Yowaho 9
9
Noko amosare‑ya Yeso nakitame
1Maki wade‑ya noko amosare, yama‑ya awaremarine. Yeso oda eyehe yakane, maki oda awa, oda ati yanana,
2“Ayo, ebeni‑ke ene maki yama‑ya awarati? Badi, madi mai na, mai ihi toha, hini ene toha ne awane. Ebeni‑ke ene tohati?” Yeso‑ya oda da‑daba oda ati namaroni.
3“Mai ihi tohi awirini. Deoso ene dai awebona ene maki yama‑ya awaremarine.
4Yama tehe‑ya owa‑ya yose‑mari‑ka yama anini ai aninahi. Yama soki kobonabone, yama soki‑ya yama ai anirani, yama ai awararo.
5Bofe‑ya owina, dai nafi‑ka yama wahi‑nima oneni, yama dai watabonehe.” Yeso ati nemarine.
6Hiyari hawa tohe, wami ime‑ya firone, atabo‑ya maki noko‑ya ketehe, ati yanane,
7“Sirowe faha‑ya tikamiya, tiwa noko sokotiyahi.” Yeso ati nemarine.
“Sirowe faha” ai ati‑ka oni “yosene faha” toha, fara‑ya toke, noko‑ya sokone, yama‑ya awawahe, tokomematane.
8Maki‑ya hika mai awa,
“Yama‑ya haanemari, fare amanaraniha?” Mai ati nameteni.
9“Fare amane.” Mai one ati nihi,
“Bare amane. Yama‑ya aware‑nima nane.” Mai one ati nihi na,
“Fara ama·oni. Yama oawaramaro, oawawahineni.” Maki ati nematane.
10“Hini yamata ihi yama tiawawahiti?” Mai ati nameteni.
11“Yeso atabo‑ya wamane, owa noko‑ya atabo‑ya hidine, owa‑ya yose, Sirowe faha‑ya owa noko soko·onabone ati ne, Sirowe‑ya owa noko soko oha, yama oawawahani.” Ati nematane.
12“Fai‑ra?” Mai ati na,
“Owato awire.” Maki ati nematane.
13Maki noko amosawame fariseo mai‑ya mai hiwakamematane.
14Sabado‑ya Yeso atabo‑ya wamane, maki‑ya nakitamemarine.
15“Hini yamata ihi yama‑ya tiawawahati?” Fariseo mai ati na,
“Maki atabo‑ya owa noko‑ya hidine, owa noko soko oha, yama oawawahani.” Maki ati nematane.
16“Maki Deoso‑ka tohare awane, Deoso‑ka mai toha sabado‑ya yama‑ya mai aniterani.” Fariseo mai one ati na,
“Ati kasiro awire awane, ene kite, Deoso hikasomare‑mana, ene kitare nane.” Fariseo mai one ati na, mai ibi weenameteni.
17Noko amosawame‑ya mai hiyara,
“Tiwa‑ya nakitame hini yamata‑nima tiwatibodi ati niti?” Mai ati na,
“Deoso ati‑ya mi‑mita tohe awane.” Maki ati nematane.
18“Yama‑ya awaremona ati ne, keyehe‑ya hirine awane.” Oda‑ka hidi mai atibodi ati na,
Badi, madi, mai na, mai‑ya mai haanameteni, mai ati‑ya mai mitabonehe. Badi, madi mai kobona,
19“Tika dao amanaraniha? Wade, yama‑ya awaremata amane? Hini yamata ihi yama‑ya awawahiti?” Oda‑ka hidi mai ati na,
20“Hehe, oka dao amane. Wade‑ya yama‑ya awaremarine.
21Fai‑ya nakitame oda aware, oda wato awire. Oda‑ka ewe madehe tohamare, dai haanaho. Hini tamine‑ya kaminabisebonane.” Badi, madi mai na mai ati nameteni.
22Oda‑ka hidi mai‑ya mai nayofinameteni. Hibati‑ya oda‑ka hidi mai ati yanana,
“Yeso i‑di Deoso‑ka Ka‑kadika‑mona mai one ati na, Deoso‑ya mai hi‑hiyara‑ke yobe‑ya mai tokiyomamaraboneni.” Oda‑ka hidi mai ati nameteni.
23Mai ati tamine‑ya badi mai mita, mai kakomehe,
“Oda‑ka ewe madehe tohamare, dai haanaho.” Mai ati nameteni.
24Mai haahinamatase, kameya, mai hiyara,
“Maki ati kasiro oda watoneni. Deoso tinofiya, maki tinofaraboneni. Tiwati oda mitaboneni.” Mai ati nameteni.
25“Maki ati kasiro awane, yama owato awirini. Hibati‑ya yama oawaramaro; yama oawawaha, fara owatobisineni.” Ati nematane.
26“Hini yamata‑nima ene nati, tiwa‑ya nakitameri?” Mai ati nameteni.
27“Dai‑ya ohiyara, owati dai nofara, hini yamata‑bone owa‑ya dai haanamatasihi? Maki ati‑ya dai tokadabaharibaraniha?” Ati nematane.
28Maki kitame‑ya mai weena,
“Towe amatini. Maki ati tikadaba, i‑di Mose ati oda tokadababisateni.” Mai ati nameteni.
29“Mose‑ya Deoso hiyaremata oda watoneni. Ebeni‑kaya maki kakiti? Maki tamine oda wato awirini.” Mai ati nameteni.
30“Se! Maki kaki tamine dai watore, owa‑ya nakitame dai aware awane.
31Deoso ati‑ya mai tokadabara mai ati‑ya Deoso mitaterene. Deoso ati‑ya mai nofa, ati mai hikadaba hine mai ati‑ya Deoso mitabisatene.
32Hibati‑ya maki noko wadaremata‑ya ai owa nakitame tamine wadaterene.
33Deoso‑ka tohare‑mana, owa noko‑ya kasomare nane.” Maki kitame ati nematane.
34“Tiwadi awisari‑ya tiwa ene amosaramaro, towe amatini. Oda‑ya tikanawatoraboneni. Tikahi. Deoso‑ya oda hi‑hiyara‑ke yobe‑ya tikamakiriyahi.” Mai ati nameteni.
35Maki kitame mai‑ya sawimarebona mai ati na, mai ati tamine‑ya Yeso mite, tokomaki, hiwasi,
“Dai‑ka Ayo neme‑ke ati tinofiraniha?” Yeso ati nemarine.
36“Ebeni‑ke ai‑ka Ayo tohati, ati onofebonaha?” Kitame ati nemarine.
37“Hibayata dai‑ka Ayo tiawane. Fara dai‑ka Ayo ama·oni.” Yeso ati nemarine.
38Yeso‑ya kahiyare,
“Ayo, tiwa onofa, tiwati onofahari neni.” Ati nemarine.
39“Bofe‑ya okemaroni, dai nafi ene okadikabonehe. Yama‑ya mai awaramaro, yama‑ya mai awawahaboneni. Yama‑ya mai ati awamaro, yama‑ya mai awami awiraboneni.” Yeso ati nemarine.
40Fariseo mai one Yeso ati‑ya mai mita, mai ati yanana,
“Yama oda awaramone tineni?” Mai ati namaroni.
41“Yama‑ya dai awara‑mani, dai ene manakone wadara neni. Yama dai awabisamone dai ati na, dai ene manakone wadanasa neni.” Yeso ati nemarine.
Currently Selected:
Yowaho 9: jaaNT
Highlight
Share
Copy
Want to have your highlights saved across all your devices? Sign up or sign in
