Genese 24
24
1Abarahama welili kashinakaji, nyaka yindi yamuvulilili. Yehova wamuko olekesheli Abarahama muyuma yejima. 2Abarahama hakumwila ŋamba yindi, mukulumpi wahamukala windi, yowu wadiŋi kapitawu kayuma yindi yejima, nindi, Shaku mwani, chikasa cheyi mwishinadekata dami. 3Nukukusa nyikisha wusanyiki Yehova, Nzambi mwini iwulu, Nzambi mwini iseki, neyi, hiwukumusumbwila mwanami mumbandawahadi anyana kawaKenani, awa nashakama nawuku. 4Chiŋa wakayakwituŋa detu, kudi antaŋa jami, kwoku wakamusumbwila mwanami Isaka mumbanda. 5Ŋamba hakumwihula nindi, Hadaha mumbandahaketiya kwinza nanami kwituŋa dinuku; chiŋa nakamutwala mwaneyi mwituŋa muwafumini, tahindi? 6Abarahama hakumwila nindi, Chinjila! Bayi wumutwala mwanami kwenokuku. 7Yehova, Nzambi mwini iwulu, wanfumishili kwatata, mwituŋa dinavwalikili, wahosheli nanami, wasanyima; kili nindi, ituŋidi nakayinka anyaneyi, diyi wakatemeshaŋahu dehi kaŋelukindi, nineyi wakamusumbwila mwanami mumbanda wakwenoku. 8Neyi mumbanda haketiya kwinza ninduku, eyi wunayiŋi nanichi chiwunasanyiki, hakwila mwanami kumutwala kwenoku chinjila. 9Ŋamba washili chi kasachindi mwishina dekata damwanta windi Abarahama, asanyika nikusanyika hansaŋu oyu.
10Ŋamba wanoneni anŋameli jamwanta windi ikumi, hakuya. Muloŋayuma yamwanta windi yayiwahi yejima yadiŋi kudi yena. Yonya mukani kunya muka, hakuya nikuMesopotamiya, kumukala waNahori. 11Wafukamishili anŋameli hamaseki kunsa yamukala kwishima dameji hamelela, hayilaŋawu ambanda nakutaha meji. 12Welili nindi, Eyi Yehova, Nzambi yamwanta wami Abarahama, aŋendeshi mwani chachiwahi lelu, amwili mwanta wami Abarahama luwi. 13Tala, yaminu kwima niwu kunu kukaseloki kameji, nianyana awambanda kamayala ahamukala hiyakwinza nakutaha meji. 14Yowu chaŋadima inukwilanami, Tulaku nsaba yeyi ninwi meji, niyena hakwila nindi, Nwaku eyi, ninwishi nawa anŋameli jeyi, yenowu diyi wakela kwindi mumbanda, iwunamufu ukwili kambuŋeyi Isaka. Hohenaha hinukwilukila namiwuna mumwekesheli mwanta wami luwi.
15Cheliliyi yena kanda akumishi kuhosha, kutala Rebeka wukwinzowuninsaba yindi hachifwiji, diyi avweleluwu Betuweli, niyena mwana kaMilika, iŋoda Nahori mana kwaAbarahama. 16Yenowu chaŋadima kumutalawasweja lubanji, himujiki kwindi, kanda adiluki neyalaku. Wakunku mukilikuka seloki, hakwinzesha nsaba yindi, hakukandama cheŋi. 17Ŋamba wayili lufuchi nakumukinkilila, nindi, Anyinkuhu mwani, tumeji twanteshatwa munsaba yeyi ninwi. 18Yena nindi, Nwaku mwanta. Wanyakeli, hakutenteka nsaba yindi muchikasa chindi hakumunwisha meji. 19Chakumi shiliyiku munwisha meji, welili nindi, Tali niyitahili anŋameli jeyi meji nawa, nichiya kaku mishawu kunwa. 20Hakunyakala nikunyakala, hakuhuŋununa muchizawu meji asheli munsaba yindi, hakuya cheŋi lufuchi kwishima nakutaha, hakuyitahila anŋameli jindi ejima meji. 21Iyala saŋa amwenenayi zo-o, hakumushinshika, kulonda eluki neyi kwiji Yehova namwendeshi chachiwahi munjila yindi, tahindi nehi.
