Popular Bible Verses from Luka 12

Share

Nayenu nawa pwenunga muvakulizánga, mwomwo Mwanamutu mweza halwola munazeneka kutachikiza.

Olozenyi sakenunga wangana wenyi, kaha navamihakilako vyuma evi.

Kaha avambile ngwenyi, Zangamenu, kaha lilamenu kulukamakama lwosena, mwomwo mwono wamutu kawatwama hakuvula chaluheto lwenyiko.

Mwomwo kuze kuli luheto lwenu kwakuze nawa nakupwa michima yenu.

Kaha muli enu, muli umwe hakulizakamina mwahasa kulihakilako lwola lumwe kumyaka yenyi yakuyoya numba?

Kaha ambile tumbaji twenyi ngwenyi, Shikaho nangumilweza ngwami, mukuyoya chenu kanda namulizakamina ngwenu, Natulya ika? Chipwe mijimba yenu ngwenu, Natuvwala ika?

Oloze enu, chipwe jikambu josena jakumitwe yenu vajilava lyehi. Shikaho kanda namwivwa womako, enu mwalema kuhambakana tujilili vavavulu.

Kanda namwivwanga womako, enu utanga waundende wamikoko, mwomwo Senu asuuluka kumihana wangana.

Shinganyekenu makololo. Kavakuvako chipwe kwaha, kavatwama nazuvo yakulaminako chipwe chisete, kaha Kalunga eji kuvahananga kulya. Enu mwalema kuhambakana tujila!

Kaha kanda namujikanga muchima havyakulyako, chipwe havyakunwa, kaha kanda namulizakaminangako.

Shikaho nge Kalunga eji kuvwikanga mwila wamuchipapa ngachize, ou uliko lelo kaha hamene hinavaumbila mulilungu lyakakahya, kumana keshi kuhambakanamo kumivwikako numba? — enu vaka-lufwelelo lwalundende!

Kaha kakweshi chakufwika navakazeneka kufwikununako, chipwe chakuswamana navakazeneka kutachikizako.