MIPUM SIARHNAK 2
2
Amahte Hin Ṭen In Um Tlang I
1 Bawipa Pathian in Moses le Aaron hnenah a hnia lamai bangin thupe i, 2“Israel mite in riahbuk a sa fangin aisu inkhai amahte hin ṭen hnenah le amahte thantar hnia ṭen ah um tuseh. Amahte riahbuk tu Bawipa umhnak ponhlam cingkim ah sa tuseh,” ti i.
3-9Nisuah lam Judah ai thantar hniaah a hnia lamai bangin amahte hotu ṭen thawn a bur a bur in um tuseh;
Judah hin ah Amminadab ai fapa Nahshon ho in thawng sawmsarih thawng li le zaruk i;
Issakhar hih ah Zuar ai fapa Nethanel ho in thawng sawmnga thawng li le za li i;
Zebulun hih ah Helon ai fapa Eliab ho in thawng sawmnga thawng sarih le za li i;
A veksen kom in ting khat thawng sawmriat thawng ruk le zali i.
Judah thantar hniaah umtute tu hmasaber ah feh tlang tuseh.
10-16Hlang lamah Reuben ai thantar hniaah a hnia lamai bangin amahte hotu ṭen thawn a bur a bur in um tlang tuseh;
Reuben hin ah Shedeur ai fapa Elizur ho in thawng sawmli thawng ruk le za nga i.
Simeon hih ah Zurishaddai ai fapa Shelumiel ho in thawng sawmnga thawng kua za thum i.
Gad hin ah Deuel ai fapa Eliasaph ho in thawng sawmli thawng nga zaruk le sawmnga i.
Amahte veksen kom ah ting khat le thawng sawmnga thawng khat za li le sawmnga i.
Reuben thantar hniaah umtute tu a pahnihhnak in feh tuseh. 17Cen a hmasa bur hnih le a hnua ai bur hnih karlak ah Ponhlam a phurtu Levi mite feh tlang tuseh. Cia a bur a bur in a fehtu Israel mite tu amahte thantar hnia ṭen a cam hmun ah a umdan bangin feh tlang tuseh.
18-24Nitlak lamah Epharaim ai thantar hniaah a hnia lamai bangin amahte hotu ṭen thawn a bur a bur in um tlang tuseh.
Epharaim hin ah Ammihud ai fapa Elishama ho in thawng sawmli le za nga um i.
Manasseh hin ah Pedahzur ai fapa Gamaliel ho in thawng sawmthum thawng hnih le zahnih um i.
Benjamin hin ah Gideoni ai fapa Abidan ho in thawng sawmthum thawng nga le za li um i. A veksen kom in ting khat thawng riat le zakhat um i. Epharaim thantar hniaah a umtute tu a pathumhnak ah feh tlang tuseh.
25-31Sak lam ah Dan ai thantar hniaah a hnia lamai bangin amahte hotu ṭen thawn a bur a bur in um tlang tuseh.
Dan hih ah Ammishaddai ai fapa Ahiezer ho in thawng sawmruk thawng hnih le za sarih um i.
Asher hin ah Okhran ai fapa Pagiel ho in thawng sawmli thawng khat le za nga um i.
Naphtali hin ah Enan ai fapa Ahira ho in thawng sawmnga thawng thum za li um i.
A veksen kom in ting khat thawng sawmnga thawng sarih le zaruk um tlang i.
Dan thantar hnia ai umtute tu a hnuataber ah feh tlang tuseh.
32A bur a bur ai hohnak Israel mite tu a veksen kom in ting ruk thawng thum za nga le sawmnga khim tlang i. 33Ikhalselai Moses hnenah Bawipa thupeciahnak bangin Israel mite lakah Levi hinte tu siar telh ve lo i.
34 Bawipa in Moses hnenai a thupeciahnak bangin Israel mite in bawn sio i. A cam tlang fangin amahte thantar hnia ṭen ah cam tlang ai a feh tlang fangin khai amahte hin ṭen in feh tlang i.
Currently Selected:
MIPUM SIARHNAK 2: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.