Yuunusa 2
2
No Yuunusa waɗiri du'aare to Joomiraaɗo
1Joomiraaɗo neli liingu mawngu moɗi Yuunusa. Yuunusa heddii nder reedu liinngu nguun nyaloomaaji tati e jemmaaji tati.
2Nder reedu liingu mawngu nguun, Yuunusa waɗi du'aaw to Joomiraaɗo, Laamɗo muuɗum. 3O wi'i:
Mi noddii ma Joomiraaɗo nder torraaji am,
aan du a nootake kam.
Faa ley reedu laakara ƴeewnimaami,
aan du a nani kuuɓaali am.
4A faɗɗii kam nder ndiyam lugguɗam
faa ley reedu maayo.
Semmbeeji ndiyam piilakeno kam,
bempeƴƴe ndiyam maaɗa fuu kuuriino kam.
5Miin miɗo miilinoo: Wo mi diiwaaɗo yeeso maaɗa.
Ammaa gite am kuccitan katin faro suudu maaɗa seniindu.
6Ndiyam sukkii kam kine,
ndiyam lugguɗam huurii kam,
Guumooje ley ndiyam cuddii hoore am.
7Mi yoolake faa to baamle puɗɗi,
mi kasaama to luggiɗi
hono uwaaɗo nder yanaande ni.
Ammaa aan Joomiraaɗo, Laamɗo am,
a ittoyii kam nder gayka halkere.
8Nde yonki am nesunoo dillude ndeen,
miccitimaami, aan Joomiraaɗo am.
Wooɗi du'aare am du yottake to maaɗa,
to suudu maaɗa Seniindu nduun.
9Jokkuɓe allaaji ɓoli,
tottitake e moƴƴere maaɗa.
10Ammaa miin kaa, mi yimante jimi jettooji ma,
mi sakkante kirsamaaji,
mi tabintinan ko kunanimaami fuu.
Wo to Joomiraaɗo, kisindam ƴuurata!
11Ndeen Joomiraaɗo haaldii e liingu nguun, de ngu tuuti Yuunusa dow leydi njoorndi.
Currently Selected:
Yuunusa 2: FBF
Highlight
Share
Copy
Want to have your highlights saved across all your devices? Sign up or sign in
© SIM International 2012, 2022
