Yohane 8

1mosa Dgiyaq curung ka Yesu. 2Mgrebu bale meyah dungal Sapah Thmkuwan ka Yesu ma mosa heya ka kana seediq. Kiya de tleung ka heya ma tmgesa dheya. 3Dmptpatis ma seediq Parisay we desun daha hiya ka mqedil qnerac daha nii gmeeguy msuupu. Kiya de phyegun daha ckceka daha. 4Rngagan daha ka Yesu: “Mptgesa, mqedil nii we qnerac daha ida nii msuupu hiya. 5Asi ka buun btunux ka so nii, mesa ka nkari gaya Moseh hiya. Isu de huwa su kesun ho?” 6Rmengo so nii ka dheya we ppseung daha heya ma aangal daha mege qnquwan heya. Kiya de tgthmuku matis dxeral tluding baga na ka Yesu. 7Kiya de ini psetuq smiling heya ka dheya, mtutuy ka Yesu ma rmengo dheya: “So ka uka qnquwan noda na ka ckceka namu we plaale cmebu btunux heya!” 8Kiya de thmuku dungal ma tluding baga na ka spatis na dxeral. 9Qbhangan daha ka so nii de prading peeyah rudan skingal wada mlatac hiya ka dheya. Mnsngari wano Yesu ma mqedil ga mheyu ida nniqan na hiya. 10Mtutuy ka Yesu ma rmengo heya: “Ga inu ka dheya da? Uka ka mege qnquwan noda su da ho?” 11“Bukung! Uka.” Rmengo ka Yesu: “Uxe ku mege qnquwan noda sunan ka yaku uri. Osa! Peeyah saya de iya ooda qnuuqu di!”

Ledax Bobo Dxeral ka Yesu

12Rmengo dungal dheya ka Yesu: “Yaku we ledax ku qnlangan. Smnegul kenan ka seediq we uxe mpkesa kuung, mpaangal ledax knuudus.” 13Rmengo heya ka seediq Parisay: “Isu we quri isu nanak ka spgkeela su. Uxe bale ba ka pnugkela su.” 14Cmiyuk dheya ka Yesu, rmengo: “Yaku we ani yaku nanak ka spgkeela mu we ida bale ba ka pnugkela mu na. Ado inu ka pnyahan mu ma inu ka saun mu we klaun mu. Yamu we ini namu klai ka pnyahan mu ma ssaun mu. 15Muyu namu ppsgeegan seediq psgao seediq ka yamu. Yaku we ini ku psgao ani ima. 16Ani ku psgao seediq we bale ba ka pnsgeegan mu. Ado uxe wano yaku ka gaga psgao. Smnkagul kenan we gaga msuupu psgeegan. 17Gaya namu we gaga matis so nii rui: ‘2 heyi ka pgkela we kika bale ba.’ 18Yaku we yaku nanak ka spgkela mu, kiya uri we niqan ka Tama smnkagul kenan we yaku ka spgkeela na uri.” 19Kiya de smiling heya ka dheya: “Ga inu ka Tama su?” Cmiyuk ka Yesu: “Ini namu kela kenan ma uxe namu pkela tama mu uri. Nasi namu mkela kenan we mpkela namu tama mu uri.” 20Kari nii we rnengo na seediq meniq Sapah Thmkuwan sskuwan pila ka Yesu. Ciida we uka ka seediq qmerac heya, ado ini dehuk ka ali nana na.

Uxe Namu Saun ka Ssaun Mu

21Maanu so kiya de rmengo dungal dheya ka Yesu: “Maha ku ka yaku da. Maha namu migin kenan, yamu we mphuqil namu ckceka qnquwan noda namu. Uxe namu saun ka ssaun mu.” 22Rmengo ka seediq Yudaya: “Rmengo ka heya: ‘Uxe namu saun ka ssaun mu.’ Ye maha cghuun ho?” 23Rmengo dheya ka Yesu: “Pneyah namu toma ka yamu, pneyah ku baro ka yaku. Nbobo dxeral nii ka yamu, uxe nbobo dxeral nii ka yaku. 24Kiya ka rmengo ku: ‘Mphuqil namu ckceka qnquwan noda namu.’ Nasi namu ini snhii yaku ka kiya, heya de maha namu mphuqil qnquwan noda namu.” 25Rmengo Yesu ka dheya: “Ima su bale ka isu?” Cmiyuk ka Yesu: “Wada ku rmnengo yamu peeyah prading di. 26Egu bale ka rrengo mu yamu ma ppsgeegan mu quri yamu. Kiya de smnkagul kenan we bale ba Heya. Qmbhangan mu peeyah Heya we kika srengo mu seediq bobo dxeral.” 27Quri Tama ka srengo Yesu ma ini daha klai. 28Kiya de rmengo ka Yesu: “Bobo namu wada dilun baro ka Laqi seediq de maha namu mkela ima ku ka yaku. Rmnengo ku kari nii we pnuyu mu tnugesa Tama mu kenan. 29Nii msuupu kenan ka smnkagul kenan. Ini ku na htii bruxi malix, ado qmeepah ku qpahan qrasun na klaali han.” 30Rmengo so kari nii ciida ka Yesu we snhii heya ka hbaro seediq da.

