Luka 9

Yesu mwatuma tumbaji twenyi

(Mat 10:5-15; Mako 6:7-13)

1 # Mat 10:5; Mako 6:7 Jino omu akungulwile tumbaji twenyi likumi navavali (12) hamwe, avahanyine ngolo nawata hali vandemone vosena nakuka misongo.

2Kaha avatumine vakavilike #Mat 10:7wangana waKalunga, nakuhindula vaveji.

3Avalwezele ngwenyi, #9:3-5; 10:4-12; 22:35Kanda namumbata chuma chakuya nacho muungejiko, chipwe mukombo, chipwe chola, chipwe vyakulya, chipwe jimbongo, kaha kanda mupwa navikovelo vyavisuku vyamukachi vivaliko.

4Kaha mweshomwo muzuvo namukengila, katwamenunga vene muze, palanga nomu namukafuma kuze.

5Kaha kweshokwo navakazeneka kumitambula, omu namukalovoka mulimbo lize lyakembwe #10:11; Vili 13:51kalitotomonenu lukungu kuvilyachilo vyenu, chikapwe unjiho wakuvahishilaho.

6Kaha vayile, vahichilenga mumembo nakwambulula mujimbu wamwaza nakuhindula vatu kwosena.

Kukakasana chaHelote

(Mat 14:1-12; Mako 6:14-29)

7Jino mwangana Helote evwile vyosena vize vyapwile nakusoloka, kaha akakasanyine, mwomwo #9:19vamwe vambile ngwavo Yowano vanamusangula muvafu,

8vakwavo ngwavo Elija nasoloka, kaha veka nawa ngwavo umwe wavapolofweto vakushikulu nasanguka.

9Oloze Helote ambile ngwenyi, Yowano ngwamutapile lyehi. Nyi Ou nguli nakwivwa váli nakuvulukila vyangana, iya? Kaha #23:8asakile kumumona.

Yesu mwalisa makombakaji avatu

(Mat 14:13-21; Mako 6:30-44; Yowa 6:1-14)

10 # 10:17; Mako 6:30-31 Omu vaposetolo#9:10 Tala ha6:13. vahilukile, valwezele Yesu vyosena vize valingile. Kaha ayile navo kwakuhengama kulimbo lyakembwe vavuluka ngwavo Mbetesaita.

11Oloze omu mazavu avatu atachikijile kuze áyile vamukavile, kaha omu avatambwokesele, ahanjikile navo vyawangana waKalunga, kaha vaze vapwile nakuviza, avahindwile.

12Jino hakuhunguluka chalikumbi, vaze likumi navavali (12) vejile nakwamba ngwavo, Suula eli lizavu lyavatu mangana vayenga kumembo nakujingalila jamande jinajingilika vakasavaleko nakuwana vyakulya, mwomwo muno tuli mupambo.

13Kaha avambile ngwenyi, Vahanenu vyakulya vene enu. Oloze vamukumbulwile ngwavo, #2 Vamy 4:42-44Katweshi navyakulya vyekako, shina tumbolo tutanu navaishi vavali kaha. Kuvanga pamo etu tuyenga nakulanjila ava vatu vosena vyakulya,

14mwomwo malunga kaha vapwile kafwe makombakaji atanu (5,000). Oloze ambile tumbaji twenyi ngwenyi, Valwezenu vatwame mumazavu, halizavu hilizavu hapwenga makumi atanu (50).

15Kaha valingile ngocho, vosena vatwamine.

16 # 22:19; 24:30-31 Kaha omu atambwile tuze tumbolo tutanu navaze vaishi vavali, atalile mwilu, asakwililile, #Vili 2:42; 20:11; 27:35kaha atupuzwile nakuhana tumbaji twenyi vahane vaze vatu.

17Kaha vosena valile nakwikuta, kaha vihanda vize vyasalileho, vavimbachile nakuzalisa jimbángo likumi najivali.

Petulu mwavuluka Yesu ngwenyi Ikiye Kulishitu

(Mat 16:13-20; Mako 8:27-30)

18Jino chasolokele #3:21; 5:16; 6:12; 9:28; 11:1omu apwile nakulomba uka wenyi, tumbaji twenyi kuvapwile, kaha avahulishile ngwenyi, Mazavu avatu eji kwambanga ngwawo Yami Iya?

19Kaha vamukumbulwile ngwavo, Veji kwambanga ngwavo, Yove #9:9Yowano muka-kujimika vatu. Oloze vakwavo ngwavo, Elija. Veka nawa ngwavo, Umwe wavaze vapolofweto vakushikulu násanguka.

20Kaha avahulishile ngwenyi, Nyi enu mweji kwambanga ngwenu Yami Iya? Petulu amukumbulwile ngwenyi, #Yowa 1:49; 11:27; 6:66-69Yove Kulishitu yaKalunga.

21Kaha #Mat 16:20; Mako 8:30avakanjile chikuma nakuvalweza vazeneke kuchambulula chipwe kuli umwe.

