Luka 20

Yɛ́nee fáan dí Ɛnza mán?

Matiyu 21.23-27; Maki 11.27-33

1Ló nɔ la, Ɛnza ndɛ́ɛ mɔɔn ólu kalanan Ala bhatobhomba ó kɔ́ɔnnɔn, óni kɛ sanmankanmɛɛ ó fɔ i yɛ. Faanlɛɛɲansebhaa olu kúnndii ólu ní sɛliya kaamɔɔn ólu ní cɛba ólu táa Ɛnza nzaala, 2kɛ a manɲaankɛ kó: «A fɔ án ɲɛn, íi kó míinnu kɛ́la sébhaaya mínnɛɛn lé bháaka lɔ? Yɛ́ɛtii o sébhaaya ó dí í mán?»

3Ɛnza ŋé i yawi kó: «Né yáa álee mánɲaankɛ láfaɲan kée nán. Aa né yawi. 4Yɛ́ɛtii Yaya Bátizelikɛbhaa bhyáashaa kɛ́nan mɔɔn ólu bátize, Ala bháa, bháa mɔɔn ólu?»

5O kɛ mínngɛ íi táa ɲɔ́ɔn yé, kɛ i miliya ólu yáa ɲɔ́ɔnnan, ii bhyɛ́ a lɔ kɛ fɔ kó: «Ní án ngɛ́ fɔ ngó Ala lée a bhyáashaa, a yáa án mánɲaankɛ kó: Mínnɛɛn lé kósɔn á mán lá Yaya la. 6Ní án ngɛ́ fɔ kó mɔɔn ólu, mɔɔn ólu yáa án bwó káwa la, kɛ mansɔɔ i bɛ́ lánin ŋé a lá kó Yaya tɛ́ɛ céla le lé.» 7Íi Ɛnza yawi kó i mán lɔ́.

8 Ɛnza ŋé i yawi kó: «Ní ó lée, míin fáan dí né mán kɛ kó míinnu kɛ́, né táa o sébhaaya ó fɔ a yɛ.»

Saanan míin lá sɛɛnkɛbhaayoo ŋó mán

Matiyu 21.33-46; Maki 12.1-12

9O kwɔ́, Ɛnza ŋé saanan míin ná yaman ó yɛ, a kó: «Cɛ lɔ́ lée lɛ́zɛnnvyɛ kɛ, tó kɛ ó kɛ́ɛfa bháalakɛdhye ŋólu mán, kɛ táa táamanja nán. 10Lɛ́zɛn mɔ́ wáati óo sé mínngɛ, áa a yɛ bháalakɛdhye ŋó kée myáashaa lɛ́zɛnmaalakɛbhaa ólu mán ké ii a tá nin ŋó di. Wáa lɛ́zɛnmaalakɛbhaa ólu o myáan, kɛ a gbasi, kɛ a bhóolɔkoo ŋó bhyaa kɛ́ táa. 11Lɛ́zɛnnvyɛtii ó bháalakɛdhye ngbɛ́ɛ ce i man. Ii ó gbási kɛ a nɛɛn kɛ a bhóolɔkoo ŋó bhyaa kɛ́ táa. 12Lɛ́zɛnnvyɛtii ó bháalakɛdhye nzawaɲɔɔn ce i man, íi ó gbási kɛ́ a manndiin, kɛ́ a gbɛ́. 13Oo kɛ́ mínngɛ lɛ́zɛnnvyɛtii ó fɔ kó: ‹Né káa mínnɛɛn le kɛ́? A kó o: Né dhyénjɛ mín ŋan dí né yɛ gbútuukɛ, né yáa o bhyáashaa i man, kɛ dhyáa, i yáa ó bhóɲan.› 14Wáa lɛ́zɛnmaalakɛbhaa ólu sɛɛntii ó dhyénjɛ ó yé mínngɛ, íi fɔ ɲɔ́ɔnɲɛn kó: ‹A cɛ́n ó tábhaa ó lée nín, án ní a fáa ké cɛ́n ó á kɛ́ án ndá lé.› 15Ii a myáan kɛ́ bhɔ́ ni ale sɛɛn ó kɔ́ɔnnɔn kɛ́ a fáa.»

Ɛnza ŋé fɔ kó: «Lɛ́zɛnnvyɛtii ó káa mínnɛɛn lé kɛ́ i la sá? 16A yáa nan, kɛ lɛ́zɛnmaalakɛbhaa ŋólu fáa, tó kɛ lɛ́zɛnnvyɛ ó kɛ́ɛfa lɛ́zɛnmaalakɛbhaa gbɛ́ɛlu mán!» Mɔɔn ólu ó kóman ó myɛ́n mínngɛ, íi fɔ kó: «Ala án ngísila o mán!»

