SEMPANHNAK 17
17
Zarhtan, Thutiam Hnikhnaihhnak
1Abram kum sawmkua le kumkua khim fangin Bawipa a hnenah lar ai, “Kai tu Cungnungber#17:1 Cungnungber tihnak tu Hebrew pong in El Shaddai tiin ko i Pathian ing. Na nunsong hmuah i thu hlun tulai mawhhluk pha nai loin um tu. 2I thukham na hnenah bawn tuhai tesinfate tampui in na pe tuh ing,” tiin ti i. 3Cen Abram tu a hmai laipua tong in ut ai Pathian in, 4“Nangmah thawn i khoruai tuh i thutiamhnak tu hetihin i; Lailung vum miphun tampui ai paber na cang tuh i, tiin thu na kham ing. 5Na hming heh Abram#17:5 Abram tihnak tu songloih mi amahte pa tica i. i nawn loin, Abraham#17:5 Abraham tihnak tu Hebrew in Miphun tampui ai pa ti thawn a awsuah bang dun i. tiin na ko tuh ihang. Zaimantifangin miphun tampui ai pa in na bawn tuh ing.#Rom 4:17 6Tesinfa tampui na pe tuhai a hrekkhat tu kumpibawite khai cang tuh i. Tesinfa tampui nai tuhai miphun tampui ah cang tuh i.
7“I thukham heh nangmah le na tesinfate hnenah, sankhat hnua sankhat, kumzangza thutiamhnak in khoruai tuh ing. Kai tu na Pathian tuhin le na tesinfate ai Pathian khai i tuh ing.#Luk 1:55 8Tunai na umhnak ram, mikhual na ihnak ram heh nangmah le na tesinfate pe tuh ing. Canaan ram hmuahhmuah heh kumzangza in ningmah ai cang tuhai Kai tu kumzangza in ning Pathian tuh ing,” tiin ti i.#Nal 7:5
9Cia hnuaah, Pathian in Abraham hnenah, “Nangmah inkhai i thutiam khiah khoruai tulai hlun tu; na tesinfate inkhai sankhat hnua sankhat hlun tu ṭiode seh. 10Nangmah le na tesinfate in i thutiam nemhngethnak tuhin pasal hmuahhmuah in zarhtan tuseh.#Nal 7:8; Rom 4:11 11-12Tunai panin Pasal hmuahhmuah ni riat a khim fangin a zarhtan tuseh. Ning innsong suak sal ituseh, ramdang ai laihnak ning sal ituseh, tan tu sio ih. Hemi heh kaimah le ningmah lakai thutiamhnak larruaitu tuh i. 13Zarhtan tu liang ih; hemi heh kumzangza in ning hnenah i thutiamhnak a lar tuhhnak in ning taksa vumah hnikhnaihhnak tuh ihang. 14Zarhtan lo pasal heh i thutiam hlun nuam lo manin a miphun songin lonhnak tuar tuseh,” tiin ti i.
15Cen Pathian in Abraham hnenah, “Na nupui heh Sarai tiin ko tuh nawn lo isi; tunai panin a hming heh Sarah#17:15 Sarah tihnak tu kumpibawi nu tica i. Sarai tikhai a sullam bang dun i. ihang. 16Sarah heh hmuifu burh tuhai amah songin fapa na pe tuh ing. Hmuifu burh tuhai miphun tampui ai nu cang tuh i. A tesinfate songin kumpibawite tampui suak tuh i,” tiin ti i. 17Ciami a za fangin Abraham khiah a bok kongin hni i; cen thuruat ai, “Minung in kum zakhat khim zo hnuaah fa nai thil nitur im,? Kum sawmkua khim zo hnua ahhen Sarah in fa nai thil ngaingai nitur im?” ti i. 18Abraham in Pathian hnenah, “Ishmael tal tu na hmaiah mithmai pha co tuseh,” tiin ti i. 19Pathian in, “Abraham, ciatih ilo i. Na nupui Sarah rori in fapa na nai sah tuhai a hming ah Isaac#17:19 Isaac tihnak tu A hni tica i. tiin ko tuh isi. Amah hnenah ituseh, a tesinfate hnenah ituseh, i thutiam khoruai tuh ing. Zaimantifangin kumzangza hrang thutiamhnak i. 20Nang in Ishmael ca na ngenhnak za zo ing; kaimah ai i bawntumhnak tu hetihin i: Ishmael tu hmuifu pe tuhai; fate tampui le tesinfa tampui pe tuh ing. Ani tu kumpibawite hlaihnih ai pa cang tuh i. A tesinfate tu miphun lianpui cangruai tuh ing. 21Hmai kum tun camcu ah Sarah in a nai tuhhnak na fapa Isaac hnenah i thutiam khoruai tuh ing,” tiin ti i. 22Cen Abraham hnenah thu a rel ben fangin Pathian in fehsan i.
23Cia nia rori ah Pathian relhnak bangin Abraham in a fapa Ishmael le a sal hmuahhmuah, inn suak sal ituseh, a laihnak sal khai ituseh, a inn ai ummi pasalte a veksen in amahte zarhtan sah i. 24Abraham tu zarh a tan fangin kum sawmkua le kumkua i. 25A fapa Ishmael zarh a tan fangin kum hlaithum i. 26Cia nia ah a pafa, le 27amahte innsong ai a ummi sal hmuahhmuah thawn zarhtan tlang i.
Currently Selected:
SEMPANHNAK 17: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
