Kɛ́wɛɛ 10

Kɔɔnɛyi ni Malɛɛka o

1Cɛ lɔ́ tɛ́ɛ Sezale, a tɔ́ɔ kó Kɔɔnɛyi. Swáasi mínnuu kíila kó Itali swáasi olu, ale tɛ́ɛ olu kunndiiba o lɔ le lé. 2Cɛ míin wé, ale ni a yɛ́ bhónanbhaa ólu bɛ́ tɛ́ɛ Ala bwóɲanla, óni Ala ɲɛ́nnzhaanɲan mɔɔn le tɛ́ɛ ale, a tɛɛ kóɲwaan shɛ́ɛman ngɛ́la faannda ŋólu yɛ́, a tɛ́ɛ Ala dɛ́lila wáati bɛ́. 3Ló nɔ la, ywáa tée o mán, aa Ala yɛ Malɛɛka lɔ yé lónan a fɛ yé, óyoo aa shoo la, tó kɛ fɔ a yɛ kó: «Kɔɔnɛyi!»

4Kɔɔnɛyi é i ɲán gbáan malɛɛka o lɔ, aa sháan kóyoongɛ, aa a yawi kó: «Mínnɛɛn lée wé, Mantii o?»

Malɛɛka óo a yawi kó: «Ala wɛ́ɛ sɔ́n i yɛ sɛ́ɛ olu, óni í wɛ́ɛ dhyɛ́manli mínnu kɛ faannda ŋólu yɛ, olu wɛ́ɛ yɛ́ɛ Ala saala. A hákii é i lɔ́. 5Mɔɔn lɔ́lu bhyáashaa kwáalenin Zope, ké ii táa cɛ lɔ kíi a tɔ́ɔ kó Simɔn, ii a kíila ikwɔ kó Piyɛli. 6Aa síla cɛ mín nvɛ́ yé o tɔ́ɔ kó Simɔn, óo gbóobhaalakɛbhaa le lé, a yɛ́ bhó ŋó kɔ́ɔyi lá ó la.»

7Malɛɛka mín ndɛ́ɛ kómanla a yɛ́ oo táa mínngɛ, Kɔɔnɛyi é a yɛ bháalakɛdhye ŋo fyáa kíi óni swáasi kée swáasi olu cɛ́man, tó a tɛ́ɛ ni ale. A tɛ́ɛ sháannan Ala ɲɛ́n. 8Kó mínnu wɛ́ɛ tinmin, Kɔɔnɛyi é o bɛ́ lɔ́sɔɔ i yɛ́, tó kɛ́ i bhyáashaa Zope.

Piyɛli é fé mín ɲé Zope

9O lúusɔgbɛ ó, bháalakɛdhye nzawa óo sháa ó tá. Ii tɛ́ɛ i mangbaala Zope lá mínngɛ, o wáati ó lɔ, Piyɛli tɛ́ wɛɛ í yɛ́ɛ bhó ŋó kúnnɔn sáman téegban ó lɔ́ kɛ́ Ala dɛ́li. 10Kɔ́ɔn é Piyɛli myaan óni a tɛ́ɛ fɛ kɛ lɔ́minkɛ. Oo kɛ́ ké ii gbákɛ o la a yɛ, aa fé nɔ́ yé óyoo aa shoo la. 11Aa sángboo o la lákanin ɲé, aa fé nɔ́ yé yíila lúuman kɛ́ bhɔ́ sáman, o bhɔ́nin ndɛ́ɛ faaniba lɔ le lá. O lɔmyaannin ndɛ́ɛ a zóo náannin ŋo la. 12Soo bɛ́ súu le tɛ́ɛ a kɔ́ɔnnɔn, sé náannin man fé ŋólu, óni mínnuu í fónvonan i kɔ́ɔnman lúuman, óni sámankɔɔn ólu.#10.12 Yawudhyaa ólu yɛ́ láanan ó lɔ́, soo lɔ́lu tɛ́ɛ yé nɔ olu tɛ tɛ́ lɔ́ɔnan. O kóman ó sɛ́wɛnin ŋé Levitiki 11.2-47; 20.25. 13Kómankan nɔ́ é fɔ́ a yɛ kó: «Piyɛli, í wíi, kɛ́ fé míin nɔ́ fáa, kɛ́ o lɔ́ɔ.»

14Piyɛli é a yawi kó: «Mantii ó, ndáa o kɛ́! Ne mán fé nɔ́ɔnnin ŋóni fé ngɔ́sɔnin míin nɔ́ lɔ́ɔ mbá.»

15A síɲan fyáaɲɔn o lɔ, kómankan ŋóo fɔ a yɛ kó: «Ala wɛ́ɛ fé mín nzɛnnɛnya, íle kɛ́nan o yacesii fé ngɔ́sɔnin né.»

