Na Sailm 95
95
Salm 95.
Venite, exultemus.
1Téanam go gcanaimid don Tiarna: go líona cumhacht ár slánaithe ár gcroí dʼáthas.
2Tagaimis ina láthair le haltú: taispeánadh ár sailm ár lúcháir roimhe.
3Óir is Dia mór an Tiarna: agus is Rí mór os cionn na ndéithe go léir é.
4Is ina láimh atá cuasa uile an talaimh: agus is leis mar an gcéanna cumhacht na gcnoc.
5Is leis an mhuir, agus is é a rinne í: is iad a lámha a dhealbhaigh an talamh.
6Téanam go n‑adhraimid agus go n‑umhlaímid: agus go bhfeacaimid glún roimh an Tiarna a chruthaigh sinn.
7Óir is é an Tiarna é, ár nDia féin: agus is é atá ionainn, pobal a pháirce, agus caoirigh a láimhe.
8Más inniu a éistfeas sibh lena ghlór, ná cruaigí bhur gcroí: mar tharla in am fadaithe na feirge, agus an lá a cuireadh an cathú air san fhásach.
9Nuair a chuir bhur sinsear cathú orm: nuair a dhearbhaíodar mé aʼs a chonaiceadar mʼfhearta.
10Is ar feadh daichead bliain bhí mé do mo chrá ag an nglúin seo: go dtí go ndúirt mé: Is ag an bpobal seo atá an croí claon, ó nach eol dóibh mo shlite.
11Gur mhionnaigh mé dóibh im fhearg: nach ligfí iad isteach i mo shuaimhneas‑sa.
Currently Selected:
Na Sailm 95: OC1965
Highlight
Share
Copy
Want to have your highlights saved across all your devices? Sign up or sign in
© Cumann Gaelach na hEaglaise (Irish Guild of the Church) 1965
