Yowaho 10
10
Kaneiro hidi i‑di Yeso amane
1Yeso mai‑ya kanawatobona mai‑ya hiyare,
“Owati amosabote dai mitahi. Kaneiro mai‑ya mai botebone, awa yara neme‑kaya mai tokiyomateni, kaneiro mai‑ka hidi mai‑ya awarebonaha.
2Kaneiro mai‑ka hidi awa yara nokobiri‑kaya tokiyomabisatene.
3Kaneiro mai nokobiri‑ya wa‑waa kaneiro mai‑ka hidi‑ya awe, nokobi‑ya seekane, mai‑ka hidi yananeya, kaneiro mai oni‑ya mai‑ka hidi haaneya, hidi‑ya mai tokomakiteni.
4Mai nafi fidotona, mai‑ka hidi dai tohe, nowati‑ya mai tokomakiteni, mai‑ka hidi ati‑ya mai wataro.
5Bara mai‑ya kaneiro mai tokomakiterani. Bara mai ati‑ya mai watora, mai kananibisateni.” Yeso ati nemarine.
6Kaneiro mai tamine‑ya Yeso hiyare, ati‑ya mai watoramaroni.
7Yama‑ya mai watowahabone, mai‑ya hiyaramatase,
“Owati amosabote dai mitahi. Kaneiro mai‑ka awa yara nokobiri ama·oni.
8Hibati‑ya mai kobona yama‑ya mai bo‑boti mai toha, kaneiro mai‑ya mai haana, mai ati‑ya kaneiro mai nofarameteni.
9Awa yara nokobiri ama·oni. Owa‑kaya mai tokiyomiya, mai sibaraboneni. Mai yobiniya, mai tafaboneni.
10Yama‑ya mai bo‑boti kaneiro mai tabori‑ya mai kakiya,
‘Awa yara bai onahabiya, kaneiro o·idiya, kaneiro onahababoneni.’ Mai atibodi ati teni.
Kaneiro mai abarabone, mai tabori‑ya okemaroni. Mai ya‑yaini nafebone, mai tabori‑ya okemaroni.
11Kaneiro mai‑ka hidi amosabote ama·oni. Oka kaneiro mai abarabone, o·ababisiya, yama sibaraboneni.” Yeso ati nemarine.
12Ai owa‑ka kaneiro mai‑ya ai owa nawade, kaneiro hidi tohare, yomahi yama‑ke kaneiro mai‑ya kakiya, kaneiro mai‑ya nawade kananeya, yomahi yama‑ke kaneiro mai‑ya kananihi, mai fawateni.
13Hika yama anini manakone‑ya nokotonibise, kaneiro mai‑ya nofare, bani hame koboneya, kanatene.
14Kaneiro mai‑ka hidi amosabote ama·oni. Oka kaneiro mai owato, owa‑ya mai watohari nineni.
15Okobi owato, owa‑ya watohari ne. O·ababisaboneni, oka mai hasinabonehe.
16Mai tabori one‑ya oka kaneiro mai one toha, mai onakamaboneni. Owati‑ya mai mitaboneni. Oka kaneiro mai one‑ya mai yoro·okanihebone, mai‑ya na‑nawada owa hare boneni.
17O·abiya, yama sibarini, okitamatasabone ona, fara ihi Okobi owa‑ya nofi nafine.
18Owa‑ya mai ati nanahaba, mai‑ya owati bariraboneni. Mai‑ya owati bariniya, owa‑ya mai nanahabi awiraboneni. Owati aba, o·aba, owati kitama, okitama onaboneni. Okobi ati‑nima owa ene naboneni.” Yeso ati nemarine.
19Yeso ati‑ya oda‑ka hidi mai mita, mai ibi weenamatasa,
20“Yeso ka‑kana amane. Madi towe foye ene ati amane. Ati dai nofarayaho.” Mai one ati nihi,
21“Madi towe sawi‑ke haa‑nima ai ene terani. Madi towe ai owa noko‑ya kasomaterene.” Mai one ati nihi namaroni.