16Oo kɛ́ fɔ́ síɲan sawa. O ywáaninngee ŋó lɔ, faaniba óo í kwɔ́sɛɛ, kɛ táa sángboo ó lɔ.

17Piyɛli kɔ́ɔnnɔn é fii, aa shoo mín ngɛ́, á tɛ́ɛ a yɛ́ɛ manɲaankɛla o kɔ́ɔ o mán. O wáati kée ŋó lé lɔ, Kɔɔnɛyi é mɔɔn mínnu bhyáashaa ólu sé Simɔn yɛ́ lúkɔɔn o man, ii lɔ lá o la, manɲaankɛli olu kwɔ́. 18Ii kíili kɛ kɛ́ mánɲaankɛli kɛ, kó Simɔn míin kíila kó Piyɛli, aa síla ya ne a? 19Piyɛli tɛ́ɛ í mílila a yɛ shoo ŋó mán wáati mínnɔn, Ní Sɛ́nnɛnyanin ŋó fɔ́ a yɛ́ kó: «Mɔɔn sawa é i ywáa ɲíinnan. 20I yíi, kɛ́ táa ní ile i kɛ́nan síka, ne lée í bhyáashaa.»

21Piyɛli é i yíi kɛ́ fɔ́ i yɛ́ kó: «Áa mɔɔn mín ywáa ɲíinnan, né lée nin. A nankun ŋó mínnɛɛn lé?»

22Mɔɔn ólu Piyɛli yawi kó: «Swáasi kúnndii Kɔɔnɛyi lée an myáashaa. Mɔɔn téenin née a lé, a lo ŋé sháannan Ala ɲɛ́n, Yawudhyaa ólu bɛ́ɛ a tɔ́ɔɲwaan fɔla. Ala yɛ malɛɛka sɛ́nnɛnyanin ŋó lɔ é a lá sówi, kɛ fɔ́ a yɛ kó aa i kíi kɛ́ nan a bhóo lúman, ké aa i yɛ kóman ólu lɔ́myɛn.»

23Piyɛli é lónan ŋólu lálo bhó ŋó kɔ́ɔnnɔn, aa sílaa dí i man kɛ́ i myaan cɛ́ɛ né. O lúusɔgbɛ ó, aa táa ní ile, i bhádhye Zopeka o lɔ́lu táa ni ile.

Piyɛli é Kɔɔnɛyi fɛ́ yénɔn

24O ló ŋó lúusɔgbɛ o, ii sé Sezale. Oo kɛ́ ké Kɔɔnɛyi é i mankɔɔnnan, o tɛ́ wɛ́ɛ a yɛ́ lumanmɔɔn ólu ní a twáanva ólu ládhyɛ. 25Piyɛli é sé wáati mínnɔn, Kɔɔnɛyi é nán a labhyɛ, aa i manyii kɛ i kúnmɛɛn nɔ́kɛɛ Piyɛli kɔɔ lúuman. 26Wáa Piyɛli é a láwii tó kɛ́ fɔ́ a yɛ́ kó: «I wíi, née mɔɔn le lé íle síyaa le.»

27Kɛ́ Piyɛli tó kóman o la ni Kɔɔnɛyi le, Piyɛli é ló bhó ŋó la, kɛ́ táa mɔɔn shɛ́ɛman nádhyɛnin yé. 28Piyɛli fɔ i yɛ kó: «Áa lɔ́ ŋóo a láanin ndɛ́, ké Yawudhyaa o a twáanvaya kɛ ni síya gbɛ́ɛ le, wáman kɛ ló a yɛ bhó ŋó la. Wáa Ala wɛ́ɛ yáa né la kó ne mánngan kɛ mɔɔn sí yace mɔɔn nɔ́ɔnnin né óni mɔɔn kɔ́sɔnin né. 29O lé kósɔn, áa mɔɔn bhyáa, kɛ́ táa ne kíi mínngɛ, née nán, mán sɔ́sɔli kɛ́. Ní a mánɲaankɛla áa ne kíila kún mínnɛɛn le lá?»

30Kɔɔnɛyi é a yawi kó: «A tée náannin lée binin, a wáati kée ŋó lée nin, né tɛ́ɛ Ala dɛ́li ó la bhó ŋó la ywáatee o man. Ní bháa kɛ cɛ lɔ lɔnin ɲé ɲankɔɔ, a kannanfaani o tɛ́ɛ mannan mannan nan. 31Aa fɔ ne yɛ kó: ‹Kɔɔnɛyi, Ala wɛ́ɛ i yɛ sɛ́ɛ o yawi, ii dhyɛ́manli mín ngɛ́ dɛ́sɛbhaatɔ olu yɛ Ala é i milila o la. 32Mɔɔn lɔ́lu bhyáashaa Zope, kɛ́ táa Simɔn kíi, í wɛɛ a tɔ́ɔla íkwɔ kó Piyɛli. Aa síla Simɔn yɛ bhó ŋó le la, gbóobhaalakɛbhaa lée Simɔn le a yɛ́ bhó ŋó kɔ́ɔyi la o lá.› 33O lé kósɔn, ní mɔɔn lú bhyáashaa í kíila í kɔ́lɔ. I wɛ́ɛ sɔ́n kɛ́ nán. Kwáalenin, án mbɛ́ mánfɛɛ Ala ɲankɔɔ kɛ́ i lɔ́myɛn, Mantii ó wɛ́ɛ mín nvɔ́ i yɛ íi o fɔ́ án ɲɛ́n.»

