MIPUM SIARHNAK 1
1
Hmasaber Mipum Siarhnak
1Israel mite Egypt ram an a suak hnua kum hnihhnak a hla hnihhnak ai ni hmasaber nia ah, Sinai Nelrawn ai ummi Pathian umhnak Ponhlam songah Bawipa in Moses hnenah thurel i. A thurelhnak tu hetihin i:#Mip 26:1-51 2“Nangmah le Aaron in Israel mite tu amahte hin ṭen le amahte innsang ṭen in mipum siar tu ih. Kum kul le a vum lam pasal, 3ralkap lut thai mi zongzong khiah a hmingkhum tu ih. 4Ning bawmtu tuhin hinkhat in amahte miuk ṭen sawm tu ih. 5Ciami miuk ṭen heh a hnia lamai bangin i: Reuben hin in Shedeur ai fapa Elizur,
6Simon hin in Zurishaddai ai fapa Shelumiel,
7Judah hin in Amminadab ai fapa Nashon,
8Issakhar hin in Zuar ai fapa Nathanael,
9Zebulun hin in Helon ai fapa Eliab,
10Joseph ai fapate: Epharaim hin in Ammihud ai fapa Elishama;
Manasseh hin in Padahzur ai fapa Gamaliel,
11Benjamin hin in Gideon ai fapa Abidan,
12Dan hin in Ammishaddai ai fapa Ahiezer,
13Asher hin in Ochran ai fapa Pariel,
14Gad hin in Duel ai fapa Eliasaph,
15Naphtali hin in Enan ai fapa Ahira, 16A vumai miukte tu amahte hin ṭen ah hotu i ai mipum siar napertu tuhin rilhnak i,” tiin ti i.
17Hemi miukte hlaihnih heh Moses le Aaron in sawm ai; 18Hlahnihhnak ni hmasaber nia ah Israel mite tu amahte veksen in kokhawm sio i. Israel mite veksen in amahte hin ṭen le innsang ṭen in mipum hmingkhum ai Bawipa thupeciahnak bangin, 19kum kul le a vum lam pasal hmuahhmuah siar ai hmingkhum sio i. Sinai nelrawn ah Moses in Israel mite mipum hmingkhum i. 20Ralkap a per thai pasal kum kul le a vum lam tepawl tu amahte hming rori in, Jacob ai fapa upa ber Reuben hin ai panin amahte hin le innsang fekfek ṭen in, laibu ah khum i. Mipum hmingkhumhnak tu a hnia lamai bangin i:
21Reuben hin in thawng sawmli le thawng ruk le za nga, 22-23Simeon hin in thawng sawmnga thawng kua le za thum, 24-25Gad hin in thawng sawm li thawng nga le za ruk sawm nga, 26-27Judah hin thawng sawmsarih thawng li le za ruk, 28-29Issakhar hin in thawng sawm nga thawng li le za li, 30-31Zebulun hin in thawng sawm nga thawng sarih le za li, 32-33Epharaim hin in thawng sawm li le za nga, 34-35Manasseh hin in thawng sawmthum thawng hnih le zahnih, 36-37Benjamin hin in thawng sawmthum thawng nga le za li, 38-39Dan hin in thawng sawmruk thawng hnih le za sarih, 40-41Asher hin in thawng sawmli thawng khat le za nga, 42-43Naphtali hin in thawng sawmnga thawng thum le za li, 44-46A veksen kom fangin ting ruk thawng thum za nga le sawmnga i.
47Ikhalselai Levi hinte tu mipum siarhnak ah tel lo i. 48Zaimantifangin Bawipa in Moses hnenah, 49“Israel mite ralkap per thil tuhin mipum ning siar fangin Levi mite tu telh mah ih,” tiin ti i. 50Ciahlaiah Bawipa in Moses hnenah, “Levi mite tu i Ponhlam le a songai hmanghnak thilrite kilkhawltu ah dah tu. Ponhlam le a thilrite tu anite in phur tuhai phatak niu in sik tuseh; amahte riahbuk khai Ponhlam ai cingkim ah sa tlang tuseh. 51Ning riahbuk ning thawn fangin Levi mite in Ponhlam bal tuhai cam hmun a thar in ning khuar fangin ciata ah amahte in saleh tuseh. Midang aisu khai Ponhlam hiangah kawi lekhaw rekhnak tuar tuseh. 52Israel mite tu a bur a bur in amahte riahbuk sa tlang tu selai aisusu khai amahte hin ṭen ai thantar hnia ṭen ah sa tuseh. 53Ikhalselai Ponhlam hiangah aisu khai kawi tuh loin le i thinrawhnak heh Israel mite vumah a hleng lohnak tuhin Levi mite in amahte Ponhlam cingkim ah riahbuk sa tlang tuhai kilkhawl tuseh,” tiin ti i. 54Bawipa in Moses hnenah a thupeciahnak bangin Israel mite inkhai bawn i.
Currently Selected:
MIPUM SIARHNAK 1: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