22Cheliluwu anŋameli anakumishi dehi kunwa, Iyala hakuloŋolola kazeyakawuru pezu yaku mulushekeli lwahafu, ninyibulu yiyedi yakusha kumakasindimpezu yayu mujishekeli jawuru ikumi daju. 23Nindi, Indieyi wumwana kanyi? Anleji mwani. Oku kwitala datata yeyi kudi kwakushikena etu? 24Yena nindi, Ami ni mwana kaBetuweli, niyenahimwana kaMilika, yowu avweleliyi Nahori. 25Wamwilili nawa nindi, Kwetu kudi nimatahu awuma amavulu nikudya kwakuvulu, nikwa kukama antu kudi kwoku. 26Iyala wanopamini namutu windi, wadifukwiii kudi Yehova. 27Nindi, Kisu kisu, Yehova Nzambi yamwanta wami Abarahama, sapa amumwekeshelayi mwanta wami niluwi lwindi nikashinshikindi. Hakwinza ami, Yehova nanlomboli munjila yakuya kwitala dawana kwamwanta wami.
28Chapadima wayili lufuchi, wayilejeli kwitala damama yindi mwejima mwanahoshiyi mazu awa. 29Rebeka wadiŋi namana kwindi weyala, ijina dindi Labani. Labani wayili lufuchi kudi iyala kuna kukaseloki, 30cheliliyi chamweniyi nikazeya, ninyibulu yidi kumakasa amuhelindi, natiyidehi nimazu amuhelindi Rebeka dayi nindi, dichanahoshiyi iyala, hakuyakudi iyala, kumuwana iwu nemaniwu kudi anŋameli kukaseloki. 31Hakwila nindi, Ipilaku, eyi anakiswiluwu nkisu kudi Yehova; wunemenidi hanzi? Naloŋeshi dehi itala, nimwakukama anŋameli. 32Iyala wepilili mwitala; Labani hakuyikasununa anŋameli yiteli yawu, hakuyinka anŋameli nimatahu awuma nikudya kwawu, nimeji akumuwelesha nikunyendu yindi yena, nikunyendu yamayala adiŋiyi nawu. 33Anamutulilili yakudya. Yena kwindi nindi, Ami kwami kudya nehi, chiŋa nishimuna nsaŋu yami yinendela. Mukwawu nindi, Shimunaŋa.
34Nindi, Ami nipamba yaAbarahama. 35Yehova namukoolekeshi mwanta wami nankashi. Wela dehi muneni. Yehova namwinki ninyikankayampembi nanyikoku, ninyikanka yawaŋombi, nisiliva niwuru, nianduŋuamayala, nawambanda, nianŋameli niayimbulu. 36Sara, iŋoda mwanta wami, cheliliyi neli dehi kashinakaji, hakumuvwela mwanta wamimwana weyala. Yena diyi anenkiyi yuma yejima yadiyi nayu. 37Mwantawami nansanyikishi nindi, Bayi wakamusumbwila mwanami mumbanda wakudi aKenani akweti ituŋa dinashakamaku. 38Nindi, Chiŋa wuya kwatata, kuchisaka chami kwoku wakamusumbwila mwanami mumbanda. 39Ami namwilili mwanta wami nami, Hadaha mumbanda wakaleka kwinzanami? 40Yena waŋilili nindi, Yehova, inendaŋa kumesu indi, wakatemeshakaŋelu kindi wuyi nindi hamu, wakakwendesha chachiwahi, wakamusumbwila mwanami mumbanda wakuchisaka chami, kwokwatata. 41Eyi wakayiŋa nachina chiwunasanyiki, chiwakashika kuchisaka chami; neyi akabula kukwinkayi, wakayiŋa nakusanyika kuwunasanyiki.
42Ami lelu nashika kukaseloki, hinukwila nami, Eyi Yehova, Nzambi yamwanta wami Abarahama, tutali dinu neyi wudi nakuŋendesha chachiwahi munjila yami yinukwenda. 43Yami nukwimaniwu kukaseloki kameji. Yowu chaŋadima wukwinza nakutaha meji, chinukumwila nami, Anyinkuhu mwani tumeji twantesha munsaba yeyi ninwi; 44niyenahakaŋilami nindi, Anwaŋa mwani, niyitahili nianŋameli jeyi nawa, yoyenowu diyi mumbanda anatoŋweluwu mwana kamwanta wami kudi Yehova.