Piyɛli yɛ lákawanin o Kɔɔnɛyi fɛ́ yénɔn

34Oo kɛ mínngɛ, Piyɛli é kóman o tá kɛ fɔ kó: «Tínɲan in ne, ŋwɛ́ɛn bhɔ́ a ɲánle kó Ala tɛ mɔɔn bhɔ́la mɔɔn lɔ, 35i kɛ kɛ́ síya óo síya le, kɛ́ sháan Ala ɲɛ́n, tó kɛ kóbhɛɛkɛ, i kuu yáa gbɛ́ya Ala man. 36Ala é kóman o lánan Izalayɛlidhye ŋólu man. Láha míin sɔ́ɔla Ɛnza Ngílisi sɔ́ɔbu la, aa o láha o Sanmankanmɛɛ ó láse. Kílisi lée bɛ́ tá Mantii ó lé. 37Kó mínnu kɛ́ Zude mala ó lɔ́ áa olu lɔ, áa i lámyaan Galile mala o lɔ́. O ko o kɛ Yaya yɛ bátizeli o le kwɔ́ Yaya é o mín náse, 38Ala é Ní Sɛnnɛnyanin ŋóni sébhaaya lá Ɛnza Nazalɛtika o ka, aa tinmin ywáa mínnu lɔ, a tɛ́ɛ kóbhɛɛ kɛ́la mɔɔn ólu yɛ, óni kɛ mɔɔn ólu lákɛɛnya mínnu tɛ́ɛ Sɔtaannan bhóolɔ, kɛ mansɔɔ Ala é a fɛ. 39Aa kó mínnu kɛ Yeluzalɛmu, óni Yawudhyaa ólu yɛ yamaan o lɔ, án ní o sɛ́ɛya le. Íi ale lé dhyɛ́ yíi o mán, tó kɛ a fáa. 40Wáa, a tée sawaɲɔnlo ŋó Ala é a lákuun, Ala é kɛ́ ké aa a yɛ́ɛ yáa. 41Wáa a mán a yɛ́ɛ yáa bɛ́ la, Ala é mínnu bhɔ́, kɛ i kɛ sɛ́ɛya le, án née mínnu lɔ́minkɛ ní ale, kɛ́ minin kɛ́ ní ale a kúunnin ŋó kwɔ́, kɛ́ bhɔ́ saya ó lɔ. 42Aa bháala dí án mán kó án ní a láse yaman o man, óni kɛ a sɛ́ɛya ládi kó Ala é ale lé bhɔ kɛ a kɛ ɲáanman ŋólu ní su olu yɛ kítitɛɛbhaa o le. 43Céla ólu bɛ́ɛ a sɛ́ɛya ládi kó, ní mɔɔn óo mɔɔn kɛ lá a lá, a tɔ́ɔ bháaka lɔ o tíi o yɛ́ yúumu ólu yáa labe a yɛ.»

Ní Sɛ́nnɛnyanin ŋó yíi ó síya gbɛ́ɛ ólu ká

44Kɛ Piyɛli tó o kóman olu fɔla, mínnu tɛ́ɛ Ala Saaninkan ŋó lɔ́myɛnnan, Ní Sɛnnɛnyanin ŋó yíi olu bɛ́ ká. 45Lánanbhaa bhɔ́nin kɛ́ɛn lɔ́ mínnu nan ní Piyɛli le ólu kawakoya, kɛ mansɔɔ Ala wɛ́ɛ a yɛ Ní Sɛnnɛnyanin ŋó dí síya gbɛ́ɛ olu mán. 46Kɛ mansɔɔ, mɔɔn ólu tɛ́ɛ i yéla kómanla kán gbɛ́ɛlu lɔ́, i tɛ́ɛ Ala tándo la. Oo kɛ́ mínngɛ, Piyɛli é fɔ́ kó: 47«Án ní sé kɛ án mbá kɛ mɔɔn míinnu bátize jí o lá a? Kɛ mansɔɔ i wɛ́ɛ Ní Sɛnnɛnyanin ŋó sɔ́ɔ óyoo án né.»

48Piyɛli é fɔ́ kó kɛ́ i bátize Ɛnza Ngílisi tɔ́ɔla. O kwɔ́, ii Piyɛli dɛ́li kó aa tée láman kɛ́ ní ile.

Currently Selected:

Kɛ́wɛɛ 10: MXX

Highlight

Copy