Deoso ama·oni Yeso ati ne
22Deoso‑ka yobe awawami hawa tohemata tamine‑ya oda kadikabone, Yerosare‑ya oda marinamaroni.
23Sire bofe‑ya oda marinamaroni. Deoso‑ka yobe‑ya Yeso yakane, yobe webote fowari‑ya Saromaho‑ka yobe waari, fare‑ya Yeso yakanemarine.
24Yeso ati‑ya oda‑ka hidi mai mitabone, mai yorotokana,
“Yeso, tiwati amosahi. Deoso‑ka Ka‑kadika amatini, tiwa tamine oda‑ya tikaminahi.” Mai ati namaroni.
25“Hibati‑ya owa tamine‑ya dai‑ya okamina, owati dai nofarani. Owa ene kitabote dai awakarini? Okobi ene owa ene kitabote tohani.
26Oka kaneiro dai tohara ihi owati dai nofarani.
27Oka kaneiro mai owatoni. Owati‑ya mai nofa, owa‑ya mai tokomakiteni.
28 # 10:28 “Mai hasinabone” yama hani ati na, Deoso tabaro‑ya mai ya‑yaini fawaterabone tamine amani. Owa ene oka mai hasinabone, mai abateraboneni. Owa yehe doro‑ya oka mai onawada, mai‑ya mai kahiditeraboneni.
29 # 10:28-29 Deoso, Yeso mai yahi dori‑ya ai toha yama hani ati na, ai‑ya mai kayawa tamine amani. Owa‑ya Okobi mai‑ya daane. Okobi kitabote amane. Mai one kitaterani, Okobi yehe doro‑ya mai toha, mai‑ya mai kahiditerani.
30Okobi oda oharineni.” Yeso ati nemarine.
31Yeso ati‑ya oda‑ka hidi mai mita, yati‑ya mai one yabamaroni, Yeso‑ya mai nanahababonehe.
32“Deoso ene owa ene amosa, owa ene kitabote amani. Owa ene dai awamaro, owa‑ya dai ati nanahabi‑ka dai yofikanahi.” Yeso ati nemarine.
33“Tiwa ene amosa sibarini. Oda owa amatini. ‘Deoso ama·oni.’ Tina, hini tiwati ihi tiwa oda nanahababoneni, yati‑ya.” Mai ati namaroni.
34“‘Deoso dai‑mone oneni.’ Deoso‑ka yama hani ati na,
35Deoso‑ka yama hani keyehe‑ya hiriterani. Bofe‑ka mai‑ya Deoso hiyaremata, deoso dai‑mone Deoso ati nematamonane.
36Okobi owa‑ya kayawe, owa‑ya yosemarine, bofe‑ya okebonehe.
‘Deoso Bidi ama·oni.’ Ona.
Owati kasiramone dai ati neni, dai yawaro. Hini yamata ihi dai yawiti?
37Deoso ene‑nima owa ene ra‑mani, owati dai nofariya, yama sibara neni.
38Deoso ene‑nima owa ene nibisa, owati dai nofara, owa ene dai nofabisahi. Okobi oda famateni. Owa ene dai nofiya, Okobi oda‑ya dai watowahaboneni.” Yeso ati nemarine.
39Yeso‑ya mai watabone, hiniya Yeso tokemarine.
40Yodaho Faha‑ya Yeso berenawahe, hibati‑ya i‑di Yowaho mai‑ya habanirisa‑mari‑kaya toke, winawahemarine.
41Yeso‑ya mai dama mai kamake,
“Yowaho Batita ene kitare, Yeso tamine‑ya hiyare, fare ati‑nima Yeso nane.” Mai ati namaroni.
42Yeso ati‑ya mai dama mai nofawahamaroni.
Currently Selected:
Yowaho 10: jaaNT
Highlight
Share
Copy
Want to have your highlights saved across all your devices? Sign up or sign in
