Kărdimata Le Apostolengă 10
10
O sutašo Kornelio.
1Ande Čezarea sas khă manuši le anavesa Korneliu, baro pa ăkh šell kătane andoa kîrdo le kătanengo dinoanau „Italiano.”
2O manuši kadoa sas pateamno darano le Devllestar, andekhthan sa pehkă khărăsa. O kărălas but mištimata le norodohkă, thai rudilas pe orkana le Devllehkă.#Vers. 22, 35. Cap. 8.2; 22.12.
3Koa čeaso le îniango andoa des, dikhlea orta ande khă dičimos sunehko khă înjero le Devllehko kă šutea pe leste, thai phendea lehkă: „Kornelona!”#Vers. 30. Cap. 11.13.
4O Kornelio dikhlea orta pe leste, darai'lo, thai dea anglal: „So sî, Raia?” Thai o înjero phendea lehkă: „Le rudimata thai le mištimata tiră ankliste angloa Dell, thai O andea pehkă godi lendar.
5Trade akana varesar manuši ando Iope, thai akhar le Simonos, phendino i Petro.
6O bešel ka ăkh manuši, dinoanau Simono o morčeari, savehko khăr sî paša e marea: kodoa phenela tukă so trăbul te kărăs.”#Cap. 9.43; 11.14.
7Sar teleardea o înjero, kai delas duma lesa, o Kornelio akhardea dui anda lehkă kanditorea, thai ăkh kătana pateamni anda kukola kai kandenas les ande soa čiro;
8thai, pala so phendea lengă sa, tradea le ando Iope.
O Kornelio amboldino koa Dell.
9O duito des, kana sas po drom thai pašonas la četateatar, o Petro ankăsto te rudil pe opră po khăr, kam karing o čeaso le šovengo.#Cap. 11.5, etc.
10Arăslea les e bokh, thai kamblea te xal. Ta kana lašarălaspe lehkă o xabe, pelo ande khă čiordimos lindrako.
11Dikhlea o čerii pîtărdo, thai khă vaso sar ăkh mui baro skafideako, phanglini ande kola štar kolçuri, ulindoi thai pelindoi tele pe phuw.#Cap. 7.56. Sîk. 19.11.
12Ande late sas sako moda juvindimatăngo štară pînŕănça thai çîrditoare phuweakă thai le čiriklea le čerehkă.
13Thai khă mui phendea lehkă: „Petre, ušti, šin thai xa.”
14„Čiăkdata, Raia”, dea anglal o Petro. „Kă čiăkhdata či xalem vareso marime thai biujo.”#Lev. 11.4; 20.25. Deut. 14.3, 7. Ezec. 4.14.
15Thai o mui phendea lehkă pale o duito data: „So ujeardea o Dell, te na desle anau marime.”#Vers. 28. Mat. 15.11. Rom. 14.14, 17, 20. 1Kor. 10.25. 1Tim. 4.4. Tit 1.15.
16E buti kadea kărdili trivarăs, thai andakh data pala kodea o vaso kodoa sas pale vazdino ando čerii.
17Ta kana o Petro či jeanelas so te pateal poa atearimos le dičimahko, kai sas les, dikta kă, le manuši tradine le Kornelostar, pušlindoi le khărăstar le Simonohko, bexšenas koa udar,
18thai pušline mosa zuralesa kana o Simono, phendino i Petro, bešel oče.
19Thai kana delas pe godi o Petro koa dičimos kodoa, o Duxo phendea lehkă: „Dikta kă roden tu trin manuši,#Cap. 11.12.
20ušti, uli, thai telear lença, bi ajukărimahko, kă Me tradem le.”#Cap. 15.7.
21Kadea kă o Petro ulisto, thai phendea le manušengă kodolengă: „Me sîm kodoa, kai roden les; sostar avilean?”
22On dine les anglal: „O Kornelio, baro pa khă šell kătane, manuši čeačio thai darano le Devllestar thai dino duma dă mišto sa le neamostar le Iudeiengo, phendea pe lehkă katoa Dell, andakh înjero sfînto, te akharăl tu ande pehko khăr, thai te ašunel le divanuri, kai phenesa lehkă le.”#Vers. 1, 2, etc. Cap. 22.13.
23Kadea kă o Petro akhardeale andră, thai dikhlea lendar.
24O duito des, ušti'lo, thai gălotar lença. Avile lesa varesar phral anda o Iope. Ando kolaver des arăsline ande Čezarea. O Kornelio ajukrălas le pehkă neamurença thai amalença dă pašal, kai akhardeasas le.#Vers. 4. Cap. 11.12.
25Kana sas te šol pe andră o Petro, o Kornelio, kai ankăstosas lehkă anglal, pelo ka lehkă pînŕă, thai rudisai'lo lehkă.
26Ta o Petro vazdea les, thai phendea: „Ušti, i me sîm khă manuši!”#Cap. 14.14, 15. Sîk. 19.10; 22.9.
27Thai dindoiduma lesa, šutea pe ando khăr thai arakhlea tidine buten.
28„Jeanen,” phendea lengă o, „kă nai meklino la Krisatar khă Iudeohkă te avel andekhthan avrăsa anda aver neamo, or te avel leste; ta o Dell sîkadea mangă te na phenau či khă manušehkă marime or biujo.#Cap. 11.3; 15.8, 9. Ioan 4.9; 18.28. Gal. 2.12, 14. Efes. 3.6.
