मरकुस 6

नासरत म ईसु को निरादर

(मत्ती 13:53–58; लूका 4:16–30)

1इकै पाछै ईसु बि झघानै छोडर आपकी नगरी क मांयनै गयो। बिका चेला बी बिकै सागै हा। 2यहूदिआ का अरामहाळा दिन ईसु यहूदिआ का अरदास घर म गयो अर बठै परबचन सीखाबा लाग्यो। ईसु को परबचन सुणर लोग ताजूब म पड़गा। बे बोलबा लाग्या, “इकै कनै अ बाता कठैऊँ आई। अर इनै ओ कूणसो ज्ञान देयड़ो ह, अर ओ बडा-बडा चमत्कार कंय्यां करै ह? 3के ओ बोई खाती कोनी? जखो मरीयम को बेटो अर याकूब, युसूफ, यहूदा अर समोन को भाई ह। इकी भाणा आपणै सारैई कोनी रेह्‍वै के?” इ बजेऊँ बे लोग ईसु की कोनी सुणी। 4#यह 4:44ईसु बाऊँ बोल्यो, “परमेसर की खेबाळानै बिकी खुदकी भौम, रिस्तेदार अर परवारनै छोडर सगळी झघा मान मिलै ह।” 5अर बो बठै क्युंई चमत्कार कोनी कर सक्यो। पण क्युंक बिमारा प हात धर'र बानै ठिक कर्यो। 6बाका भेम की बजेऊँ ईसुनै बापै ताजूब होयो अर बो कनै का गाँवा म जातो अर सीखातो हो।

ईसु आपका बारा चेला भेज्यो

(मत्ती 10:5–15; लूका 9:1–6)

7ईसु आपका बारा चेलानै आपकै कनै बुलायो। अर बो बानै दो-दो जणानै बारनै भेजबा लाग्यो अर बो बानै सूगली ओपरी बलायानै काडबा को अधिकार दिओ। 8अर बानै हुकम दिओ, “थे थारी लाठीनै छोडर क्युंबी सागै मना लिओ नइ रोटी, नइ झोळी अर नइ बटूआ म रिपीआ 9थे लीतरा तो पेरल्यो पण दुसरो कुर्तो सागै मना लिओ। 10जिकै बी घरा थे जाओ बठैई बासो लेता रिह्यो जद ताँई थे बि नगरी म रेह्ओ। 11#काम 13:51#लूक 10:4–11अर कोई गाँव अर नगरी म थारी आवभगत नइ होवै जणा थे बि नगरी अर गाँवऊँ बारनै चल्या जाओ अर बाकै खिलाप बानै चेताबा ताँई थे थारै पगा की धूळ बी बठैई झाड़ दिज्यो।”#6:11 आ इ बात की सेलाणी ह क अंय्यां कर चेला बाको इंकार करीं हीं। 12अर बे बठैऊँ जार पापऊँ तौबा करबा को हेलो पाड़्यो। 13#याकू 5:14अर बे घणीसारी ओपरी बलाय निकाळी अर घणासारा रोगलानै जेतून का तेलऊँ अभिसेक कर निरोगा कर्या।

बतिस्मो देबाळा यहून्ना की हत्या

(मत्ती 14:1–12; लूका 9:7–9)

