Luka 12

Mwavahuhumuna vapwenga vakuzangama

1Hatando yize, omu mazavu atununu natununu twavatu akungulukile, oku vali nakulilyatangila, Yesu aputukile kuhanjika, chakavanga kuli tumbaji twenyi ngwenyi, #Mat 16:6; Mako 8:15Zangamenunga nachimbalwila chavaFwaliseu, chikiko kulyongela kwoloka.

2 # 8:17; Mat 10:26; Mako 4:22 Kaha kakweshi chakufwika navakazeneka kufwikununako, chipwe chakuswamana navakazeneka kutachikizako.

3Shikaho vyeshovyo munahanjikila mumilima navikevwakana musana weye, kaha ovyo munayevetela mutupete twamukachi navakavivilika #Mat 24:17helu yajizuvo.

Ou natwivwa woma

(Mat 10:26-31)

4Enu #Yowa 15:13-15masepa jami, nangumilweza jino ngwami kanda namwivwa woma vaze navajiha mujimba, kaha kufuma haze nevi navalinga vyauchi.

5Oloze nangumilweza jino Ou mwatela kwivwa woma. #Hepe 10:31Ivwenu woma Ou mwalinga nge najihi lyehi, atwama nawa nangolo jakumbila #Mat 2:22muNgehena#12:5 Nge ngwavo, muchijiva chakakahya. Tala Kuso 20:11-15.. Mukiko vene, nangumilweza ngwami, mwivwenu woma.

6Kumana tujilili vatanu kavavalanjisa natumbongo#12:6 MuchiHelase ngwavo, Jisaliya jivali. Saliya, lumbongo lwavaLoma, fweto mutu mwatambula hakuzata chimbwa chalwola kaha. tuvali kahako numba? Oloze naumwe wavo vavulyama kumeso aKalunga wauchi.

7Oloze enu, #21:18; Vili 27:34chipwe jikambu josena jakumitwe yenu vajilava lyehi. Shikaho kanda namwivwa womako, #Mat 12:12enu mwalema kuhambakana tujilili vavavulu.

Kwitavila Kulishitu kumeso avatu hamakumbi amakalu

8Kaha nangumilweza ngwami, weshowo mwalitavila hatoma ngwenyi apwa wami, Mwanamutu nawa mwaketavila uze mutu kumeso avangelo jaKalunga ngwenyi, Apwa wami.

9Oloze #9:26; Mako 8:38; 2 Chim 2:12ou mwangukana kumeso avatu, navakamukana kumeso avangelo jaKalunga.

10 # Mat 12:31-32; Mako 3:28-29 Kaha weshowo mwahanjika lizu lyakufulilila Mwanamutu navahasa kumukonekela. Oloze ou mwasaula Shipilitu Wajila kaveshi kuhasa kumukonekelako.

11 # 12:11-12; 21:14-15; Mat 10:19-20; Mako 13:11 Kaha omu navakamituchangisa nakumitwala kumeso avaka-jisunangonga navaka-kuyula navaka-mawata, kanda namukalizakamina mwakulihakwila chipwe vize mwatela kuhanjikako.

12Mwomwo halwola vene luze, Shipilitu Wajila mwakaminangula vize mwatela kuhanjika.

Chishimo chamuka-luheto wachileya

13Kaha umwe wamuze mulizavu amwambile ngwenyi, Ove Muka-kunangula, Lweza ndumbwami tulipangile uswana wetu.

14Oloze Yesu amwambile ngwenyi, Ove mutu, iya nangulingisa kupwa chamba-milonga chipwe muka-kupangila mukachi kenu?

15Kaha avambile ngwenyi, #1 Chim 6:6-10Zangamenu, kaha lilamenu kulukamakama lwosena, mwomwo mwono wamutu kawatwama hakuvula chaluheto lwenyiko.

16Kaha avatelele chishimo ngwenyi, Wande wamuka-luheto umwe walowele mbuto jajivulu.

17Kaha alihulishile ngwenyi, Nangulinga muka? Mwomwo kangweshi nomu mwakulamina mbuto jamiko.

18Kaha ambile ngwenyi, Nangulinga ngana. Nangusanda visete vyami nakutunga vyeka vyavinene, kaha nangulaminamo mbuto jami josena navikumba vyami.

19Kaha nangulyamba ami ivene#12:19 MuchiHelase ngwavo, Nangwamba mwono wami, ngwami, Ove mwono wami, unalitulikila. ngwami, Nguli navikumba vyavivulu vyakutwalililaho myaka yayivulu. Jino nangunoka, nangulyanga, nangunwanga nakuwahilila.

