ZEKARIA 13
13
1Kiidi kya mkonu fo, wandu wa mba ya Dawidi na wenyi mṟi fo Yerusalemu, wunyamaṟi wowo na ngafu shechisanjo nyi soka ya mṟinga. 2Mkonu naafo marina ha sanamu hechidetso, nyi wudo Mndumii menyi Matorito ahamba, kuwode echiidima ihakumbuo sepfo, na wudo na waikimbi, na mumuyo fo ngafu fose wawingio wafuno kiidi kya oruka. 3Na orio mndu mowuta wuikimbi, ndee na mae wai wemfee wechimbia, “Ochikaa na moopfo, kipfa nyi okededa madedo ha wongo kui rina lya Mndumii,” ndee na mae wai wemfee wechimranduo kokoya echideda kisuku. 4Nyi kechiwa mandi ho waikimbi orio umu owo nechiwado nyi sonu kipfa kya wuikimbi woke, manya echiṟaa se ikonya lya mbelele pfo kipfa kya madedo hake helemba wandu, 5Kyaindi nechihamba inyi chi mwikimbi pfo, inyi nyi mdemi, njilehaluyo isinga wokia uanake woko. 6Na mndu nechimbesa a ngoru tso ipfo mawoko nyi tsa kiki? Nao nahaluo, ngoru tsi nyi tsiwukye mmbenyi ya mbuya tsako.
7 “Mndumii menyi Matorito nahamba; kure iyo oshu, kure nokape mlisi oko, mlisi ekenjiṟundia, kapa mlisi o machondi na machondi harahanyike. Njechihoṟwo owoko loko njikape wandu wafafa. 8Shituṟu shiṟaṟu sha wandu, shiwi shechirumatso kitsnihae ho kimu tupu. 9Ikyo kimu kechideo njechikihesha na ikitana kyele cha mndu mosanja fesa; cha mohesha sahapu. Kyasia, wo wechinjiterewa na inyi njiwahaluo, njechihamba iwa nyi wandu wako, nawo wechihamba Mndumii-Ruwa nyio Ruwa odu.”
Currently Selected:
ZEKARIA 13: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
