प्रेरितों के काम 3
3
लंगड़ा भिखारी तैं ठिक कन
1एक दिन पतरस अर यूहन्ना दुफरा मा तीन बजी का लगभग परमेश्वर बट्टी प्रार्थना का बगत मा परमेश्वर बट्टी यरूशलेम शहर का मन्दिर मा जांणा छा। 2लोग एक जन्म बट्टी का लंगड़ा तैं लांणा छा जै तैं उ रोज यरूशलेम शहर का मन्दिर का संमणी फाटक पर बैठै दींद छा जै को नौं सुंदर छो इलै की उ परमेश्वर बट्टी यरूशलेम शहर का मन्दिर मा जांण वलो बट्टी भीख मांगो। 3तब वेल पतरस अर यूहन्ना तैं यरूशलेम शहर का मन्दिर मा जांण देखि त ऊं बट्टी भीख मंगण लगि गै। 4पतरस अर यूहन्ना ल सीधा वे तैं देखि के बोलि, “हम जनै देख” 5वेल ऊं बट्टी कुछ पौणे की आस लगै के ऊं जनै दिखण लगि गै। 6तब पतरस ल बोलि “चाँदी अर सोना त मि मा छैं नि च पर जु मि मा छैं च उ त्वे तैं दींदु यीशु मसीह नासरी का नौं से उठ अर चलि फिर।” 7अर पतरस ल वे लंगड़ा को दैंणों हथ पकड़ी के वे तैं उठै अर तुरंत वेका खुट्टा अर घुंडों मा ताकत ऐ गै। 8तब उ उचड़फलि मारि के खड़ो हवे गै अर हिटण लगि गै अर हिटी अर उचड़फलि मारि के अर पिता परमेश्वर की भक्ति करदी पतरस अर यूहन्ना दगड़ी यरूशलेम शहर का मन्दिर का चौक मा चलि गै। 9सब लुखुं ल वे तैं चलद फिरद अर परमेश्वर कि भक्ति कन देखि के, 10वे तैं पैछांणि दींनि कि यु उ ही लंगड़ा भिखारी च जु यरूशलेम शहर का मन्दिर का सुंदर फाटक पर बैठी के भीख मंगणु रौंदो छो अर वीं घटना से ज्वा वे दगड़ी हवे छै उ बिजां भैंचक्क मा पड़ी गैनी।
सुलैमान की कुठड़ी मा पतरस को सन्देश
11जब उ पतरस अर यूहन्ना तैं पकड़ी के खड़ो हुयुं छो त सभि लोग बिजां हकदक हवे के उ ही जगह मा जु राजा सुलैमान की कुठड़ी बुल्दा छा ऊंमा भागि के ऐनी। 12यु देखि के पतरस ल लुखुं मा बोलि, “हे इस्राएलियों तुम यु मनिख देखि के किलै हकदक हूंणा अर तुम हम जनै इन कै किलै घुरणा छा कि जन हम ल यु तैं अपड़ी सामर्थ या भक्ति से चलण-फिरण लैख बंणै हो?” 13अब्राहम कु परमेश्वर इसहाक कु परमेश्वर याकूब कु परमेश्वर छौं हमारा बापदादा का परमेश्वर अपड़ा सेवक यीशु कि महिमा कैरी पर तुम ल वे तैं मरणु कु अधिकारियों का हथ मा सौंपे ली अर जब पिलातुस ल वे तैं छोडणो विचार कैरी तब तुम ल वेका संमणी वेको इंकार कैरी। 14तुम ल वे पवित्र अर धर्मी को इंकार कैरी अर बिनती कैरी की एक हत्यारो तुम कु छुड़े जौं 15अर तुम ल अनन्त जीवन को श्रोत तैं मारि डाली जै तैं पिता परमेश्वर ल मुर्दों मा बट्टी ज्यूँदो कैरी अर ईं बात का हम गवाह छा। 16यीशु का नौं मा विश्वास का कारण यु आदिम को जै तैं तुम जंणदा छा जै तैं तुम दिखणां छा शक्ति दिए गै। यु आदिम यीशु का नौं से अर यीशु मा विश्वास का कारण बिल्कुल ठिक अर चंगा हवे गै जन कि तुम अफी देख सकदियां।
17और अब, “हे विश्वासी भयों, मि जंणदु छौं कि जब तुम ल अर तुम्हरा अगुवों ल यीशु तैं मार डाली तुम तैं नि पता छों की उ मसीह छो। 18पर जौं बातों तैं परमेश्वर का तरपां बट्टी बुल्ण वलो का मुक बट्टी पैली ही पिता परमेश्वर ल बतयले छो कि वेको मसीह दुःख उठालो अर वेल ऊं बातों जु तुम ल कैरी वेका द्वारा वेल वे तैं सच कैरी दिखै। 19इलै अपड़ा मन फिरावा अर परमेश्वर की तरपां वापिस लौटि के ऐ जावा कि तुमारा पाप मिटये जौनु जन कै प्रभु कि तरपां बट्टी शान्ति अर चैन का दिन औंणु, 20अर उ यीशु तैं भेजु जु तुम कु पैली बट्टी मसीह ठैरय्युं च। 21यीशु तैं स्वर्ग मा वीं बगत तक रखण जरूरी च जब पिता परमेश्वर उ सभि चिज्युं तैं नयो बणै दयालो जु वे ल बणईं छिनी अर बहुत बगत पैली पिता परमेश्वर ल लुखुं तैं यूं बतौंणु कु परमेश्वर का तरपां बट्टी बुल्ण वलो का द्वारा इन कनु को सौ खै छै।” 22जन कि मूसा ल बोलि, प्रभु परमेश्वर तुमारा विश्वासी भयों मा बट्टी तुम कु मि जन एक परमेश्वर का तरपां बट्टी बुल्ण वलो भिजलो अर जु कुछ उ तुम बट्टी बुललो वेकी सुणयां। 23पर हर एक आदिम जु वे परमेश्वर का तरपां बट्टी बुल्ण वलो की नि सुणो त लुखुं मा बट्टी नाश कि यु जालो 24“अर पिता परमेश्वर का तरपां बट्टी बुल्ण वलो शमूएल बट्टी लेकर वेका बाद वलो तक जथग भि पिता परमेश्वर का तरपां बट्टी बुल्ण वलो ल बात कैरी ऊं सभियूं ल यु दिन को शुभ संदेश प्रचार द्ये। 25तुम सब परमेश्वर का तरपां बट्टी बुल्ण वलो कि सन्तान अर वीं करार का हकदार छा ज्वा पिता परमेश्वर ल तुमारा बाप-दादों बट्टी बंधि ‘जब वेल अब्राहम मा बोलि छो तेरु वंश का द्वारा धरती का सैरा घराना आशीष पौनु’ 26परमेश्वर ल यीशु तैं धरती मा पैली तुम मा भेजि कि तुम मा बट्टी हरेक तैं वेकी बुरै बट्टी फेरी के आशीष द्यो।”
Currently Selected:
प्रेरितों के काम 3: GHMNT
Highlight
Share
Copy
Want to have your highlights saved across all your devices? Sign up or sign in
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
