ́ sɔnnan kɛ o sháa o ta. 29Ale lámansayoondɔ fyáa óo gbáa ndéeman ni fɔ le kó: «Mínnɛɛn án njɛ́, Ala dhyénjɛ ó? Í nánnin ŋé yánun án ndɔ́lɔ tɔ́ɔ le lɔ a, kéni wáati mín ŋé sii, o mán sé bhá ŋan?»

30Oo í lɔ́ ké gbóyoonin nzɛ́ɛ lɔ́lu tɛ́ɛ lɔ́minkɛla tii ó mán. O gbóyoonin ŋólu ywáa tɛ́ɛ já i la. 31Lámansa yóo ŋólu Ɛnza dɛ́li kó ni a kɛ i gbɛ́ kó aa i lalo o gbóyoonin ŋólu lɔ. 32Ɛnza ngó i yɛ kó: «Áa táa.» Oo kɛ́ mínngɛ ii bhɔ́ cɛ fyáa ó lɔ kɛ táa gbóyoonin ŋólu lɔ, tó gbóyoonin nzɛ́ɛ ólu í cɛ kɛ́ yɛ́ɛ tíi ó ka kɛ́ táa í bé bháji ó lɔ kɛ́ túun. 33Gbóyoonin ngunnansiibhaa olu bɛ́ɛ bwée, tó kɛ táa o kó o bɛ́ lɔsɔɔ só o kɔ́ɔnnɔn, óni lámansayoondɔ ólu tá kó óo tínmin ndɛ́nmɛn. 34O fɔ́nin ŋó kwɔ, sómɔɔn ó bɛ́ɛ bhɔ́ kɛ Ɛnza ngunmyɛ. Ii a yé mínngɛ, ii a dɛ́li kó aa táa kɛ bhɔ́ i yɛ lúu ó ka.

Currently Selected:

Matiyu 8: MXX

Highlight

Copy