20Oloze Kalunga amwambile ngwenyi, #11:40; Yele 17:11Ove chileya! Ufuku uno vene, #Yopa 27:8mwono wove navakutambulawo, kaha #Samu 39:6evi unalitulikila navipwa vyeya?

21Mukiko apwa ou #12:33-34mwalitulikila luheto, oloze kuli Kalunga napu wakusuvala.

Kulizakamina

(Mat 6:25-34)

22Kaha ambile tumbaji twenyi ngwenyi, Shikaho nangumilweza ngwami, mukuyoya chenu kanda namulizakamina ngwenu, Natulya ika? Chipwe mijimba yenu ngwenu, Natuvwala ika?

23Mwomwo mwono walema kuhambakana vyakulya, kaha mujimba walema kuhambakana vyakuvwala.

24 # 12:6-7; Yopa 38:41 Shinganyekenu makololo. Kavakuvako chipwe kwaha, kavatwama nazuvo yakulaminako chipwe chisete, kaha Kalunga eji kuvahananga kulya. Enu mwalema kuhambakana tujila!

25Kaha muli enu, muli umwe hakulizakamina mwahasa kulihakilako lwola#12:25 MuchiHelase ngwavo, Kuvite yimwe, kafwe chitenda chamukonekelo, kutando yakuyoya chenyi hamavu. lumwe kumyaka yenyi yakuyoya numba?

26Kaha jino nge kamweshi kuhasa kulinga mwamundende chikuma nganako, nyi namulizakamina ngachilihi havikwavo?

27Shinganyekenu jitemo omu jeji kukulanga. Kajakilikitako chipwe kuhosa wanda wakutunga mahina, oloze nangumilweza ngwami, Chipwe #1 Vamy 10:1-10Solomone muupahu wenyi wosena, kavwalile mwakulifwana nalumwe lwajoko.

28Shikaho nge Kalunga eji kuvwikanga mwila wamuchipapa ngachize, ou uliko lelo kaha hamene hinavaumbila mulilungu lyakakahya, kumana keshi kuhambakanamo kumivwikako numba? — #Mat 6:30enu vaka-lufwelelo lwalundende!

29Kaha kanda namujikanga muchima havyakulyako, chipwe havyakunwa, kaha kanda namulizakaminangako.

30Mwomwo vaka-mafuchi ahakaye vafwila vyosena evi, kaha #Mat 6:8Senu atachikiza ngwenyi mwatela kupwa navyo.

31Olozenyi sakenunga wangana wenyi, kaha navamihakilako #Mat 6:33vyuma evi.

Luheto lwamwilu

(Mat 6:19-21)

32 # Mat 14:27 Kanda namwivwanga womako, enu #Yowa 21:5-17utanga waundende wamikoko, mwomwo Senu asuuluka kumihana #Mat 25:34wangana.

33 # 18:22; Mat 19:21 Lanjisenu vyenu nakuvihana vaka-kukalikiza. Litongelenu vikwama vyakuzeneka kuhulika, mupwenga #12:21; Mat 6:20-21naluheto lwakuzeneka kukuma mwilu, muze kamwapandama mwíji chipwe katutu wakulwenyekako.

34Mwomwo kuze kuli luheto lwenu kwakuze nawa nakupwa michima yenu.

Pwenunga muvakulizánga

35 # Efwe 6:14; 1 Pet 1:13; Mat 25:1-3 Pwenunga mwalijichika lyehi uvwalo wamilimo mujimbunda jenu#12:35 Nge ngwavo, Pwenunga mwalizanga lyehi mumichima nakutalilila kwiza chaMwata., namanongo akuwika lyehi,

36 # Mako 13:33-37 kaha pwenunga nge mwavatu vali nakutalilila kukinduluka chakaka yavo kufuma kuchifupawenga, mangana omu mweza nakungongomweza, hahaze vene vamusokolweleko.

37Vatokwa vandungo vaze navawana #Mat 24:42vanatono nakutalilila kukinduluka chakaka yavo. Mwamuchano nangumilweza ngwami, kaka yavo #Yowa 13:3-5mwalijichika mangana azate, mwavalweza vasendavale kumesa, kaha mwapandama nakuvazumbula.

38Kaha nge mweza hachilo chamuchivali, chipwe chamuchitatu nakuvawana ngocho, ovo vatokwa.

39 # 12:39-40; Mat 24:43-44 Oloze tachikizenu ngwenu, nge mwenyazuvo atachikijile lwola mweza #1 Teso 5:2; Kuso 3:3; 16:15; 2 Pet 3:10mwiji, kachi ketavishile zuvo yenyi vayipupeko.