17Ɛnza ŋé i mánfɛɛ kɛ fɔ kó: «Mín nzɛ́wɛnin ŋé Kitabu ó kɔ́ɔnnɔn, o kɔɔ ó mínnɛɛn le? A kó:

‹Bhónɔbhaa ólu wɛ́ɛ í bá tɛfɛ mínnɔn,

o lé wɛ́ɛ kɛ́ tɛfɛ kúugbɛɛ ŋó le.›

18 Mɔɔn óo mɔɔn kɛ í bé o tɛfɛ ó ka, o tíi ó kóo ó yáa í lɔ́kɛɛngɛɛ; ni ó tɛfɛ ó kɛ bé mɔɔn min ngá, o tíi ó yáa í lɛ́ɛbhɔ.»

19O wáati ó yɛ́ɛ lɔ, Sɛliya kaamɔɔn ólu ni faanlɛɛɲansebhaa olu kúnndii ólu tɛ́ɛfɛ kɛ́ Ɛnza myáan, kɛ mansɔɔ i tɛ́wɛɛ bhɔ́ a ɲan le óo Ɛnza ndɛ́ɛ saanan ó la lá ile léelu mán. Wáa i tɛ́ɛ sháannan yaman o ɲɛn.

A láanin ŋé kɛ́ nísɔɔn ó sála a?

Matiyu 22.15-22; Maki 12.13-17

20Oo kɛ mínngɛ, íi lámyaan kɛ́ Ɛnza nákɔɔsi. O lɔ, íi mɔɔn lɔ́lu bhyáashaa kɛ táa Ɛnza nákɔɔsi kán ŋó mán, í tɛ́ɛ i yɛ́ɛ kɛ́la mɔɔnteenin nú le, ké ii a myáan a gbú lákan ŋó mán. Ké ii sɔ́ɔbu lɔ sɔ́ɔ kɛ́ a ló Mansacɛ ó bhóo, óni faanman ŋólu bhóo. 21O mɔɔn ólu táa Ɛnza manɲaankɛ kó: «Kaamɔɔn, án ni a lɔ́ ŋóo i yɛ kóman ólu ní i yɛ kaa ŋólu téenin ɲé, í ló ndɛ́ mɔɔn bhɔ́la mɔɔn lɔ, Íi Ala sháa o le yáala an nán tínɲan le ka. 22Á láanin ɲé kɛ nísɔɔn ó sála mansacɛ Sezali yɛ bháa bháanin a laanin ndɛ́?»

23Wáa Ɛnza ŋé bhɔ́ i yɛ naanfiiya ó ɲánle, aa fɔ í yɛ kó: 24«Áa wɛ́ɛgbannan ngée yáa né la.» A kó: «Yɛ́ɛtii yáa ní tɔ́ɔ é wɛ́ɛ míin mán?» I kó mansacɛ Sezali.

25Ó lɔ, Ɛnza ŋé fɔ i yɛ kó: «Fé mín ɲé mansacɛ Sezali tá le, áa o dí mansacɛ ó mán; mín ɲé Ala tá ó le, áa o dí Ala mán.»

26I man sé kɛ Ɛnza myáan a yɛ́ɛ lákan ŋó mán yaman ó ɲánkɔɔ, wáa a yɛ yawili ó bháa i lɔ, i mán kóman sɔɔ kɛ́ a yawi.

Sadusi lɔ́luu Ɛnza mánɲaankɛla su ólu kúun ŋó mán

Matiyu 22.23-33; Maki 12.18-27

27 Sadusi ólu tɛ́ɛ fɔ́la kó su ólu táa kúun. I lɔ́luu i mángbaa Ɛnza nan kɛ a mánɲaankɛ kó: 28«Kaamɔɔn, Musa é mín nvɔ́ án ɲɛn kó: Ní cɛ lɔ kɛ́ muso tá, kɛ sayakɛ ké a mán dhyé nzɔ́ɔ muso ó la, a lɔ́ɔcɛ kákan kɛ́ muso o fúu kɛ́ kɛ dhyé nzɔ́ɔ a lá á bhádhye ŋó yɛ. 29O ɲan ó mán, bhádhyemannjɛ wóonvyaa lé tɛ́ɛ yé. Jónan óo muso fúu kɛ, wáa aa sayakɛ, a mán dhyé nzɔ́ɔ muso o la. 30Fyáaɲɔn ó o muso ó tá, 31a sawaɲɔn óo a tá. O ɲan ó mán, dhyénjɛ wóonvyaa ó bɛ́ é sayakɛ, i sí mán dhyé nzɔ́ɔ muso ó la. 32Ó kwɔ, muso óo sayakɛ. 33Su ólu kúun nó ŋó kɛ́ sé, muso ó káa kɛ́ yɛ́ɛtii tá le? Kɛ mansɔɔ dhyénjɛ wóonvyaa ó bɛ́ é a fúu kɛ.»

