Popular Bible Verses from Luka 17

Share

Kaha amwambile ngwenyi, Katuka, liyilenga kwove, lufwelelo lwove lunakuhindula.

Kaha nge mwakuvulumuna katanu nakavali halikumbi lyolimwe, nakwiza nawa kuli ove katanu nakavali nakulumbununa omu nakunyuka hashili nakwalumuka mumuchima, mukonekele.

Kaha umwe wavo omu amwene ngwenyi vanamuhindula, ahilukile oku ali nakwalisa Kalunga haupahu wenyi nalizu lyakukanguka. Kaha alimbilile chameso-hamavu kumahinji aYesu nakumusakwilila. Ou apwile ka Samaliya .

Nyingililenu enu vavene! Nge ndumbwove mwavulumuna, muhuhumune. Kaha nge mwakunyuka hashili nakwalumuka mumuchima, mukonekele.

Kaha Yesu ahanjikile ngwenyi, Kumana vaze vanatomesa kavapwanga likumiko? Nyi vaze vatanu navawana vavalihi?

Kaha Mwata avambile ngwenyi, Nge mwapwanga nalufwelelo lwakufwana nge linona lyambuto ya musetale , kachi munahase kwamba ou musuhwa ngwenu, Vunyuka nakulitumba mukalungalwiji, kaha kachi naumyononoka.

Weshowo mwasaka kulilamina mwono wenyi mwaujimbalisa, oloze weshowo mwajimbalisa mwono wenyi mwaulama.

Yesu alwezele tumbaji twenyi ngwenyi, Vyakuvulumwisa kavyeshi kuhasa kuzeneka kwizako, oloze luvinda lwenyi ou mwavulumwisa mukwavo! Chawahile kachi vamukashilile lilolwa lyalinene lyakuchekela unga mushingo nakumumbila mukalungalwiji, kuhambakana kuvulumwisa umwe waava vavandende.

Kaha ngana muze chapwile hamakumbi aNowa, mukiko nachikapwa nawa hamakumbi aze aMwanamutu. Valilenga nakunwa, vambachilenga, vasombokelenga, palanga nakulikumbi lize engilile Nowa muwato, nomu lyejile livaji nakunongesa vosena.