Mareka 3

1Wepilili chenimushikola; mwenomu mwadiŋi muntu wukweti chikasachawulepa. 2Hiyakumutala neyi wukumúuka hasabata, kulonda amwinki muloŋa. 3Hakumwila owu muntu wukweti chikasa chawulepa nindi, Imanaku mukachi. 4Hakuyila nindi, Chaloŋa kwila chachiwahi hasabata, tahindi kwila chatama? kuhandisha muntu, tahindi kumujaha? Wena hiyakumwena zo. 5Chanayitaliyi wejima wawu kwi-ndo nakuzuwa, hakuneŋa chachinchikili nyichima yawu; hakumwila owu muntu nindi, Ololaku chikasa cheyi. Hakucholola, chikola nikukola. 6AFwarisi hiyakwidika, hohenohu hiyakukwata nimpùŋa nawaHerodi nawu, Tukumukisanana ŋahi?

7Yesu hakufumaku nawatumbanji twindi, hiyakuya kwijiya; kwamulondeli izaza deneni dafumini kuŊaliliya, nikuYudeya, 8nikuYerusalema, nikuEdomi, nikwishinadi daYodana, nikuTira naZidoni; izaza dadeni chidinatiyi yuma yamaneni yeliliyi, hidikwinza kudi yena. 9Hakuhosha nawatumbanji twindi, nindi amushili kawatu kanyanya kwakwihi, kuchina izaza kumuhumahuma; 10muloŋa woka dehi amavulu, dichi ejima adiŋi nanyisoŋu hiyakudishinjekela hadi yena kulonda amukunki. 11Niademoni azonda chanamumonuwu, hiyakudinata hamaseki kumesu indi, hiyakubilela nawu, Eyi wuMwana kaNzambi. 12Hakuyihoshola naŋovu nindi, Bayi mwakantiyakeshaku.

13Hakukanauka hampidi, hakutambika akeŋeliyi yomweni; hiyakuya kudi yena. 14Hakutondahu ikumi nayedi kulonda ekalaŋa nindi, akayitemeshaŋa nakushimuna, 15akaheti Ŋovu yakufumisha ademoni. 16Shimona hakutumba ijina di kwawu nindi, Petulu; 17ni mwana kaZebedewu Yakoba, nimana kwaYakoba Yowanu, wenawa wayitumbili ijina di kwawu nindi, Bowaneji, daya mukwila nawu anyana kachivumina chanvula; 18niAnderi, niFwilipu, niBatolomewu, ni Matewu, niTomasi, ni mwana kaAlafwewu Yakoba, niTadewu, nikaKenani Shimona, 19niYudasi Isakaroti, diyi wamufukejeli nawa. Hakwijila nimwitala.

20Hikukupompa cheŋi izaza dakukaŋanya wena kumona nihakudiila. 21Awusoku windi chanachitiyuwu hiyakuyaku nawu amukwati, muloŋa elili nawu, Naandali. 22Niansoneki afumini kuYerusalema elili nawu, Wukweti Belezebuli; nawu, Wudi nakufumisha ademoni naŋovu jamwanta wawademoni. 23Hakuyitambika, hakuyila nayishimu nindi, Satana wukutwesha kufumisha Satana nindi ŋahi? 24Neyi wanta wukudambula, wantowu hiwukutwesha kukolaku. 25Neyi itala dikudambula italodu hidikutwesha kukolaku. 26Neyi Satana wukudilukuka yomweni hakudambula, hakutwesha kukolaku, jikumukuma. 27Muntu kutwesha kwijila mwitala damukwaŋovu nakubuwa yuma yindi, chiŋa yosambila kumukasa owu mukwaŋovu, nkumininaku hakubuwa mwitala dindi.

28Nukuyileja chalala nami, nyiloŋa yawanyana kawantu yejima akayanakenayu, nimatukawu atukaŋawu Nzambi; 29kwinza muntu wukutuka Spiritu Wajila, hamba kamona kumwanakenaku, nahi namuloŋa wahaya nyaka; 30nanochu cheliluwu nawu, Wukweti demoni wazonda.

31Mama yindi nawana kwindi hiyakwinza nakwimana hanzi, hiyakumutemeshela muntu wakumutambika. 32Izaza dawantu dashakamini nakumuwuŋila, hiyakumwila nawu, Tala, mama yeyi nawana kweyi adi hanzi, anakukeŋi. 33Hakuyakula nindi, Mama yami hinyi? Ana kwami anyi? 34Hakutala antu ashakamini nakumuwuŋila nindi, Talenu mama yami nawana kwami. 35Muloŋa muntu wukwila mwaya muchima waNzambi, diyi mana kwami, diyi muhelami, diyi mama yami.

Currently Selected:

Mareka 3: MW62

Highlight

Copy