Na Sailm 96
96
Salm 96.
Cantate Domino.
1Canaigí don Tiarna amhrán úrnua: canaigí don Tiarna, a dhomhain uile.
2Canaigí don Tiarna, agus molaigí a Ainm: bígí ag insint a shlánaithe ó lá go lá.
3Nochtaigí a onóir do na págánaigh: agus a iontais do na daoine go léir.
4Óir tá an Tiarna chomh mór sin nach féidir a mholadh mar is cóir: is mó ineaglaithe é ná a bhfuil de dhéithe ann.
5Níl i ndéithe uile na bpágánach ach lámhdhéithe: ach is é an Tiarna a rinne na neamha.
6Bíonn an ghlóir agus an gradam os a choinne: bíonn an chumhacht agus an onóir ina shanctóir.
7Luaigí leis an Tiarna, a aicmí na ndaoine: luaigí leis an Tiarna gradam agus cumhacht.
8Tugaigí don Tiarna an onóir is dual dá Ainm: tugaigí tabhartais libh agus tagaigí isteach ina chúirteanna.
9Adhraigí an Tiarna go hálainn naofa: bíodh a uamhan ar an domhan uile.
10Insígí i measc na bpágánach gurb é an Tiarna is Rí ann: agus gurb é a dhaingnigh an chruinne go nach féidir a corraí; agus conas a thabharfaidh sé breithiúnas fíréanta ar na daoine.
11Bíodh lúcháir ar na neamha, agus áthas ar an talamh: tógadh an mhuir agus a bhfuil inti gáir.
12Bíodh lúcháir ar an machaire agus a bhfuil air: beidh átas ar chrainn uile na coille roimh an Tiarna.
13Óir tá sé ag teacht, ag teacht le breithiúnas a thabhairt ar an talamh: le breithiúnas fíréanta a thabhairt ar an domhan, agus breithiúnas fírinneach a thabhairt ar na daoine.
Currently Selected:
Na Sailm 96: OC1965
Highlight
Share
Copy
Want to have your highlights saved across all your devices? Sign up or sign in
© Cumann Gaelach na hEaglaise (Irish Guild of the Church) 1965
