ROME 13

Acuzah Hnenah Kin Ṭuanvo

1Ram uktu bawite ai thu ngai tu ih; zaimantifangin Pathian ai lungkhimhnak loin aisu khai thunaitu um thil lo i; cen tunai thunaitute heh Pathian ai dahhnak i. 2Aisu khai thunaitu tawngtute in Pathian ai dahhnak tawng i. Ciatih bangin a tawngtu heh amah lala vumah thukhanhnak hlengruai tuh i. 3Uktu bawite heh thil pha a bawntute in kih tuhhnak ilo i; phatlohnak a bawntute ian in kih tuhhnak i. Thunaitu bawite heh kih loin um silai na nuam aw im? Na nuam lekhaw thilpha bawn tulai mithmai pha ngah tuh isi; 4zaimantifangin nangmah ai phathnak bawntu tuhin Pathian ai cengfa i. Ikhalselai a pha lo bawn lesikhaw thunaitu khiah kih tu; zaimantifangin mi cawhthilhnak nai taktak i. Ani tu Pathian ai cengfa imanin thilpha lo a bawntute vumah Pathian ai cawhhnak a suakruaitu i. 5Ciamanin Pathian cawhhnak lek ah ilo in a hnawm le a pha thiathiamhnak manin khai thunaitu bawite ai thu ngai tu ih.

6Ciami manin ngunkhuai pe i si; thunaitu bawite in a ṭuanvo bawnsuak fangin Pathian caah bawn i.#Mat 22:21; Mar 12:17; Luk 20:25 7Ciamanin ning pe tuhhnak khiah pe tu ih, pumpak ngahhnak songai pe tuhhnak ngunkhuai ituseh, thilri hrangah pe tuhhnak ngunkhuai ituseh pe tu ih. Hmaizah tlak mi heh hmaizah tu ih; upat tlak mi heh upat tu ih.

Pakhat Le Pakhat Vumai Kin Ṭuanvo

8Aisu hnen ahkhai laiba nai mah ih. Ning bahnak tu pakhat le pakhat itdunhnak ian ituseh. Ithnak a naitu heh dan hluntu i. 9Thukham pehnak, “Nu le pa kangkawm sualhnak bawn mah; mirek mah; ruko mah; midang naihnak thil ot mah,” tihnak le a dang thukham hmuahhmuah heh, “Nangmah le nangmah na it dun bangin na innhnen khai it tu,” #Luat 20:13-15, 17; Danp 5:17-19, 21; Sua 19:18tihnak thukham songah khim sio i. 10Mi pakhatkhat it lesikhaw amah caah phatlohnak bawn tuh awng lo isi. Ciamanin dan khimniu in hlun ben tihnak tu itdunhnak i.

11Hemi tu bawn ning kul hrimhrim i, zaimantifangin ning mitmuhnak in phawk ning cu zo i, ti ling i si. Nun o mi kin cang thil tuh can tu hmasa kin sang sawng lai tahin tunah nong amam ihang. 12Zan bo dawn hang ai sun hleng dawn ihang. Khuathim songai bawnhnak tepawl tu com tuhang ilai khuatleu songah raltawng tuhin ralthuam lang ngasing. 13Sun khuavar ai a ummi kin i bangin kin nun ziaza mawiruai nga hang sing; au murhmo in zuri cawiṭawm in um nawn hlah hang sing; tawng dun le iksik dun in um hlah hang sing; nu pa sual bawn le mitsih mawi loin um nawn hlah hang sing. 14Kin Bawipa Jesuh Khrih heh ralthuam bangin sil tu ih; tisa daihnak le hiamhnakte khiah com tuhang ih.

Currently Selected:

ROME 13: RZB

Highlight

Copy