45Ninami nichidi kanda nikumishi kuhosha mumuchima wami, kutala Rebeka hakwinza ninsaba yindi hachifwiji, hakukunkumuka nikukaseloki, hakutaha meji. Hinukumwila nami, Anyinkuhu meji akunwa mwani. 46Yena hakunyakala, hakufumisha nsaba yindi kuchifwiji chindi, nindi, Anwaŋa mwani, nukuyinwisha nianŋameli jeyi nawa. Ami ninwa nikunwa, hakunwisha nianŋameli nawa. 47Nimwihula nami, Indi eyi wumwanakanyi? Yena nindi, Ni mwana kaBetuweli, diyi mwana kaNahori, yowuavweleliyi Milika. Nimusha nikazeya kumuzulu windi ninyibulu kumakasindi. 48Ninoŋama ninamutu wami, nakudifukula kudi Yehova, nikisulaninkisu nakumutena Yehova, Nzambi yamwanta wami Abarahama, nanlombolimunjila yakadi kujimbala, nimusumbwili mwana kamwanta wamimumbanda, mwizukulu wamana kwamwanta wami. 49Dichi neyi mukumwila mwanta wami chaluwi chakashinshi nlejenu, neyi nehi, nlejenunawa kulonda nitalishi hela kuchikasa chachidiilu, indi kwiji kuchikasa chachimunswa.
50Kuchinka aLabani naBetuweli, nawu, Chuma chinafumi kudi Yehova, hitukweti mwakuhosha neyi hela mwatama hela mwamuwahuku. 51Rebeka owu. Mutambuli, muyaŋa, akeli iŋoda mwana kamwanta weyi, mwomwanahoshiyi Yehova.
52Cheliliyi ŋamba yaAbarahama natiyi dehi mazu awu, hakumubandamina Yehova nikumaseki. 53Ŋamba waloŋolweli niyuma yasiliva niyumayawuru, nimahina akuvwala, wamwinkeli Rebeka. Wenkeli nimanakwindi nimama yindi yuma yalema. 54Adiili, anwini, akamini niyenaniamayala adiŋiyi nawu. Chahindukiluwu budidi, hakwila nindi, Ŋitejenu nifunti kudi mwanta wami. 55Kutiya nimana kwamumbanda nimamayindi nawu, Muleki chaŋa dima tushakamuhu nindi mafuku hela ikumi, hakaya nikuya. 56Hakuyila nindi, Bayi munlabishaku, muloŋa Yehova naŋendeshi chachiwahi. Ijiŋenunifunti cheŋi kwami kudi mwantawami. 57Wena nawu, Imana, tutambiki chaŋa dima tutiyi kukanwakindi yemweni. 58Amutambikili Rebeka, amwihwili nawu, Wukuyanindi iyaliwu, tahindi? Yena nindi, Nukuya. 59Ayilekeli, nimuhela wuRebeka, ninleli yindi, niŋamba yaAbarahama, niantu indi nawu, Yenuŋa. 60Amukiswilili Rebeka nkisu nakumwila nawu, Eyi muheletu, wakehmama yawantu makombakaji amakumi amakombakaji, anyaneyi akahetaŋa chisu chanawa akayihela. 61Rebeka wanyamukili, nituluŋwŋi twinditwawambanda hiyakwenda hanŋameli, hiyakuya neyala. Ŋamba watambwili Rebeka hakuya nikuya.
62Isaka wafumini kuBeri Lahayi Royi, muloŋa washakamini mwituŋa dakukabeta kakuchidiilu. 63Isaka wayili melela mwiha nakutoŋojoka wafumbwili mesu indi, wamweni anŋameli ana akwinza ana. 64Rebekani yena wafumbwili mesu indi, chamweniyi Isaka, wasulukili hanŋameli. 65Wamwihwili iŋamba, nindi, Ona wukwenda mumpata hakwinza nakutukinkililahi iya lanyi? Ŋamba nindi, Himwanta wami. Hakunona ihinadindi dakudibuta nachu kumesu, yodibuta nikudibuta wi-i. 66Ŋamba wa mulejeli Isaka yuma yeliliyi yejima. 67Isaka wamusokejeli mwitenti damama yindi Sara, wamutambwili Rebeka, niyena hakwikala Iŋodindi. Wamukeŋeli. Niwushona wakufwa kwamama yindi wumufuma niku mufuma Isaka.
Currently Selected:
Genese 24: MW62
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
