1 पतरस 2
2
चुणयूं ढुंगो अर वेका चुणयां लोग
1इलै, हर प्रकार का बुरा बरतौ बट्टी छुटकारा पै। दूसरों तैं धोखा नि द्या, कपटी नि बणा। दूसरों बट्टी नि फुकया; दुसरा लुखुं का विरुद्ध बुरी बात नि बोला। 2मि तुम्हरी तुलना नवजात छुटा बच्चा बट्टी करदु; एक नवजात छुटा बच्चा हमेशा अपड़ी ब्वे कु दूध ही चांद कि मजबूत बणौं; उन ही के जन तुम तैं भि पिता परमेश्वर का वचन सुनण की इच्छा हूंण चयणी च कि पिता परमेश्वर मा तुम्हरो विश्वास मजबूत हो अर तुम्हरो उद्धार हवे जौं। 3किलैकि जन कि पिता परमेश्वर को वचन बुल्द, “तुम ल अनुभव बट्टी जांणि की प्रभु भलो च।”#2:3 भज. 34:8 4-5अब तुम प्रभु यीशु का संमणी अयां छा। उ एक घौर का कूणा पर रखयां जरूरी ढुंगा का जन च, पर उ ज्यूँदो ढुंगा का जन च। कई लुखुं ल वे तैं अस्वीकार कैरेले छो, पर पिता परमेश्वर ल वे तैं चुणि अर वे तैं भौत अनमोल मणदो। अर जन के लोग ढुंगों ल घौर बंणौंदींनि, उन के ही पिता परमेश्वर तुम तैं एक दगड़ा मा एक झुण्ड मा जुड़णु च जै मा पिता परमेश्वर को आत्मा रौंद, कि जु यीशु मसीह ल हम कु कैरी, वेका द्वारा तुम ऊं याजकों का जन जु बलिदान चढ़ौदींनि, इन काम कैरा जु पिता परमेश्वर तैं खुश करदींनि।
6यु उन ही च जन पिता परमेश्वर का वचन मा लिख्युं च,
“देखा, मिल एक बहुमूल्य ढुंगो चुणि;
जु सिय्योन शहर मा घौर तैं मजबूत बनांणु कु इस्तेमाल किये जंदींनि। जु कुई भि वे पर विश्वास करदो, उ लज्जित नि होलो।”#2:6 यशा. 28:16
7यु ढुंगो तुम कु भौत कीमत च जु यीशु मसीह पर विश्वास करदींनि। पर जु लोग वे पर विश्वास नि करदींनि,
ऊंका बारा मा पिता परमेश्वर कु वचन बुल्द कि, “राजमिस्त्रियों ल जै ढुंगो कु इस्तेमाल कन से मना कैरी दींनि,
वीं इमारत की नींव मा सबसे जरूरी ढुंगो बंणि गै।”#2:7 भज. 118:22, दानि. 2:34,35
8अर फिर पिता परमेश्वर कु वचन यु बुल्द, “यु ढुंगो लुखुं का ठोकर खांण को कारण होलो। य एक चट्टान जु ऊंको लमडणो को कारण होलो।” उ इन कै लम्ड़दींनि किलैकि उ पिता परमेश्वर का संदेश तैं मनणु से इंकार करदींनि। पिता परमेश्वर ल ऊं दगड़ी य ही योजना बणै।#2:8 1 कुरि. 1:23, यशा. 8:14,15 9पर तुम इन नि छा किलैकि तुम पिता परमेश्वर का चुणयां लोग छा, तुम पिता परमेश्वर का याजक छा, जु राजा च तुम पिता परमेश्वर से जुड़िया लोग छा वेल तुम तैं अंधेरा बट्टी अपड़ी अद्भुत उज्यला मा बुलै, कि तुम पिता परमेश्वर का अद्भुत कामों का बारा मा बतै साका।#2:9 निर्ग. 19:5,6, व्य. 7:6, व्य. 14:2, यशा. 9:2
10(पिता परमेश्वर का तरपां बट्टी बुल्ण वलो होशे ल जु लिख्युं च उ तुम्हरा बारा मा सच च।) एक बगत पैली तुम पिता परमेश्वर का लोग नि छा,
पर अब तुम पिता परमेश्वर का लोग छा;
पैली तुम पिता परमेश्वर की दया तैं नि जंणदा छा
पर अब तुम यु तैं जंणदा छा किलैकि वेल पैली बट्टी ही तुम पर अपड़ी दया दिखै।#2:10 होशे 1:10, होशे 2:23
पिता परमेश्वर कु जींण
11हे प्रियों मि तुम बट्टी बिनती कनु छो कि तुम ई दुनिया मा परदेसियों अर यात्रियों का जन रौंणा छा। मि तुम बट्टी बिनती कनु छो कि ऊं सैरी पापमय शारीरिक इच्छाओं बट्टी बचा किलैकि उ तुम्हरा अपड़ा आत्मा का विरुद्ध हमेशा लड़दी रौंद।#2:11 गला. 5:24, 1 पत. 4:2 12जु लोग पिता परमेश्वर पर विश्वास नि करदींनि उ तुम पर यु बोलि के गलत भंगार लगै सकदींनि की तुम्हरा काम बुरा छिनी। इलै तुम तैं अपड़ा बरतौ का बारा मा चौकस रांण चयणु च, कि उ तुम्हरा अच्छा बरतौ तैं देखि साका। बाद मा उ स्वीकार करला कि तुम्हरो बरतौ अच्छो च अर जै दिन पिता परमेश्वर दुनिया कु न्याय कनु कु आलो वे दिन परमेश्वर की महिमा करला।#2:12 मत्ती 5:16, तीतु. 2:7-8
