Genese 30

1Racheli chamweniyi chabuliliyi kumuvwela Yakoba anyana, Racheli wamutiyilili mana kwindi ichima. Hakumwila Yakoba, nindi, Nyinki nyana, mukunkulwayi nukufwa. 2Yakoba wamuzuwilili Racheli, nindi, Ami yami Nzambi mwaka nikulekeshi kuvwala? 3Iŋodi ndinindi, Tala nduŋu yami Biliha owu, iŋilaku mudi yena; kulonda akanvwelinyana hanyendu yami, ninami nawa nakamweni nyana kudi yena. 4Yomwinka nduŋu yindi Biliha akeli Iŋodindi; Yakoba niyena hakwijila mudi yena. 5Biliha yoba aba nikuba aba, hakumuvwela Yakoba mwanindiweyala. 6Racheli nindi, Nzambi nanhakwili dehi, natiyi niizu dami nawa, nanyinki dehi mwanami weyala. Dichi chanamutumbililiyi ijinadindi, nindi Dani. 7Nduŋu yaRacheli Biliha wabaabili cheŋi ivumudikwawu, wamuvweleli Yakoba mwana weyala wamuchiyedi. 8Racheli nindi, Nadikwati dehi kampaŋa kakeni kakavulu namana kwami, namubulu mufutu. Wanamutumbihi ijina dindi, nindi Nafwatali.

9Leya chamweniyi nakumishi dehi kuvwala, hakutambula nduŋu yindi Zilipa, hakumwinkayi Yakoba akeli Iŋodindi. 10Zilipa nduŋu yaLeya wa muvweleli Yakoba mwana weyala. 11Leya nindi, O kukooleka. Yonamutumba ijina dindi, nindi Gadi. 12Nduŋu yaLeya Zilipa wamuvweleli Yakoba mwana weyala wamuchiyedi. 13Leya nindi, O kuwaha kunatiyami. Akwetu ambanda akantenaŋa nawu, Watiya kuwaha. Yonamutumba ijina dindi, nindi Asheri.

14Hamafuku aaŋulaŋawu tidiku Rubeni waweni nyitookato-oka mwiha, hakutwala kudi mama yindi Leya. Racheli hakumwila Leya, nindi, Anyinkuhu mwani, nyitookatooka yamwaneyi. 15Yena hakumwakula, nindi, Kuntambula nfumwami chikehi, wutambuli nawa nyitookatooka ya mwanami? Racheli nindi, Komana wufuku owu wukukama nindinanoyu nyitookatooka yamwaneyi. 16Yakoba wafumini kwiha namelela, Leya hakuya nakumukinkilila, nindi, Chiŋa wiŋila mudami, muloŋa nakukwati dehi nanyitookato-oka yamwanami. Wakamini nindi wena wufuku owu.

17Nzambi wamutiyililili Leya, yoba aba nikuba aba, yomuvwela Yakobamwana weyala wamu chitanu. 18Leya nindi, Nzambi nanyinki dehi wuloku wami, nanochu chinamwinka nfumwami nduŋu yami. Yonamutumba ijina dindi, nindi Isakari. 19Leya wabaabili cheŋi ivumu, wamuvweleli Yakoba mwana weyala wamu chitanu nawumu. 20Leya nindi, Nzambi naniheteshi maheta alala. Ichi dinu nfumwami wukushakama nanami, muloŋa namuvweli dehi anyana amayala atanu nawumu. Yonamutumba ijina dindi, nindi Zebuluni. 21Chanafuntili yumu yovwala mwanawa mumbanda, yonamutumba ijina dindi, nindi.

22Diŋa Nzambi wamwanukili Racheli, wamutiyililili, wamujikwili lusemulwindi. 23Yoba aba nikuba aba, hakuvwala mwana weyala. Nindi, Nzambi nanfumishili dehi nsonyi. 24Wanamutumbili ijina dindi, nindi Yosefu, nindi, Yehova wakambombelaku mwana mukwawu weyala.

25Chelayi Racheli navwali dehi Yosefu, Yakoba hakumwila Labani, nindi, Nleki niyaŋa nakafunti cheŋi kwetu, kwituŋa detu. 26Anyinkini aŋodi jami ni anyanami inakukalakeleli, nleki niyi; wuneluki mudimu wunakukalakeleli. 27Labani wamwilili nindi, Neyi wunamonami kuwaha, shakamaku. Nashinshiki dinu komana Yehova nankoolekeshi dehi hamujimbaweyeyi. 28Nindi, Nleji muwufwetu weyi, nakakwinka. 29Wamwilili nindi, Eyi weluka dehi chinakukalakeli ami, niyimuna yeyi chiyanashaka muwunanami. 30Ami chinenjili, nakuweni nayimuna yantesha hohu, ichi yasemununa dehi, yavula dehi nankashi; saŋa nashakamina kunukweyeyi Yehova nakukoolekeshi hohu; indi awa ahamukala wamamiaweni namba kayihetela kumwakanyi? 31Nindi, Nikwinkidi? Yakobanindi, Hiwukunyinka chumaku. Tiya chuma chiwakaŋilila kulondanakadiishi cheŋi yimuna yeyi nakuyihemba. 32Ami nukuhita lelu mukachikayimuna yeyi nakufumishamu nyikoku yejima yikweti tumabeŋa niyamaasamaasanieliya ejima, niampembi akweti tumabeŋa niamaasamaasa; diwu akela wufwetu wami. 33Chiwamba kenza nakuhosha jawufwetuwami wakamona chinashinshika, neyi wakawana kudami ampembi akaditumabeŋa, niákubula maasamaasa, nianyikoku ákubula kwiliya, wakankwatakweyi wukombi.

34Labani nindi, Chachiwahi, twilenu muwunahoshi. 35Ifuku dodenoduwa fumishilumu yizamba yawampembi yejima yikweti nyileji, ninyikajiya wampembi yamaasamaasa, niyikweti tumabeŋa, yejima yikweti kutooka kwanti, ninyikoku yeliya yejima. Wayinkeli anyanindi. 36Washili mukachi kayena naYakoba mpata yakweseka mukwenda kwamafuku asatu. Yakoba hakudiishaŋa yimuna yaLabani asheluhu. 37Yakoba hakuteta tunyitondu twatwovu twanyipopilari nialimondana nyilendi, hakutubwambula mabeka mabeka atooka, mutondu wutooka wamukachi wumwekana. 38Hakusha tunyitondu twabwambwiliyi kumesu awayimuna mwawoŋakana muyizawu yakunwisha meji kwanwininu wuyimuna meji. Chayilaŋawu nakunwa hiyakutachika nimavumu. 39Hiya kutachi kanimavumu kuna kutunyitondu, hiyakuvwala anyana, nianyileji niamaasama asa niatumabeŋa. 40Yakoba wayambwili anyana, hakutalishamesu awayimuna kudi anyileji, nikudi eyila ejima ahadi yimuna yaLabani. Nyikanka yayomwenindi wayishili hakanka wawu, hayibombeli nayimuna yaLabanuku. 41Nochu welili, chakuta chikawu mavumu, yimuna yakola yaYakoba hakuyishila tunyitondu kumesu awu muyizawu, kulonda akata chiki mavumu mukachi katunyitondu; 42ilaŋa yimuna yayonda hatushili mwoku; choche nochu yayonda hiyikwikala yaLabani, hakwila yakola yaYakoba. 43Yena iyalowu hakuheta nankashi, waheteli ninyikanka yayeni yawayimuna, nianduŋu awambanda nianduŋu amayala, nianŋameli, niayimbulu.

Currently Selected:

Genese 30: MW62

Highlight

Copy