ZEKARIA 7

Ikuotoya

1Nahong'u maaka fo kaana fo mangi iya yelaho nyi Dario, Idedo lya Mndumii likachea Sakaria, mkonu fo kaana fo meeri fo kenda foilaho Kisleu. 2Kyasia wandu wa Betheli wawedumie Sharesa na Regem-meleki na wandu wawo, kundu waterewe osaṟio ko Mndumii, 3Wadede na Wakohanyi wa mba ya Mndumii menyi Matorito na waikimbi wo ke, “Na kinjiwaṟi ifihiṟa meeri fo katanu na ilekana na wandu, chando ndeuta maaka ii ifoi yameida?” 4Naalyo idedo lya Mndumii likanjichea lyehamba, 5“Wia wandu wose wa oruka na wakohanyi ochihamba ilindi mulekuotoya na ikuinadya meeri fo katanu na meeri fo mfungade maaka yo makumi mfungade ngesa mulekuotoya kipfa kyako, mulekuotoya kyako? 6A kiheri molya kando na inyo isho chi kipfa kya mbihu yo yanu? 7Iho chiho madedo Mndumii alehamba kui madumbu ha waikimbi wa kacha, kiheri Yerusalemu iledamyo nyi wandu na ikuwonya osu, na mṟi iya iwetengetie; kiheri kilya oruka lo Negebu na Shefala iwewode wandu?”

8Nahong'u idedo lya Mndumii likachea Sakaria lyekamba. 9“Mndumii Menyi Matorito nahamba, anduonyi muwedumbuo kya lohi, orio mndu nasaṟiye odoe 10Mulawonye mkusu, ma mngoeda, ma mhenu, ma mkiwa, ma mndu kawa ada kiidi kyanu, ma kulakae akusaṟa kya owicho wosuo manomae. 11Kyaindi iwo waleleha iadanyia, wakakumba madedoho mhongo wakashinga madu hawo. 12Wakahaluo mrima yawo ikafanana na iho liumu; kundu walaicho wuwawaso na madedo ha Mndumii menyi Matorito alehaduma kui mumuyo mawokonyi ha waikimbi wa kuwooka; kui kipfa kya ikyo nyashi ya Mndumii menyi Matorito yechiwaakiya. 13Kipfa lilyandi alefihiṟa walakunde iicho nawo wechifihiṟa ma njechiadanyiapfo, nyi wudo Mndumii Menyi Matorito ahamba. 14Indi njechiwarahanyitsa na otanu kiidi kya wandu wa mkambo walawewaichi. Kyasia nyi wudo oruka luwei msefu numa yawo, ma kuwewode mndu aleidahopfo, ma alewuyapfo, kipfa walehaluo msefu oruka lulya luwei lucha.”

Currently Selected:

ZEKARIA 7: KIM2

Highlight

Copy