MAlaki 3
3
1Yehova wamazaza nindi, Tiyenu, hinukutemesha ntemesha yami, akaloŋeshaŋahu dehi njila kunakaya, niMwanta mwakeŋakeŋaŋa, wakenza kutembeli yindi chakukasumwisha; diyi nterresha yachitiyaŋenu imwatiyaloŋa kuwaha, tiyenu, hakwinza. 2Hinyi wakekala naŋovu ifuku dakenzayi? Hinyi wakemana hakamwekanayi? Muloŋa yena wudi neyi kesi kamukwakuzakasa, wudi neyi njapawu yamukwakutookesha mahina. 3Wakashakama neyi mukwakuzakasa, neyi mukwakutookesha siliva, waka-tookesha anyana kaLevi, wakayizakasa neyi chazakasaŋawu wuru nasiliva, nichakahimulambu lawu Yehova nyilambu yakuloŋa. 4Henohu himulambu waYuda naYerusalema wakamutiyisha Yehova kuwaha, neyi hamafuku akumwaka, neyi kunyaka yakusambila.
5Yehova wamazaza nindi, Ami nakakundama kwakwihi nanenu kulonda kusompesha, nakekala chinsahu chakuyinyakela akwakupanda, niayivumbi, niakwakusanyika chakutwamba, niakwakudiila aŋamba wufwetu wawukombi, niantuluwa, nianshona, nakanyakela niashinjekaŋa mwenyi kumbadi, abulaŋa kuntiya woma.
6Muloŋa ami Yehova hinabalumukaŋaku, dichi chimunabulili kunoŋa, enu anyana kaYakoba. 7Yehova wamazaza nindi, Kufumisha kumafuku adiŋuwu ankakulula jenu, enu kwakwambuka munshimbi jami hohu, kujihembaŋa nehi. Funtenu cheŋi kudami, ami nawa nifunti kudenu. Enu nenu, Tukufunta ŋahi? 8Muntu amwiyi Nzambi? Eŋa, mwaŋiyaloŋa. Enu nenu, Tunakwiyidi? Munaŋiyi niyamwikumi, ninyilambu.
9Enu anayishiŋi ishiŋu; muloŋa mwaŋiyaloŋa, muziwu wejima. 10Yehova wamazaza nindi, Letenu yamwikumi yejima mwitala dakuswekela yuma, kulonda mwitala dami mwikali yakudya, muŋeseki dinu nachu, mutali neyi nukubula kuyenzulwila njanina jamwiwulu, nakayihuŋunwina nkisu yayivulu yakukaŋanya nihakuyitambwila. 11Yehova wamazaza nindi, Ninami nakazuwila mukwakukisaŋana, kulonda akabuli kuyitamishila yuma yenu yamumaha; hela nyivinyu yenu yibuli kulukumuka hiyichidi kanda yishiki hachila aka chayu. 12Yehova wamazaza nindi, Antu akunyuza yejima akayitenenu nawu, Mwakooleka; muloŋa mwakekala ituŋa dadiwahi nankashi. 13Yehova nindi, Mazu enu anekali akudikaŋa nanami; enu nenu, Tunakuhoshi chatama ŋahi? 14Munahoshi nenu, Kumukalakela Nzambi hichuma chamukunkulwayi. Nenu, Chitunahembi nshimbi jindi, chitunendi nakudishonashona kumesu aYehova wamazaza, tunadiilumu ika? 15Nenu, Katataka tudi nakutena adinka wanta netu diwu amonaŋa kuwaha, mwalala, akoŋaŋa yakuluwa diwu atuŋaŋa nyikala; mwalala, amwesekaŋa Nzambi apulukaŋa.
16Henohu amutiyili Yehova woma ahanjikili mpanji jawu wumu namukwawu; Yehova watiyililuku, wachitiyili, asonekeli mukanda wakwanukaŋa nachu kumesu indi, wanawa amutiyilaŋa Yehova woma, atoŋojokelaŋa ijina dindi. 17Yehova wamazaza nindi, Akekala amami ifuku dinamba kaloŋeja yozelu yami yakudihetela; diwu nakatiyila wushona wudi neyi watiyilaŋa iyala mwanindi weyala wamukala kelaŋa. 18Henohu mwakafunta cheŋi, mwakashinshika nakwambula niwaloŋa niwatama, niwamukala kelaŋa Nzambi, niwabulaŋa kumukalakela.
Currently Selected:
MAlaki 3: MW62
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
