Luka 17

Kuvulumwisa mukwenu

(Mat 18:6-7, 21-22; Mako 9:42)

1 Yesu alwezele tumbaji twenyi ngwenyi, #Mat 18:7; 1 Koli 11:19; 1 Chim 4:9Vyakuvulumwisa kavyeshi kuhasa kuzeneka kwizako, oloze luvinda lwenyi ou mwavulumwisa mukwavo!

2Chawahile kachi vamukashilile lilolwa lyalinene lyakuchekela unga mushingo nakumumbila mukalungalwiji, kuhambakana kuvulumwisa umwe waava vavandende.

3Nyingililenu enu vavene! #Mat 18:15Nge ndumbwove mwavulumuna, muhuhumune. Kaha nge mwakunyuka hashili nakwalumuka mumuchima, mukonekele.

4Kaha nge mwakuvulumuna #Mat 18:21-22katanu nakavali halikumbi lyolimwe, nakwiza nawa kuli ove katanu nakavali nakulumbununa omu nakunyuka hashili nakwalumuka mumuchima, mukonekele.

Tutohwesele lufwelelo

5 # 17:5-6; Mat 17:20; 21:21; Mako 11:22-23 Shikaho vaposetolo#17:5 Tala ha6:13. vambile #7:13Mwata ngwavo, Tutohwesele lufwelelo.

6Kaha Mwata avambile ngwenyi, Nge mwapwanga nalufwelelo lwakufwana nge #Mat 13:31linona lyambuto yamusetale#17:6 Linona lyambuto yamusetale, lyapwa lyalindende chikuma. Tala Mat 13:31., kachi munahase kwamba ou musuhwa ngwenu, Vunyuka nakulitumba mukalungalwiji, kaha kachi naumyononoka.

Milimo yandungo

7Jino mukachi kenu muli iya atwama nandungo áli nakulima chipwe kufunga mikoko, omu mwafuma kuwande mwamwamba ngwenyi, Ingila, hambakanyina kumesa usendavale nakulya. Mwahasa kulinga ngocho numba?

8Kumana keshi kumwamba ngwenyi, Ngulongesele vyakulya, #12:37; Yowa 13:3-5vwala kanawa, nguhane vyakulya ngulyenga, nomu nangukumisa kulya nakunwa, numba ove nawa ulyenga nakunwa. Keshi mukikoko?

9Uze ndungo hakulinga vize vamulwezanga, navamusakwilila numba?

10Mwomumwe nayenu nawa, omu namulinga vyosena vanamilweze, ambenu ngwenu, Tuvandungo vakuzeneka kutesamo, tunalingi evi twatela kulinga kaha.

Yesu mwatomesa vaka-mbumba likumi

11Kaha chasolokele omu apwile nakuya #9:51; 13:22; 19:11kuYelusalema, apulasanyine mukachi kaSamaliya naNgalileya.

12Hakwingila mulimbo limwe, kwamuhumanganyine malunga vaka-mbumba likumi, #Levi 13:45-46vemanyine hahasuku.

13Kaha vakiko vatambakanyine ngwavo, Ove Yesu, ove #5:5; 8:24-25; 19:33, 39Mwata, tutetele.

14Hakuvamona avambile ngwenyi, Yenu #5:14; Mat 8:4; Mako 1:44; Levi 23:2-32mukalisolole kuli vapilishitu. Kaha omu vapwile nakuya, kukasumuka, vanatomo!

15Kaha umwe wavo omu amwene ngwenyi vanamuhindula, ahilukile oku ali nakwalisa Kalunga haupahu wenyi nalizu lyakukanguka.

16Kaha alimbilile chameso-hamavu kumahinji aYesu nakumusakwilila. Ou apwile kaSamaliya.

17Kaha Yesu ahanjikile ngwenyi, Kumana vaze vanatomesa kavapwanga likumiko? Nyi vaze vatanu navawana vavalihi?

18Kumana, nou nakinduluka nakwalisa Kalunga haupahu wenyi wauchi, shina ou muka-muyachi weka kaha?