14 # मत्त 16:14; मर 8:28; लूक 9:19 राजा हेरोद#6:14हेरोद अन्तिपास जखो गलिल को राजा हो अर म्हराज हेरोद को बेटो हो ईसु क बारां म सुण्यो, क्युं क ईसु की बाता सगळी झघा फेलगी ही। कई मिनख बोलता हा क, “पाणी को बतिस्मो देबाळो यहून्ना मरेड़ा मऊँ ओज्यु जिंदो होगो। इ बजेऊँ बिकै मांयनै चमत्कारी सक्‍ति काम करै ह।” 15पण कई बोलता हा क, “बो एलिआ#6:15ओ एक अंय्यां को मिनख हो जखो ईसु का टेमऊँ सेकड़ो बरसा पेली परमेसर की खेबाळो होयो हो। ह।” अर कई बोलता हा क, “ओ कोई पुराणा टेम को परमेसर की खेबाळा की जंय्यां को एक ह।” 16पण हेरोद बिकै बारां म सुण्यो जणा बो बोल्यो, “ओ तो यहून्ना ह जिको सीर म कटवा दिओ हो, ओ ओज्यु जिंदो होगो।” 17#लूक 3:19,20हेरोदिआस क खया म आर हेरोद राजा खुदका सिपाईड़ानै भेजर यहून्नानै बांदके कोठड़ी म गिरवा दिओ। क्युं क हेरोद आपका भाई पिळीपुस क जिंदा होतासोता बिकी लूगाई हेरोदिआसऊँ ब्या कर लिआ हो। 18इ बजेऊँ यहून्ना हेरोदनै ओळमो दिओ क, “तू जखो अंय्यां को काम कर्यो ह ओ ठिक कोनी ह। तू तेरा भाई की लूगाईनै ब्याली ह।” 19इ बजेऊँ हेरोदिआ यहून्नाऊँ बेर राखबा लागी। अर चाती ही क यहून्ना मार्यो जावै। पण बा बिनै मार कोनी सकी। 20क्युं क हेरोद राजा यहून्नाऊँ डरतो हो। अर जाणतो हो क यहून्ना एक परमेसर को खरो अर धरमी मिनख ह। इ बजेऊँ बो बिकी रूखाळी करतो हो। अर हेरोद यहून्ना की बातानै सुणर बोळो घबरातो हो। इकै पाछै बी बिनै यहून्ना की बाता चोखी लागती ही।

21कुदरती हेरोदिआस क हात अंय्यां को मोको लाग्यो क एक दिन ओ हेरोद राजा खुदका जलमदिन प दरबारिआनै, सेनापत्यानै अर गलिल का मान्या-थान्या मिनखानै बुलायो। 22बि दिन हेरोदिआस की छोरी (बेटी) बठै आई अर नाचर, जिमबा आया सगळा मिनखानै अर राजा हेरोदनै राजी कर दि। इ बजेऊँ राजा बिनै बोल्यो, “माँग तू काँई चावै ह जखो तू माँगसी म तनै देस्युँ।” 23बो बचन देर बिनै बोल्यो, “तू माँग! ज तू मेरो आदो राजपाट बी माँगसी जणा म तनै दे देस्युँ।” 24अर बा आपकी माँ क कनै गई अर बिऊँ बुजबा लागी, “मनै काँई माँगबो चाए?” बिकी माँ बिनै बोली, “पाणी को बतिस्मो देबाळा यहून्ना को सीर।” 25अर बा तावळिसी भागर राजा क कनै गई अर बा राजाऊँ बोली, “मनै बतिस्मो देबाळा यहून्ना को सीर कटवार थाळी म धर'र इबकी स्यात दिओ जावै।” 26इ बातनै सुणर राजा बोळो दुखी होयो। पण हेरोद राजा होबा की बजेऊँ आपकी जबान अर म्हेमाना की बजेऊँ बो आपकी बेटीनै मना कोनी कर सक्यो। 27अर राजा एक जलादनै हुकम दिओ क बो यहून्ना को सीर का'टर ल्यावै। 28अर बो जलाद कोठड़ी क मांयनै गयो अर यहून्ना को सीर का'टर बिनै थाळी म धर बि छोरीनै दिओ। अर बा छोरी बिनै आपकी माँनै देदि। 29अर यहून्ना का चेला जद इ बात क बारां म सुण्या जणा बे बठै आर बिकी लासनै लेज्यार बिनै एक कबर क मांयनै धर दि।

चेला को ओज्यु आबो अर सुनसान झघा म जाबो

(मत्ती 14:13–21; लूका 9:10–17; यहून्ना 6:1–14)

30भेजेड़ा चेला भेळा होर ईसु कनै आया। अर जोक्यु बे कर्या अर सीखाया हा बो बिनै सक्यु खे सुणायो। 31बाकन मिनखा को रेळो लागर्यो हो। अर बानै रोटी खाबा को बी ओसाण कोनी हो। इ बजेऊँ ईसु बानै ओडायो, “आओ ल्यो आपा कोई उजाड़ म जार अराम करल्याँ।” 32बे न्याव म चढर उजाड़ म चलेग्या।

पाच झार मिनखा को पेट भर्यो

33बानै जाता देख लोग बानै पिछाण्गा अर सगळी नगर्या का मिनख भेळा होर भागर बिकै अगाऊ बठै पुग्या। 34#मत्त 9:36जद ईसु न्यावऊँ किनारै प उतर्या जणा बे भीड़नै सामै खड़ी देखी। बानै बि भीड़ प तरस आयो क्युं क बे बि लल्डी की जंय्यां हा, जिको गुवाळ्यो कोनी होवै। अर ईसु बानै घणी सारकी बाता सीखाबा लाग्यो।