Yesu mwavuluka kufwa chenyi

(Mat 16:21-28; Mako 8:31—9:1)

22Jino avalwezele ngwenyi, Kuvanga #9:43-45; 18:31-34; 17:25; Mat 16:21; Mako 8:31Mwanamutu akamone makava mwamuvulu nakumukana kuli vakulwane navapilishitu vavalemu navaka-kusoneka, nakumujiha, kaha halikumbi lyamuchitatu navakamusangula kuli Kalunga.

23Kaha ambile vosena ngwenyi, Weshowo mwasaka kungukava, alikanyise vize áfwila ivene kaha, alitwike kulusu yenyi hakumbi hakumbi nakungukavangizanga.

24 # 9:24-25; Mat 10:38-39; Luka 14:27; 17:33; Yowa 12:25 Mwomwo weshowo mwasaka kulwila mwono wenyi mwaujimbalisa. Oloze weshowo mwajimbalishila mwono wenyi hali Ami, mwaulwila.

25Mwomwo mutu mwawanyinaho ika nge mwaheta kaye kosena, oloze mwalitokesa ivene chipwe kulivindamisa?

26Mwomwo #12:9; Mat 10:33; 1 Yowa 2:28weshowo mwangwivwila sonyi, nakwivwila mazu ami nawa sonyi, naMwanamutu nawa mwakamwivwila sonyi omu mwakeza muupahu wenyi, ukiko vene waIse navangelo vajila.

27Mwamuchano nangumilweza ngwami, kuli vamwe vanemana hano kaveshi kufwako#9:27 MuchiHelase ngwavo, kaveshi kukamakila kufwako., swi-i nakukumona wangana waKalunga.

Yesu mwasoloka mwaupahu

(Mat 17:1-8; Mako 9:2-8)

28 # 9:28-36; 2 Pet 1:17-18 Jino chasolokele omu mwahichile kafwe makumbi atanu naatatu kufuma haze ahanjikile vihande evi, ambachile #8:51Petulu naYowano naYakova nakukanduka navo hapili #3:21; 5:16; 6:12; 9:18; 11:1nakulomba.

29Kaha chasolokele omu apwile nakulomba, chihanga chenyi chasolokele mweka, nauvwalo wenyi watomene nakuvyakuma.

30Kaha kukasumuka malunga vavali, Mose naElija, vali nakushimutwila nenyi,

31vasolokele muupahu, kaha vapwile nakuvuluka kulovoka#9:31 Ngana omu Mose alowele vaIsalele muundungo muEjipitu, Yesu hakufwa chenyi alowele vatu muundungo. chenyi chikiko kufwa chize mwatesamo linwomu kuYelusalema.

32Oloze Petulu navaze apwile navo #Mat 26:43; Mako 14:40meso avo alemene natulo, kaha omu vatonene kanawa, vamwene #Yowa 1:14upahu waYesu navaze malunga vavali vemanyine nenyi.

33Kaha chasolokele omu vapwile vaze vavali nakumuseza, Petulu ambile Yesu ngwenyi, #5:5; 8:24, 45; 9:49; 17:13Ove Mwata, nachiwaha tupwenga kuno. Tutunge visakila vitatu, chimwe chayOve, chimwe chaMose, chikwavo chaElija — oloze katachikijile ovyo apwile nakuhanjikako.

34Shimbu apwile nakuhanjika ngocho, livwi lyejile nakuvafwika, kaha vevwile woma hakwingila muze mulivwi#9:34 MuchiHelase ngwavo, vevwile woma omu vengilile muze mulivwi..

35Kaha muze #3:22; Yowa 12:28-30; 2 Pet 1:17-18mulivwi mwafumine lizu lyakwamba ngwalyo, #Mat 3:17Ou Ikiye Mwanami ngwátongola, mwivwililenunga.

36Kaha omu lyaholele lize lizu, Yesu apwile kaha uka wenyi. Kaha vize vamwene vaholele navyo hamakumbi aze, #Mat 17:9; Mako 9:9-10kavavilwezele naumweko.

Yesu mwahindula mukweze apwile nashipilitu waunyengwe

(Mat 17:14-21; Mako 9:14-29)

37Chasolokele omu kwachele, oho vanashikumuka lyehi kufuma hapili, lizavu lyalinene lyamuhumanganyine.

38Kaha kukasumuka, lunga umwe muze mulizavu mwatambakana ngwenyi, Ove Muka-kunangula, ngunalembe, utaleko kuli ou mwanami walunga, mwomwo mwanami umwe-lyamunwe —

39mukasumuka shipilitu waunyengwe namukwate lyehi, kaha hahaze vene mwatetumuka. Kaha eji kumutunyisanga nakumutupwisa lifulu kukanwa nakumulemejekesa chikuma, kaha keshi nakumwechanga washiko.

40Kaha ngwalembanga kuli tumbaji twove vamulovoleyo, oloze kavahashileko.