34 Ɛnza ŋé i yawi kó: «Dínɲan míin ngɔɔnnɔn, cɛ óni muso ó fúu kɛla. 35Wáa Ala wɛ́ɛ kítitɛɛ mɔɔn mínnu ka kɛ i yacesii mɔɔnteenin nu lé dínɲan kwáa o lɔ, ní ólu kɛ kúun kɛ bhɔ́ saya ó lɔ, cɛ ó táa muso fúu kɛ́, muso ó ló ndáa sii cɛ la; 36Ólu táa sayakɛ bhée, kɛ mansɔɔ ólu káa kɛ́ lé óo malɛɛka ólu. Ala káa i yacesii a dhyé néelu le, kɛ mansɔɔ i yáa kúun kɛ bhɔ́ saya ó lɔ. 37Ní su ólu kɛ kúun. Céla Musa gbú é a yáa kɛ tá ó tó yíitunin ŋó la. Aa Mantii ó kíi kó Bulaaman yɛ Ala o, óni Shaaka yɛ Ala o, óni Yangubha yɛ Ala o. 38O kɔ́ɔ ó tɔ́ɔ kó Ala tɛ́ su ólu yɛ Ala óle, wáa ɲáanman ŋólu yɛ Ala lée a le, kɛ mansɔɔ Ala fɛ yé mɔɔn ólu bɛ́ɛ ɲáanman ne lé.»

39 Sɛliya kaamɔɔn lɔ́luu fɔ Ɛnza ɲɛn kó: «Kaamɔɔn, í wɛ́ɛ kóman cɛ́ɛne.» 40Kɛ tá ó mán, i mán Ɛnza manɲaankɛ bhée.

Kílisi ní Laula

Matiyu 22.41-45; Maki 12.35-37

41Ɛnza ŋé i manɲaankɛ kó: «Án ni sé kɛ fɔ ɲán mínnɛɛn lé mán kó Kílisi óo Laula bhɔ́nzɔ ne lé? 42Laula gbú é fɔ Zabulu ó kitabu ó kɔɔnnɔn kó:

Mantii Ala é fɔ ɲɛn Mantii o yɛ kó:

Í síi móobhɛɛ kɔɔ,

43fɔ́ né a í yúu ólu myaan kɛ i bhyáa í sé ngɔɔ.

44O ɲán o mán, ni Laula é Kísibhaa ó kíila kó Mantii ó, Kísibhaa óo sé kɛ́la Laula Bhɔ́nzɔ né díi?»

Ɛnza ŋé í sɛɛmansɔɔla a yɛ kaamɔɔndhye ŋólu yɛ

Matiyu 23.1-36; Maki 12.37-40

45Kɛ yaman ó tó Ɛnza nɔ́myɛnnan áa fɔ a yɛ kaamɔɔndhye ŋólu yɛ kó: 46«Áa a yɛ́ɛkɔɔsi sɛliya kaamɔɔn ólu mán, deekeba ló ŋó lé a dí i yɛ kɛ í yáala, íi fɛ ké mɔɔn tɔ ólu a kɛ́ i fola yamanywaa ólu lɔ, óni sɛ́ɛbho ŋó kɔ́ɔnnɔn, ɲɛ́nnzhaafɛ síilaa ó lée lu a dí i yɛ, sɛ́ɛbho ŋólu ní lɔ́minkɛlaa ólu lɔ. 47Muso mínnu cɛ wɛ́ɛ sayakɛ, íi ólu bhóofe ŋó bɛ́ myaanla i la; ii sɛ́ɛ kannanja ólu kɛ́la ké mɔɔn ólu a i lásaa. O le kósɔn, i tá kíti o yáa gbɛ́ya kɛ tínmin mɔɔn tɔ́ ólu tá ó ka!»

Currently Selected:

Luka 20: MXX

Highlight

Copy