40Nayenu nawa pwenunga muvakulizánga, mwomwo Mwanamutu mweza halwola munazeneka kutachikiza.

Ndungo wakuhona kushishika

(Mat 24:45-51)

41Kaha Petulu ambile ngwenyi, Ove Mwata, echi chishimo unachitela etu kaha tahi nyi, navosena nawa?

42 # 7:13 Kaha Mwata ambile ngwenyi, Iya napu kaselwa wakushishika, wamangana, ou kaka yenyi mwatongola kumulamina vangamba jenyi, nakuvahananga chazano chavo chakulya halwola lwakutamo?

43Atokwa ndungo uze navawana ali nakulingamo hakukinduluka chakaka yenyi.

44Mwamuchano nangumilweza ngwami, mwamutongola kupwa muka-kumulamina vyenyi vyosena.

45Oloze nge uze ndungo mwalyamba mumuchima wenyi ngwenyi, Kaka yami nazezama kwiza, kaha himwaputuka kuveta vangamba vamalunga naava vamapwevo, himwalya nakunwa nakupenda,

46kaha kaka yauze ndungo mweza halikumbi nazeneka kutachikiza, halwola nazeneka kwijiva, kaha mwamwipula vikote nakumuhaka hamukana wavaze vazeneka kushishika.

47Kaha uze ndungo átachikijile muchima wakaka yenyi, oloze azenekele kulizánga chipwe kulinga mwaya muchima wakaka yenyi, #Lush 25:2-3navamwipula vikote vyavivulu.

48Oloze uze #Levi 5:17; Kula 15:29-30katachikijile muchima wakaka yenyiko#Mat 13:12, himwalinga vyakutela kumuvetela, navamwipula vikote vyavindende. Oloze #Mat 13:12weshowo vahanyine vyavivulu, navasaka alovole vyavivulu, kaha ou vahanyine kulama vyavivulu, navasaka ahambakane kushishikila vize vyavivulu.

Yesu aneha chihandwa

(Mat 10:34-36)

49Ngwejile nakumbila kakahya hano hamavu, kaha ngunasake ngwami kachi kanakwate lyehi!

50Jino nguli #Mako 10:38-39nalujimiko navangujimika, kaha nguli nakulyonyinga chikuma palanga nomu navakalumanyisa!

51Munashinganyeka ngwenu nguneza nakuneha kuunda hamavu tahi? Chiku, oloze nangumilweza ngwami ngunanehe chihandwa.

52Mwomwo kufuma oholili, muzuvo muli vatanu namupwa kulihandununa, vatatu navafumbukila vavali, kaha vavali navafumbukila vatatu.

53Nakupwa chihandwa — navalifumbukila, #Mika 7:6; Mat 10:21ise namwanenyi walunga, mwana walunga naise, naye namwanenyi wapwevo, mwana wapwevo nanaye, kaha nayewenu napwevo lyamwanenyi, pwevo lyamwana nanayewenu.

Kulumbununa jingonde

(Mat 16:1-4; Mako 8:11-13)

54Kaha ambile nawa mazavu ngwenyi, Omu namumona livwi nalifuma kumuyakumbi, hahaze vene namwamba ngwenu, Nakunoka vula yanyamanganda. Kaha mukiko nachisoloka.

55Kaha omu nakuhuhwa peho yakumutamba wachilyo chamututuko, namwamba ngwenu, Nakupwa musana wanonga, kaha mukiko nachisoloka.

56Enu vaka-kulyongela kwoloka! Mwatachikiza mwakulumbunwina kupwa chavyahamavu nakupwa chalilu, kaha munazenekela ika kutachikiza mwakulumbunwina yino ngonde?

Kulivwasana namuka-kukuhana mulonga

(Mat 5:25-26)

57Kaha mwomwo ika enu vavene mwazeneka kupezalisa mumone mwalumbunukila vyakwoloka?

58Mwomwo shimbu uchili nakuya nayou unavulumuna kuli muka-kusopesa, eseka chikuma kuwana mwakukumishila chihande, kuchina mwakundulyangisa nakukuhana kumavoko amuka-kusopesa, kaha muka-kusopesa mwakuhana kuli muka-kulama kamenga, kaha muka-kulama kamenga himwakumbila mukamenga.

59Nangukulweza ngwami, kaweshi kukalovokamoko, palanga nomu naukafweta kalumbongo#12:59 MuchiHelase ngwavo, Leputonyi, kalumbongo mutu mwatambula hakuzata chimbwa chaola yimwe. kakukumishilako.

Currently Selected:

Luka 12: LUE

Highlight

Copy