अधिकारियों का अधीन रांण
13प्रभु यीशु कु आदर कनु कु तुम तैं ऊं सभि आज्ञाओं को पालन कन चयणु च जु ईं दुनिया मा अधिकारी छिनी; मतलब, राजा जु की सबसे जरूरी अधिकारी च, 14अर राज्यपालों का, जौं तैं ऊंका राजाओं का द्वारा नियुक्त किये जांद। ऊं तैं ऊं लुखुं तैं दण्ड दींण कु भिजे जांद जु गलत करदींनि अर ऊं लुखुं का सम्मान कनु कु जु सै करदींनि। 15किलैकि पिता परमेश्वर की य इच्छा च, कि हमारा अच्छा बरतौ का द्वारा, जु लोग पिता परमेश्वर तैं नि जणदींनि, उ अगनैं कु हम पर गलत ढंग से भंगार लगौंण की हिम्मत नि कैरा, किलैकि य बात साफ च की ऊंका झूठा भंगार सच नि च। 16तुम कु इन कुई भि नि च जु तुम तैं उ कन से रोक साको जु तुम कन चदयां किलैकि तुम हमारा प्रभु यीशु मसीह का द्वारा पैली ही आजाद करे ग्यां। पर बुरा काम कनु कु यु तैं एक बहाना नि बणा। पर तुम तैं अपड़ा कामों का द्वारा दिखांण चयणु च कि तुम सच मा पिता परमेश्वर का सेवक छा। 17सभियूं को आदर कैरा, अपड़ा सभि दगड़िया विश्वासियों बट्टी प्रेम रखा, पिता परमेश्वर बट्टी डैरा, राजा को सम्मान कैरा।#2:17 नीति. 24:21, रोम. 12:10
मसीह कु दुःख को उदाहरण
18हे सेवकों, तुम जु घौर मा काम करदा, जु विश्वासी छा, तुम तैं अपड़ा स्वामी की आज्ञाओं कु पालन कन चयणु च अर हमेशा ऊंको सम्मान कन चयणु च। इन हर ढंग का स्वामी का दगड़ी कैरा चाहे उ दयालु अर सही हो अर या क्रूर हों। 19किलैकि जु हम दुःख सौंदा चाहे हमारी कुई गलती न हो, पर हम भस इलै सौंदा किलैकि हम जंणदा कि पिता परमेश्वर सभि कुछ जंणदु च, त पिता परमेश्वर हम बट्टी खुश हूंद। 20पर जु तुम तैं गलत कनु कु पिटे जांद, त दण्ड मिलण पर धीरज रखण मा तुम्हरी प्रशंसा कनु कु कुई कारण नि च। पर जु भलै कना का कारण तुम दुःख सौंदयां अर धीरज रखदां, त पिता परमेश्वर खुश हूंद। 21पिता परमेश्वर का द्वारा तुम तैं बुलै अर चुणै जांण का कारणों मा बट्टी एक कारण यु च कि तुम वेको दुःख सै लिला तुम वेको भला काम कैरी के दुःख सहन करदा। मसीह, जैल तुम कु दुःख सै, उ तुम कु एक उदाहरण च। इलै तुम तैं उन ही काम कन चयणु च जन मसीह ल कैरी।
22पिता परमेश्वर को वचन बुल्द कि, “मसीह ल कभी पाप नि कैरी,
मसीह ल कभी कुई झूठ नि बोलि।”#2:22 यशा. 53:9, 2 कुरि. 5:21
23जब लुखुं ल यीशु को अपमान कैरी, त यीशु ल पलटी के ऊंको अपमान नि कैरी। जब लुखुं ल वे तैं दुःख द्ये, त वेल बदला मा ऊं तैं चोट पौछांणै की कोशिश नि कैरी। बल्कि, यीशु ल अपड़ी मदद कु पिता परमेश्वर पर विश्वास कैरी। उ जंणदु छो कि पिता परमेश्वर हमेशा न्यायपूर्ण ढंग से लुखुं को न्याय करद।#2:23 यशा. 53:7, 1 पत. 4:19 24जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां#2:24 यशा. 53:4-5,12, गला. 3:13 25एक बगत पैली, तुम ढिबरों का जन छा जु गलत रस्ता पर जांणि छै जौनु अपड़ो रस्ता हरचै दींनि; पर अब तुम मसीह मा लौटि अयां जु तुम्हरा आत्मा को चरवाहा (अध्यक्ष) अर रखवलो च।#2:25 यशा. 53:6, यहे. 34:5-6
Currently Selected:
1 पतरस 2: GHMNT
Highlight
Share
Copy
Want to have your highlights saved across all your devices? Sign up or sign in
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