Ptraguh Yamu ka Bale Ba

31Rmengo seediq Yudaya snhii heya ka Yesu: “Nasi namu ini psetuq muyu kari mu we kiya ka bale ba tnugsaan maku da. 32Maha namu klaun ka bale ba, bale ba ka ptraguh yamu.” 33Cmiyuk heya ka dheya: “Llqlaqi mslutuc miyan Abraham ma uxe mnangal tnqliyan menan ka ani ima. Ma su rmengo: ‘Ptraguh yamu’ ho?” 34Cmiyuk ka Yesu: “Bale ba rngage maku, kana seediq moda qnquwan noda we kiya ka tnqliyan qnquwan noda. 35Ini eniq sapah klaali ka tnqliyan, meniq sapah hiya klaali ka Laqi. 36Maanu so kiya de nasi ptraguh yamu ka Laqi Utux Baro de maha namu bale ba mtraguh da.

Mpqbahang Kari ka Pneyah Utux Baro

37Llqlaqi mslutuc namu Abraham we klaun maku. Kiya de kmphuqil namu kenan. Ado uka nniqan kari mu ka lhebun namu. 38Rnengo mu we kika ntaan mu meeniq ku Tama mu hiya. Noda namu we kika ntaan namu meeniq tama hiya.”

39Cmiyuk Yesu ka dheya: “Abraham ka tama nami.” Rmengo dheya ka Yesu: “Nasi namu lqlaqi Abraham ka yamu we naka namu qmeepah qnpahan Abraham. 40Wada mu srengo yamu ka bnhangan mu kari bale ba mneniq ku Tama mu hiya. Maanu so kiya we saya, kmphuqil namu kenan ka yamu. Ini oda noda so nii ka Abraham. 41Gisu namu qmeepah qpahun tama namu ka yamu.” Rmengo heya ka dheya: “Uxe miyan mntuting peeyah hnmetan msuupu ka yami. 1 bale ka Tama nami, kiya ka Utux Baro.” 42Rmengo dheya ka Yesu: “Nasi Utux Baro ka Tama namu we naka namu gmaalu kenan. Ado pnrdingan ku ba Utux Baro ma pneeyah ku Utux Baro rui. Uxe ku pneeyah yaku nanak. Heya ka smnkagul kenan. 43Ma namu ini klai ka kari mu ho? Ye uxe so ini namu tduwa mbahang ka kari mu. 44Yamu we Qbsuran Bgihur Naqah ka tama namu, qmeepah namu krwahun tama namu ka yamu. Heya we peeyah rading mphuqil seediq ma ini puyu bale ba. Ado uka ckceka lhebun na ka bale ba. Mberiq rmengo ka heya we pneyah heya nanak. Ado heya we mpqberiq ma tama kana pusu pqberiq uri. 45Kiya de ado bale ba ka srengo mu yamu ka yaku ma ini namu snhii kenan. 46Ckceka namu we ima namu ka mtduwa tmiyu pgkela quri qnquwan noda mu ho? Nasi bale ba ka srengo mu we hmuwa, ma namu ini snhii kenan ho? 47NuUtux Baro ka seediq we mbahang kari Utux Baro. Ado uxe namu nuUtux Baro ma kiya ka ini namu qbahang” kesun na.

Yesu we Pnlaale Abraham

48Cmiyuk heya ka seediq Yudaya: “‘Seediq su Samareia ma ga su sdooyun bgihur naqah’ mesa ka kari miyan we uxe ida so kiya peni?” 49Cmiyuk rmengo ka Yesu: “Ini ku sdooi bgihur naqah ka yaku ma smparu ku tama mu. Kiya de ini namu sparu kenan. 50Yaku we ini ku pesa knledax mu. Niqan ka mpesa knledax mu ma mpsgeegun noda mu. 51Bale ba rngage maku. Nasi mnduwa ba muyu kari mu ka ani ima we ida uxe mphuqil ani betaq knuwan” mesa. 52Rmengo heya ka seediq Yudaya: “Ga su sdooyun bgihur naqah we klaun miyan saya! Wada mhuqil ka Abraham ma dmpgeela kari. Kiya de ‘Nasi mnduwa ba muyu kari mu ka ani ima we ida uxe mphuqil’ mesa su na. 53Mgkala su knparu Abraham rudan miyan ka isu peni? Wada mhuqil ka heya di, wada mhuqil ka dmpgeela kari uri! Ngalan su seediq ima lmngelung ka isu ho?” 54Cmiyuk ka Yesu: “Nasi ku peeniq knledax kenan nanak we uka ba rrihan ka knledax mu. Peeniq knledax kenan we kika Tama mu. ‘Utux Baro nami’ kesun namu we kika heya. 55Ini namu kela heya. Kiya de mkela ku heya ka yaku. ‘Ini ku kela heya’ nasi ku mesa we naka ku mntena yamu mberiq. Kiya de mkela ku heya ma bale ku ba muyu kari na. 56Mqaras ba mqmita ali mu nii ka rudan namu Abraham. Kiya de ntaan na ma mqaras da” kesun na. 57Maanu so kiya de rmengo heya ka seediq Yudaya: “Ini su dehuk 50 knkawas nana ma qmnita su Abraham di?” 58Rmengo ka Yesu: “Bale ba rngage maku. Ini tuting nana ka Abraham ge, yaku we ida ku nkiya” kesun na. 59Kiya de nii mangal btunux mcebu heya ka dheya. Wada mlatac peeyah sapah thmkuwan ka Yesu.

Currently Selected:

Yohane 8: Stgdaya

Highlight

Copy