ZEKARIA 6
6
Kiwonesio kya nyanya: Magari ha frasi
1Ngairia meso hako, ngawona magari haana ha shida hawuka kiidi kya mafumvu hawi, mafumvu ha hawei ha aṟeṟa. 2 Igari lya kuwoka liwewode frasi tsa kimande; na igari lya kawi frasi njiiwu. 3 Igari lya kaṟaṟu frasi njiili; na igari lya kaana frasi tsa ifuifu. 4Ngawesa Malaika ulya alededa na inyi. Iwa nyi waki Mndumii oko? 5 Malaika ulya kanjihaluo, Magari ha nyi njotanu tsiina tsiukie oshanguni lo Mndumii-Ruwa. 6Igari lilya lya frasi njiiwu likakure likahenda ora lo mtsudu; na lilya lya frasi njiili likahenda ora lo kyukanyi igari lilya lya ifuifu likahenda ora lo nuka. 7Walya wa kimande wakakunda ihenda ipfo na ipfo, nao kawawia, kurenyi muhende ipfo na ipfo wuyanenyi. 8Nlyong'u kanjilaha kanjiwia, ambuya walya wahenda ora lo mtsudu wanjiwihiṟia moo orukenyi lo mtsudu.
Yoshua ashimbuyo
9Idedo lya Mndumii likanjichea lyehamba 10Ambilya shindo mawokonyi ha wandu maata walesamiṟo, nawo nyi Helidai, na Tobia, na Yedaya; mfiri naafo uhende mbenyi ya Yosia mana o Sefanyia mba iya waleikoya wawuka Babeli; 11Ee, ambilia fesa na sahabu, nooke oṟo, noṟike Yosua mdohu, ai mana o Yehosadaki, mkohanyi ang'anyi; 12 Nombie Mndumii Menyi Matorito nahamba adi, Ambuya mndu chu alaho nyi Njana nyio echiwika hekalu lya Mndumii. 13Ee, nyio echiwika hekalu la Mndumii; nyio echiduo wuitoṟi wo; nechidamia loṟikehu lo wuitoṟi, kuwekaapfo na mkohani loṟikehu lo wuitoṟi, kochiwada chila ya ofoṟo kiidi kyawo. 14Oṟo tso tsewa tsa Helidai na Tobia na Yedaya; na kipfa kya woloru wo Mana o Sefanyia tsiwe ngumbuo hekalunyi lya Mndumii. 15Walya wa kuleshe wache iwika hekalu lya Mndumii; nanyo mochimanya Mndumii menyi matorito anjidumie konu ishi shechiinutsyo, kokoya motambahana iindya ṟu lya Mndumii, Ruwa onu.
Currently Selected:
ZEKARIA 6: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