29Anda kodea avilem bi te bandearau nakhăstar kana akhardean ma; pušau tume kadea, save gîndosa tradean pala mande?”
30O Kornelio deal les anglal: „Akana štar des, orta ande leaka kadea, rudiaus ma ande muŕo khăr koa čeaso le îniango; thai dikta kă bešlo angla mande khă manuši ande khă raxami kai străfealas,#Cap. 1.10. Mat. 28.3. Marko 16.5. Luka 24.4.
31Thai phendea: „Kornelona, o rudimos tiro sas ašundo, thai o Dell andea Pehkă godi sa le mištimatăndar tiră.#Vers. 4, etc. Dan. 10.12. Evr. 6.10.
32Trade varekas ando Iope, thai akhar le Simonos, phendino i Petro; o bešel ando khăr le Simonohko le morčearehko, pašai marea; kana avela o, dela tukă duma.”
33Tradem iekhatar pala tute, thai mišto kărdean kă avilean. Ta akana, saoŕă sam koče angloa Dell, kaste ašunas sa so mothodea tukă o Dell te phenes amengă.”
34Atunčera o Petro lea te del duma, thai phendea: „Ande čeačimaste, dikhau kă o Dell, na del rigate khanikas,#Deut. 10.17. 2Kron. 19.7. Iov 34.19. Rom. 2.11. Gal. 2.6. Efes. 6.9. Kol. 3.25. 1Pet. 1.17.
35ta kă ande orsao neamo, kon daral Lestar, thai kărăl buti bibezexalimahko sî primime Lestar.#Cap. 15.9. Rom. 2.13, 27; 3.22, 29; 10.12, 13. 1Kor. 12.13. Gal. 3.28. Efes. 2.18; 3.6.
36O tradea o Divano Pehko le šavengă le Israelohkărăngă, thai phendea lengă e LašiVestea la pačeati, ando Isuso Kristoso, kai sî o Rai saoŕăngo.#Is. 57.19. Mat. 28.18. Rom. 10.12. 1Kor. 15.27. Efes. 1.20, 22; 2.14, 16, 17. Kol. 1.20. 1Pet. 3.22. Sîk. 17.14; 19.16.
37Jeanen e orba phendini ande sai Iudea, lindoi andai Galilea, pala o boldimos dinoduma le Ioanostar;#Luka 4.14.
38sar o Dell makhlea le Sfîntone Duxosa thai zorasa le Isusos andoa Nazareto, kai phirălas than thaneste, kărălas mišto, sastearălas saoŕăn kai sas perade le bengăstar; kă o Dell sas Lesa.#Luka 4.14.#Cap. 2.22; 4.27. Luka 4.18. Ioan 3.2. Evr. 1.9.
39Ame sam le dikhlitorea ka sa so kărdea O ando čem le Iudeiengo thai ando Ierusalimo. On mudarde Les, karfindoi Les po kašt.#Cap. 2.20; 5.30.
40Ta o Dell juvindisardea Leso trito des, thai meklea te sîkadeol Pe,#Cap. 2.24.
41na koa soa norodo, ta amengă, le dikhlitorea alosarde mai anglal le Devllestar, amengă, kai xaleam thai pileam andekhthan Lesa, pala so juvindisardea anda le mulle.#Cap. 13.31. Luka 24.30, 43. Ioan 14.17, 22; 21.13.
42O Isus mothodea amengă te dasduma le norodohkă, thai te phenas kă O sas meklino le Devllestar o Krisînitorii kolengo le juvindengo thai i kolengă le mullengo.#Cap. 1.8; 17.31. Mat. 28.19, 20. Ioan 5.22, 27. Rom. 14.9, 10. 2Kor. 5.10. 2Tim. 4.1. 1Pet. 4.5.
43Sa le prooročea phenen pa Leste kă orkon pateal ande Leste, lel, ande Lehko Anau, o iertimos le bezexăngo.”#Cap. 15.9; 26.18, 22. Is. 53.11. Ier. 31.34. Dan. 9.24. Mika 7.18. Zax. 13.1. Mal. 4.2. Rom. 10.11. Gal. 3.22.
44Ta kana motholas o Petro le divanuri kadala, ulisto o Sfînto Duxo pa sa kukola kai ašunenas o Divano.#Cap. 4.31; 8.15-17; 11.15.
45Sa le pateamne šindineroata, kai avilesas le Petrosa, ašile mirime kana dikhline e pativ le Sfîntone Duxosti sar šordea pe pa le Neamuri.#Vers. 23. Cap. 11.18. Gal. 3.14.
46Kă ašunenas le dindoi duma andel šiba lăudindoi le Devlles. Atunči o Petro phendea:
47„Dašti te atărdeol o pai kaste na aven bolde kadala, kai line o Sfînto Duxo sar i Amenede?”#Cap. 11.17; 15.8, 9. Rom. 10.12.
48Thai mothodea te aven bolde ando Anau le Raiehko le Isus Kristosohko. Atunčeara rudisarde les te mai ašel varesar des lende.#Cap. 2.38; 8.16. 1Kron. 1.17.
Currently Selected:
Kărdimata Le Apostolengă 10: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
