ZEKARIA 9
9
Mwanduye fo mkambo ya mṟasenyi
1 Otambahaluo lo idedo lya Mndumii, lyilededo kipfa kya oruka lo Hadraki na Damasiko kowa handu hake hesiamoo; kipfa riso lya mndu o wandu na njoshari tsose tsa Israeli lyeambuya Mndumii, 2na Hamati ii mṟasenyi; na Tiro na Sidonyi, kipfa nyi awode wuṟango wung'anyi. 3Tiro nyi alewika omombo, kasanyia fesa cha msanga, sahabu njicha cha odoko lo njienyi. 4Ambuya, Mndumii nyi echimsoka masaa hake, nao nyi echimusoka pfinya ai natso ipalyipalyinyi, nao nyi echirumatso na modo. 5 Ashkelonyi nyi echiṟeenze na iowuo; Gaza nao nyi echieṟewe mnu; na Ekironyi, kyamba kikusirio kyake kewutoho; mangi nyi echirumara wuka Gaza na Ashkelonyi echiwada wandu pfo. 6Mana alai o mbuka njicha nyi echiwa mangi ipfo Ashdodi, na inyi njechiwutaho orikiki lo Wafilisti. 7Inyi njechiwutaho samu ipfo dumbunyi lyake, na mawicho hake ipfo mahehohu hake; o nechiwa walya watsuihee wawe wa Ruwa odu; nao nyi echiwa cha mndu ang'anyi ipfo Yuda na Ekironyi cha Myebusi. 8Inyi njechiwika hema lyako njora tsose tsa mba yako kundu njiime wakituwa wako, mndu oose nalawone keida napfo ma iwuya; manya mndu ekewonyia wengi echiidapfo-pfo, kipfa wulalu ngawona na meso hako.
Mangi ya ofoṟo
9 Chihiyo iyo mana o Sioni
Kapa ngululu iyo Yerusalemu
Ambuya mangi yapfo nyi akuchea
Nyi o wusumhanyi nyi arie okiṟo
Ai mwoloru ambawe nyi nzoi
Lii ihache lya nzoi. 10 Na igari lya shida njechiliwuta likae kuleshe na Efraimu, na frasi ikae kuleshe na Yerusalemu, welasa na mfi ya shida shirumatso nechiongoya wandu wa mkambo mbonyi tsa ofoṟo; na uikolonyi woke wochidung'ana kose wokia ipalyipalyi itane ipalyipalyi na wokia meda itane mtsitsionyi fo oruka.
Iwihiṟo lya wandu wa Ruwa
11 Na kui mbonyi tsapfo iyo na kipfa kya samu ya mkundano fopfo, ngawuta wapfungo wapfo kulya ṟungunyi lyilawode mṟinga 12Wuyenyi na omombohu lo owa nyo wapfungo wa mbedie, shika inu ngahamba njechikuwihiṟiya kya ngeria kawi. 13Yuda njechimhaluo nawe wuda na Efraimu nawe mfi foko. Iyo Sioni! Wandu wapfo njechiwahaluo wawe oshu lopufukia wandu wa Ugiriki; njewahaluo cha oshu lo mndu mkari o shida.
14Nao Mndumii nechiwonekana huye yawo,
Mfi foke fochiwa cha mbaṟuko,
Mndumii-Ruwa nechikapa ombe,
Nechihenda na otanu sa lwapfinya lo nuka
15Mndumii menyi Matorito nechiwaringa;
Wechilya wawechuma maho ha odeho,
Wechinyo na ifahya kipfa kya mvinyo,
Wechiichuṟo cha mboṟiko, cha membe tsa rasyonyi.
16Mndumii-Ruwa owo nechiwakiṟa mkonu fo,
cha po lya wandu wake;
Kipfa wafananyi na oṟo tsa wuhuru wung'anyi
Tsekemakema huya oruka.
17Chando wucha woke wung'anyi,
Na ichia lyake lyielewetsie;
Mso fochilumbisha wana wa kisoṟo
Kipfuo ko wana wa kika.
Currently Selected:
ZEKARIA 9: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