35अर जद दिन आथबा लाग्यो जणा ईसु का चेला बिकन आर बोल्या, “आ तो उजाड़ ह अर मोड़ो बी बोळो होगो। 36इ ताँई तू आ मिनखानै बिदा कर दे जिऊँ बे कनै का गाँव बसत्या म जार खुद ताँई रोटी मोल ले सकीं।” 37बो बाऊँ बोल्यो, “थेई आनै खाबा ताँई द्‍यो।” बे बिऊँ बोल्या, “के म्हें दो सो दिनारा#6:37दो सो दिनार को मतबल होवै ह लगभग आठ म्हेना की मजुरी की रोटी मोल लेर आवां अर बानै खुवावां?” 38ईसु बाऊँ बोल्यो, “जाओ अर देखो थारै कनै कत्ती रोटी ह।” अर बे बेरोपाड़र बिनै बताया क म्हारै कनै पाच रोटी अर दो मछी ह। 39अर बो बानै हुकम दिओ क सगळानै घास प पंगत म बिठा द्‍यो। 40अर बे सो-सो की अर पचास-पचास की पंगता बणार बेठगा। 41ईसु पाच रोटी अर दो मछीनै हात म लिओ अर ईस्बर नगरी कानि देखर परमेसर को धनेवाद कर्यो, अर बिकै पाछै बो रोट्या ली अर रोट्या का टुक-टुक कर चेलानै देतो गयो, जिऊँ बे मिनखानै जिमा सकै अर बा दो मछ्यानै बी बा सगळा म बाट दि। 42सगळा जणा खार धापगा। 43बिकै पाछै बी रोट्या अर मछ्याऊँ भरेड़ा बारा चोल्या बचगा। 44रोटी खाबाळा म पाच झार तो मोट्यार-मोट्यार हा।

ईसु पाणी प पगा चाल्यो

(मत्ती 14:22–33; यहून्ना 6:15–21)

45ईसु चेलानै बोल्यो क, “तावळासा न्याव म चढ ज्याओ अर बेतसदा जखो दरिआव क परलै नाकै ह बठै मेरूँ अगाऊ पुगो अर म आनै बिदा कर आऊँ हूँ।” 46बानै बिदा कर ईसु डूँगर प अरदास करबा चलेगो। 47अर दिन आथगो, न्याव दरिआव क बिचमै ही, जद ईसु किनारा प एकलो हो। 48अर ईसु देख्यो क चेला न्याव चलाता-चलाता सांस फुलगा हीं। क्युं क सामै की भाळ चालरी ही ईसु भागपाट्या दरिआव प चालतो होयो बाकन आयो अर बो बाऊँ अगाऊ जाबो चावै हो। 49पण बे बिनै दरिआव प चालतो देखर बिचार्या, “ओ तो भूत ह” अर बे कूकबा लाग्या। 50क्युं क बे सगळा बिनै देखर डरग्या। पण ईसु तावळोसो बाऊँ बाता कर्यो अर बोल्यो, “हिमत राखो, म हूँ, डरो मना।” 51अर बो बाकन न्याव प गयो अर भाळ थमगी अर बे ताजूब करबा लाग्या। 52अर बाकै रोट्या क चमत्कार क बारां म बी कोनी पलै पड़ी क्युं क बाकी मती बंदरी ही।

गनेसरत म रोगलानै निरोगो करबो

(मत्ती 14:34–36)

53अर बे दरिआव पार कर गनेसरत नगरी का किनारा प पुग्या अर बठैई न्यावनै बांद दि। 54अर न्यावऊँ उतर ताँई लोग बिनै पिछाण्गा। 55अर सारै की बसत्या म भागर गया अर बठैका मिनखानै बताया बे रोगलानै खाटल्या म घालर बिकन ल्याया। 56ईसु जि गाँव, नगरी अर बसत्या म जातो हो लोग बठैई रोगलानै बजारा म ल्यार बिऊँ अरदास करता हा क बो बानै आपका गाबा की कोर क हात अड़ाबा दे अर जत्ता बी बिकै हात अड़ाता हा बे निरोगा होज्याता हा।

Currently Selected:

मरकुस 6: एस डब्लु वी

Highlight

Copy