Shitatiko 35

Nyambi ukutandalisha Yakobo ku Mbetele

1 # Shit 28:11-17. Nyambi wambile kuli Yakobo ngayi, “Katuka uyenga ku Mbetele na kuzikako. Ukanzikileko kaala ka mamanya, Ami Nyambi ou waliholwele kukwobe, oho watinine kuli yayiyobe Ishau.”

2Nohobene Yakobo wambile ku bakalupashi lwendi naku nimwabo aba bekalile nendi hamo ngayi, “Fumishenu banyambi bashenge aba muli nabo, liyeleshenu enu bamwine, pe vwalenu bivwalo bya kuyela. 3Tuli na kuya ku Mbetele, oku nikazikila Nyambi kaala ka mamanya ou wanyavwile ha shikati sha makalikiza wami na nou wekalile hamo na nami oku nimwako nayilenga.” 4Nohobene bapanine kuli Yakobo banyambi nimwabo bashenge aba bekalile nabo, kami na tupatamatu nimwato otu twekalile ku matu wabo.#35:4 Matu wabo: Tupatamatu twengile banyambi bapukwile ku Shekemu. Wabivumbikile mu nceto ya mutondo wa Telimbini#35:4 Telimbini: Mutondo wawunene ukuwaniwa shikuma mu Ishalela na mu matunga amina aku ncelele, ou wapananga mumvulu wawunene kami wayimanga na mikabo yayisheyishe (nkaala). ou wekalile hahepi na Shekemu.

5Ha kufunzuka kwa Yakobo na bana bendi babalume, bantu bekalile mu minzi hahepi bekalile na bowa shikuma wa Nyambi, kami kaliha babakonkele. 6Pe Yakobo wezile na bantu bendi nimwabo ku Luzi, munzi watumbiwile kami ngayi Mbetele, mu litunga lya Kenaani. 7Wazikileko kaala ka mamanya, pe watumbile mbalila lizina lya Nyambi wa Mbetele, ndaba Nyambi waliholwele kukwendi oho atinine yayiyendi. 8Niho Ndembola, shibeleki sha Lambeka, afwile pe wafundiwile mu nceto ya mutondo wa Oka ku mabukubuku a Mbetele. Niho bawutumbile ngayi, “Oka wakulilila.”

9Oho Yakobo afumine ku Meshopotamiya, Nyambi waliholwele kami kukwendi, pe wamutandalishile. 10#Shit 32:28. Nyambi wambile kukwendi ngayi, “Lizina lyobe Yakobo ngoboni kufuma hano lizina lyobe likatumbiwa Ishalela.” Nohobene Nyambi wamutumbile ngayi Ishalela. 11#Shit 17:4-8. Niho Nyambi ambile kukwendi ngayi, “Ami nengi Nyambi Mpandashilanga. Wikale na bana babengi. Matunga akatutika mumwobe, pe ukenga nkaka bamyene. 12Nikakupana litunga elye napanine kuli Abulahama na Ishaki, pe kami nikalipanika ku bazukulyobe bakahemuwa kumbili.” 13Niho Nyambi amushiyile kufuma ha mwanya haya ambilenga nendi. 14#Shit 28:18, 19. Yakobo wemikile limanya lya shanukisho ku mbalila kuya ambilenga nendi na kuyitilaho waine na mazi a olive. 15Watumbile lizina lya mbalila iyo ngayi Mbetele ndaba Nyambi wambwele nendi kuyo.

Lufu lwa Lakele

16Bafumine ku Mbetele, kami oho bashili kwakutali na Efulata, shikati sha Lakele sha kumine sha kubeleka. Wayendukile pe wakolele shikuma. 17Oho kukola kwendi kwanenehele shikuma, mboshwa wambile kukwendi ngayi, “Hinga wutina ndaba mbututu nengi wa mulume kami.” 18Ngoboni oho shilolo Lakele atule moyo, watumbile mwanendi ngayi Mbenoni,#35:18 Mbenoni: Lizina elye mu Shihebelu likutontoloka ngayi, “Mwana wamu wunginga wami.” ngoboni tatiyendi wamutumbile ngayi Mbenjamani.#35:18 Mbenjamani: Lizina elye mu shihebelu likutontoloka ngayi, “Mwana ukenga wa kutandala.”

19Oho Lakele afwile, wafundiwile kunkumo ya nzila yikuya ku Efulata, hano niyo Mbetelehema. 20Yakobo wemikileko limanya lya shanukisho ha shinzimbi shendi, kami elye limanya lyaha shinzimbi sha Lakele niko lili nihano. 21Niho Ishalela akatukile, pe wemikileko munkungwa mu nciza ya kapeshi ka Mingindala Enda.

Bana ba Yakobo babalume

(1 Byambo 2:1-2)

22 # Shit 49:4. Oho Ishalela azikile mu litunga liyo, Lubena waloyanine na Mbiliha, umo ha bakaza tatiyendi bakwinginina. Yakobo wayuvwile ha shuma eshe pe wapilamine shikuma.

Yakobo wabelekele bana babalume likumi na babili. 23Bana ba Leya babalume bengile Lubena mwana Yakobo wa mweli na Shimiyoni na Levi na Yunda na Ishaka na Zembuloni. 24Bana ba Lakele babalume bengile Yoshefwa na Mbenjamani. 25Bana ba Mbiliha ndungo ya Lakele babalume bengile Ndani na Nafwitali. 26Bana ba Zilipa ndungo ya Leya babalume bengile Ngandi na Asha. Aba nibo bana babalume ekalile nabo Yakobo mu Meshopotamiya.

Lufu lwa Ishaki

27 # Shit 13:18. Yakobo wezile kuli Tatiyendi Ishaki ku Mamele, oku batumbile ngayi ku Kiliyataba hinge Hembuloni, oku ekalilenga Abulahama na Ishaki. 28Oho Ishaki wekalakale na myaka 180, 29wafwile wakaliwanine na bantu bendi mukalunga. Wakulumpalile shikuma, pe bana bendi ba Ishau na Yakobo bamufundile.

Currently Selected:

Shitatiko 35: LLK

Highlight

Copy