SEMPANHNAK 16
16
Hagar Le Ishmael
1Cen Abram ai nupui Sarai in fa pakhat khai nai lo i. Ikhalselai Sarai in Egypt miphun Hagar tihnak sal nu pakhat nai i. 2Sarai in Abram hnenah, “Sik tu, Bawipa in fa i nairuai lo i! Zaimanin i sal nu thawn it kawm ngawn lo i si? amah in kaimah ca fa nai thai hmio i,” tiin ti i. Cen Abram in Sarai thu ngai i. 3Ciamanin Sarai in a sal nu, Egypt miphun Hagar heh Abram nupui tuhin pe i. Canaan ramah Abram kum hra a um hnuaah thil canghnak i. 4Abram le Hagar tu pawl dun ai Hagar in naupai i. Hagar in naupai ing ti a ling fangin puarthau ai a bawinu Sarai heh zohsuam i. 5Ciafangin Sarai in Abram hnenah, “Hagar in hetihin zoh i suam heh nangmah mawhhnak i. I sal nu heh kaimah in na pe ing. Ikhalselai naupai zo ing ti a ling sawngpah in zoh i suam dekdo i. Bawipa in nang maw kaimah, aisu dik sawn deuh ti thu kin khan tu hram seh,” tiin ti i. 6Cen Abram in, “Hagar heh na sal nu i; nangmah in uk isi; na nuam angin bawn tu,” tiin Sarai hnenah ti i. Ciafangin Sarai in Hagar heh tlatsia ngai in reem ai Hagar ciah tlan teu i.
7Ciatihin Hagar tu Shur lamah tlan ai ramcar ai cirhti hiangah Bawipa ai vancungmi in tawk i. 8Vancungmi in a hnenah, “Sarai ai sal nu Hagar, akonan hleng ai akonah feh tuh isi?” tiin zawt i. Hagar in, “I bawinu Sarai hnenin tlan ing,” tiin ti i. 9Vancungmi in, “Sarai hnenah tlung lehsal tulai a kuthnia ah um tu,” tiin ti i.
10“Aisu inkhai siar cawk lo,
Tesinfa tampui na pe tuh ing;
11Fapa nai tuhai,
a hming Ishmael#16:11 Ishmael tihnak tu Hebrew in Pathian in ling itica i. tiin bawn tu;
Zaimantifangin Bawipa in
na rimsu tuarhnak na ngai sah i.
12Ikhalselai na fapa tu
Laak he bang cang tuh i.
Mi zongzong ralcai tuhai,
Mi zongzong in ral thun tuh ve i;
A songkhatte thawn khai
um tlang tuh lo i,” tiin ti i.
13Ciafangin Hagar in, “Pathian tu hetengah tawk rori ai nung tang i nung ilai im? tiin amah veve ti dun i. Cen a hnen kawi ai a pongtu Bawipa khiah a hming ah, “El-roi,” #16:13 El-roi tihnak tu Hebrew in Hmutu Pathian tica i. tiin ko i. 14Ciamanin Kadesh le Bered karlak ai tikhur heh mi zongzong in, “Beer-lahai-roi,” #16:14 Beer-lahai-roi tihnak tu Hebrew in I Hmutu A Nungmi Ai Tikhur tica i. tiin ko de i.
15Cen Hagar in Abram ai fapa nai ai a hming heh amah Abram in Ishmael tiin bawn i.#Gal 4:22 16Abram tu Hagar ai fapa a nai fangin a kum sawmriat le kum ruk i.
Currently Selected:
SEMPANHNAK 16: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