19Kaha amwambile ngwenyi, Katuka, liyilenga kwove, #8:48; 18:42; Mat 9:22; Mako 5:34lufwelelo lwove lunakuhindula.

Kwiza chawangana waKalunga

(Mat 24:23-28, 36-41)

20Omu vaFwaliseu vamuhulishile ngwavo, #19:11; 21:7; Vili 1:6Wangana waKalunga nawiza mwaka uka? Avakumbulwile ngwenyi, Wangana waKalunga kaweshi kwiza hakuulavijizako.

21Chipwe kwamba ngwavo, Talenu, uno uli kuno, chipwe ngwavo uze uli kuze. Chiku. Mwomwo wangana waKalunga uli mukachi kenu.

22Kaha alwezele tumbaji twenyi ngwenyi, #5:35; Mat 9:15; Mako 2:20Kuli nakwiza makumbi omu namukafwila chikuma ngwenu mumone likumbi limwe lyahamakumbi aMwanamutu, oloze kamweshi kukalimonako.

23 # 21:8; Mat 24:23; Mako 13:21 Kaha navakamyamba ngwavo, Talenu, ali kuze, ngwavo, Talenu, ali kuno. Kanda namukaya nakuvakavangizako.

24Mwomwo #Mat 24:27; Kuso 1:7ngana muze weji kuvesanga muveso, nakwilu kwosena zwalala, kufuma kumutamba umwe nakuheta kumutamba ukwavo, mukiko mwakapwa Mwanamutu halize likumbi lyenyi.

25Oloze #9:22; Mat 16:21chakavanga, kuvanga amone makava muvyavivulu, nakumukana kuli vaka-chisemunwino chino.

26Kaha #17:26-27; Kupu 6:5-8; 7:6-24ngana muze chapwile hamakumbi aNowa, mukiko nachikapwa nawa hamakumbi aze aMwanamutu.

27Valilenga nakunwa, vambachilenga, vasombokelenga, palanga nakulikumbi lize engilile Nowa muwato, nomu lyejile livaji nakunongesa vosena.

28Chochimwe nawa, #Kupu 18:20-23; 19:24-28nge muze chapwile hamakumbi aLote, valilenga nakunwa, nakulanda nakulandulula, nakutumba nakutunga,

29oloze halikumbi lize alovokele Lote muSotome, kakahya nasulufulu#17:29 Sulufulu vikiko vitumbo vyausungwa. Hakuwema navilovola wishi wakuswamisa kumiliu wakuneha kufwa. vyanókele kufuma mwilu nakunongesa vosena.

30Mukiko nachikapwa nawa halikumbi #1 Koli 1:7; 2 Teso 1:7; 1 Pet 1:7; 4:13; Kolo 3:4; 1 Yowa 2:28; Mat 16:27navakasolola Mwanamutu.

31 # 21:21; Mat 24:17-18; Mako 13:15-16 Halikumbi lize, uze mwakapwa helu yazuvo, shimbu vyuma vyenyi víli muzuvo, akachine kaha, kanda akasuluka nakuvimbatako. Chochimwe nauze mwakapwa kuwande, kanda akakindulukako.

32 # Kupu 19:26 Anukenu pwevo lyaLote.

33 # Mat 10:39; 16:25; Mako 8:35; Luka 9:24; Yowa 12:25 Weshowo mwasaka kulilamina mwono wenyi mwaujimbalisa, oloze weshowo mwajimbalisa mwono wenyi mwaulama.

34Nangumilweza ngwami, Haufuku uze, vatu vavali navakapwa hamuhela umwe, umwe navakamumbataho, kaha mukwavo navakamuseza.

35Mapwevo vavali navakapwa hamwe nakucheka tiliku. Umwe navakamumbatako, mukwavo navakamuseza.

36[Vatu vavali navakapwa kuwande. Umwe navakamumbatako, mukwavo navakamuseza.]

37Kaha vakiko vamukumbulwile ngwavo, Kulihi, Ove Mwata? Oloze avambile ngwenyi, Kuze nakukapwa chivimbi, kwakuze navakakungulwila makuvi.

Currently Selected:

Luka 17: LUE

Highlight

Copy