41Kaha Yesu akumbulwile ngwenyi, Enu vaka-chisemunwino chakuzeneka lufwelelo, chakuhingama! Nangutwamanga nayenu nakumiyanjila palanga nakumwaka uka? Neha mwanove kuno.

42Shimbu uze mukweze apwile nakwiza kuli Yesu, uze ndemone amumbilile hamavu nakumukonyesa chikuma. Oloze Yesu ahanjikilile uze shipilitu waunyengwe, okile uze mukweze nakumuhana cheka kuli ise.

43Kaha vosena valihomokelele unene waKalunga nangolo jenyi.

Yesu mwavuluka cheka kufwa chenyi

(Mat 17:22-23; Mako 9:30-32)

Shimbu vosena vapwile nakulikomokela havyuma vyosena alingilenga, Yesu ambile tumbaji twenyi ngwenyi,

44Hakenu michima yenu kumazu awa, mwomwo linwomu #9:22vahane Mwanamutu kumavoko avatu.

45Oloze #18:34; Mako 9:32chihande kana kachavalumbunukilileko, kaha chapwile chakusweka mangana vazeneke kuchijiva, kaha vevwile woma wakumuhulisa chihande kana.

Iya ahambakana vakwavo?

(Mat 18:1-5; Mako 9:33-37)

46Jino mukachi kavo mwakatukile jipami vawane ou ahambakana vakwavo vosena ulemu.

47Jino #Mat 9:4hakutachikiza kujina chamichima yavo, Yesu ambachile mwana wamundende nakumwimika kuli Ikiye nakuvalweza ngwenyi,

48Weshowo mwatambula ou kanyike wamundende mulijina lyami, natambula Ami. #10:16; Mat 10:40Kaha weshowo mwangutambula, natambula Uze angutuma. #22:26Mwomwo ou akuminamo mukachi kenu muvosena, ikiye vene wamulemu.

Ou keshi nakole nayenuko, ikiye mukwenu

(Mako 9:38-40)

49Yowano ambile ngwenyi, #5:5; 8:24, 45; 9:33; 17:13Ove Mwata, twamonanga umwe apwanga nakulovola vandemone mulijina lyove, kaha twamukandanga, mwomwo ikiye kakukavangiza ove hamwe nayetuko.

50Oloze Yesu amwambile ngwenyi, Kanda mumukandako, #11:23; Mat 12:30mwomwo ou keshi nakole nayenuko, ali kumwe nayenu.

Yesu mwahanjikila vaYakova naYowano

51Kaha omu makumbi apandamine #Mako 16:19akumutambula mwilu, Yesu ajikile muchima wenyi nameso enyi haungeji #13:22; 17:11; 18:31; 19:11, 28wakuya kuYelusalema.

52Kaha atumine valuwa kulutwe. Kaha omu vayile vengilile mulimbo limwe #Mat 10:5; Yowa 4:4lyavaSamaliya ngwavo vamulongesele kwakushikila,

53oloze kavamutambwileko, mwomwo #Yowa 4:9atalikishile kuYelusalema.

54Kaha omu tumbaji twenyi, #Mako 3:17vaYakova naYowano, vachimwene, vamuhulishile ngwavo, Ove Mwata, nausaka #2 Vamy 1:9-16tuvasanyikile kakahya kafume mwilu kavanongese tahi?

55Oloze alumukile nakuvahanjikila [ngwenyi, Kamwatachikijile kupwa chaShipilitu Ou mwapandamako. Mwomwo Mwanamutu keza nakunongesa myono yavatuko, oloze nakulwila.]

56Kaha vayile kulimbo likwavo.

Omu chakaluhwa kukavangiza Yesu

(Mat 8:18-22)

57Omu vapwile nakuya mujila, umwe ejile nakumwamba ngwenyi, Nangukukavangiza kweshokwo nauya.

58Kaha Yesu amwambile ngwenyi, Myumbwe vatwama namena, tujila vahelu vatwama namaswa, oloze Mwanamutu keshi naaha hakusachila mutwe wenyiko.

59Kaha alwezele mukwavo ngwenyi, #Mat 8:22Ngukavangizenga. Oloze ikiye amukumbulwile ngwenyi, Ove Mwata, ngwitavise nguvangile kukafunda tata#9:59 Nge ngwenyi, avandamine palanga nomu ise mwakafwa..

60Oloze Yesu amukumbulwile ngwenyi, Seza vafu vakafunde vafu javo. Oloze ove, yako uvilikenga wangana waKalunga.

61Mukwavo nawa ambile ngwenyi, Ove Mwata, nangukukavangiza, oloze #1 Vamy 19:20ngwitavise nguvangile kukasalisa vaze vakuzuvo yami.

62Oloze Yesu amwambile ngwenyi, Ou mwakwata kulitemo lyavangombe nakulima, kaha mwatala kunyima, #Fwili 3:13katela wangana waKalungako.

Currently Selected:

Luka 9: LUE

Highlight

Copy