IWUKA 1
1
Wana wa Israeli waliso wukiwa kulya Misri
1 Kyasia marina ha wana wa Waisraeli waleida na Misri nyiho iha; Orio mndu na kishari kyake walecha handu hamu na Yakobo. 2Reubeni, na Simioni, na Lewi na Yuda; 3na Isakari, na Zebloni, na Benyameni; 4na Dani, na Naftali, na Gadi, na Aseri. 5Kishari kyose kiwukie kitsinyi kya Yakobo nyi makumi mfungade (70), na Yosefu chu nawei Misri wokia mawookionyi. 6Yosefu Kapfa, na wana wa mae wose, na wandu wose wa oshari lulya. 7 Na wana wa Waisraeli wawekepfumbuka mnu, na iengeṟeka wakafo wakawada pfinya, wakaichuṟa oruka lulya.
8 Kyasia, kukakure mangi ingi njihya kulya Misri, alaichi Yosefu. 9Kawia wandu wake, “Ambuyenyi, wandu wa wana Wasraeli wafoi, na wawode pfinya kota so. 10 Kyasiang'u! Luwawutie sha wuṟango, walacheiengeṟeka; kukocha shida, wo walashike ikulunga na wakituwa wadu na ikapana naso, na idicha iwuka kunu orukenyi.” 11Kyasia, wakawika wewahoṟokia wawalise wukiwa wo maṟio hawo. Nawo wakawikia Farao mṟi yewikapfo kisa, Pithom na Ramesesi. 12Kyaindi chandu walewalisa wukiwa nyi wudo walepfumbuka na iengeṟa ilaa kulya na kulya. Wamisri walewado nyi wuowu kipfa kya wana wa Waisraeli. 13Wamisri wakawada wana wa Waisraeli cha masinga kui wunesi; 14wakawainenga maṟunda maumu wakakaa ko wukiwa; maṟunda ha chokaa na matofali, na orio mbaṟi ya iṟunda lya mademenyi.
15Naho mangi ya Misri kadeda na walya weende wana Waebri, umu rina lyake nyi Shifra, na o kawi rina lyake nyi Pua; 16kahamba, kiheri mochitarama waka wa Kiebri ili mandi waifee, na mkamekoya nyi mana o kisoṟo, wahenyi indi mkamekoya ke nyi mana o waka mdenyi na moo. 17Kyaindi walya weende wana waweowoye Ruwa, walawute chandu waletutumo nyi mangiyo ya Misri, kyaindi wakasuṟuma wanawo wa kisoṟo wai na moo. 18Naho mangi ya Misri kalaha walya weende wana kawawesa, “Nki ki mlewuta iki, isuṟuma wana wo wa kisoṟo wai na moo?” 19Walya weende wana wakawia Farao, “Nkipfa wakawo wa Kiebri walai cha waka wa Kimisri;” wo nyi wai ngohoda, wo; wekefee wana ili walamekoyo. 20Kyasia, Ruwa kawutia walya weambia wana mecha; na wanduwo wakapfumbuka mnu, wakaengeṟeka na iwada pfinya tsing'anyi mnu. 21Nyi kipfa kya ili walya weende wana wawewode wuindi ko Ruwa, Ruwa kawasumba oshari lung'anyi. 22 Numa Farao kawawasa wandu wake, kahamba, “Orio mana o kisoṟo echifeo nakumbo medenyi fo Nili, na orio mana o kika mochimda na moo.”
Currently Selected:
IWUKA 1: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
